Rome 2:7 - Mbeti ti Nzapa - Tënë so amu fini

⁷ Azo so amu be ti ala kue ti gi ti sara nzoni ye, ala yeke gi titene Nzapa agonda ala, lo ne ala si lo mu na ala fini so angba lakue lakue, fade Nzapa ayeke mu lege na ala ti duti na fini kpu na kpu.

Rome 2:7 ပူးပေါင်းရင်းမြစ်များ

Mbeti ti Job 17:9

Ala yeke tene: “Ayeke nzoni zo ti mbirimbiri angba gi na lege ti sarango ye ti lo; zo so maboko ti lo avuru, ayeke nzoni lo kiri lo gbu ngangu ahon ti kozoni!”

Abia (Psaumes) 27:14

Zia be ti mo ti ku KOTA GBIA! Gbu ngangu! Kanga be ti mo! Zia be ti mo ti ku KOTA GBIA!

Abia (Psaumes) 37:3

Mo zia be ti mo na ndö ti *KOTA GBIA, mo sara nzoni ye si fade mo duti na ya ti kodro ni, fade sioni ye asi na mo pepe.

Abia (Psaumes) 37:34

Zia be ti mo ti ku gi KOTA GBIA, mo mu gi lege so lo fa na mo. Fade lo yeke mu mo na nduzu titene mo mu kodro ni si aga ti mo, fade mo yeke baa azo ti sioni so a yeke bi ala na gigi.

Ezekiel 18:17

Lo yeke yoro tere ti lo na ya ti ye ti kirikiri pepe. Tongana lo sara boon ti nginza na mbeni zo, lo yeke hunda mbeni nginza na ndö ni pepe, lo yeke gi ti wara ye na peko ni pepe. Lo yeke sara ye alingbi na aye so mbi fa si lo yeke tambula alingbi na atënë ti ndia ti mbi. Molenge-koli so ayeke kui ndali ti asiokpari ti babâ ti lo pepe; biani, lo yeke ngba na fini.

Matthieu 25:46

Fade asioni zo so ayeke gue na ngbanga so angba lakue lakue si azo ti mbirimbiri ayeke gue ti duti na fini so angba lakue lakue.”

Nzoni Tënë so Luc asu na mbeti 21:19

Ala gbu ngangu si fade ala soo kuâ!”

Nzoni Tënë so Luc asu na mbeti 8:15

Ambeni zo ayeke tongana nzoni sese so ale ti kobe atuku daa; ala ma tënë ni na be so ayeke mbirimbiri si ayeke nzoni. Ala bata tënë ni si ala kanga be ti ala ti le lakue.”

Jean 4:36

Zo ti fango ale ti kobe ayeke wara futa ti lo fadeso si lo yeke bongbi ale ti kobe ni ndali ti fini so angba lakue lakue. Tongaso zo ti lungo kobe na zo ti fango ale ti kobe ni, ala kue awara ngia legeoko.

Jean 5:44

Ala ye titene amba ti ala laa agonda ala si ala nga agonda amba ti ala; me gonda so alondo na Nzapa oko, ala ye ti gi ni pepe. Fade ala lingbi ti ma na be tongana nyen?

Rome 2:10

Me azo so ayeke sara ye ti nzoni, fade Nzapa ayeke gonda ala, lo yeke ne ala si lo yeke mu na ala siriri, azuife kozoni si na pekoni azo ti amara nde.

Rome 6:23

Biani, futa ti siokpari ayeke kuâ; me nzoni ye so Nzapa ayeke mu na zo senge senge ayeke fini so angba lakue lakue, na lege ti gango so e ga oko na Jésus Christ, *Kota Gbia ti e.

Rome 8:18

Mbi baa mbi tene, apasi so e yeke baa laso so, a lingbi ti haka ni na gonda ti Nzapa pepe, gonda so lo yeke fa ni na le ti e gbanda so.

Rome 9:23

tongaso si lo fa kota gonda ti lo na azo so lo baa mawa ti ala; azo ni ayeke azo so lo leke ala kozoni ndali ti gonda ni.

1 Korente 15:42

Fade ye ni ayeke duti tongaso na zingongo ti akuâ. Tere so a lu ni, ayeke tere so ayeke buba; tere so a zingo ni na kuâ, ayeke kiri ti buba pepe.

1 Korente 15:50

A-ita, tënë so mbi tene ayeke so: tere ti e ti zo alingbi ti li na ya ti *Kodro-gbia ti Nzapa pepe; ye so ayeke buba bubango alingbi ti wara lege ti ngba na fini lakue lakue pepe.

1 Korente 15:58

Tongaso, a-ita ti mbi so mbi ye ala mingi, ala luti ngangu, ye ayingi ala pepe! Ala ngba lakue na sarango kua ti Kota Gbia. Ayeke nzoni, ala hinga atene, kua so ala yeke sara na Kota Gbia, peko ni ayeke ngba senge pepe.

Galasii 6:9

Be ti e awoko pepe na sarango nzoni ye, ndali ti so tongana ndembe ni alingbi si e ngba na lege ni, fade e yeke ko lengo ni.

Efeze 6:24

Ayeke nzoni Nzapa asara nzoni be na azo so kue aye Kota Gbia ti e Jésus Christ si ala ngba lakue ti ye lo!

Kolose 1:27

Nzapa aye si ala hinga mosoro na gonda so lo leke na hondengo ni ndali ti azo so ayeke azuife pepe. Ye so lo leke ayeke so: Christ ayeke na be ti ala si ala zia be ti ala ti ku titene ala duti ande na ya ti gonda ti lo.

1 Timothée 1:17

Ayeke nzoni azo ane Kota Gbia, ala gonda lo lakue lakue, lo yeke oko Nzapa, zo abaa lo pepe, lo yeke na fini lakue lakue, lo yeke Kota Gbia kpu na kpu! Amen.

2 Timothée 1:10

Nzapa afa nzoni be ti lo ni fadeso na lege ti gango ti Jésus Christ, Wasongo e. Lo hon ndö ti kuâ na ngangu awe si na lege ti Nzoni Tënë, lo fa polele na azo fini so angba lakue lakue.

Ahebro 2:7

Mo sara si lo kiri na gbe ti a-ange ndali ti kete ngoi, mo sara si azo agonda lo mingi si ane lo.

Ahebro 6:12

Ala woko na lege ti sarango kua pepe, me ala sara ye tongana ti azo so ama na be, azo so akiri na peko pepe. Azo ni ayeke wara aye so Nzapa amu zendo ni na ala.

Ahebro 6:15

Abraham akanga be ti lo aku si lo wara ye so Nzapa amu zendo ni na lo.

1 Jean 2:25

Ye so Christ amu zendo ti mu na e ayeke fini so angba lakue lakue.