Rome 2:25 - Mbeti ti Nzapa - Tënë so amu fini

²⁵ Taa-tënë, tongana mo fâ *ganza si mo yeke sara ye alingbi na Ndia, fango ganza ni ayeke sara nzoni na mo; me tongana mo fâ ganza si mo sara ye alingbi na Ndia pepe, mo yeke tongana zo so afâ ganza pepe.

Rome 2:25 ပူးပေါင်းရင်းမြစ်များ

Jérémie 4:4

Ala fâ *ganza ndali ti KOTA GBIA, ala fâ be ti ala na ganza, ala azo ti Juda na ala, azo ti Jérusalem. Tongaso pepe, ndali ti sioni sarango ye ti ala, fade ngonzo ti mbi ayeke londo tongana wâ; wâ ni ayeke gbi ye kue si zo oko alingbi ti mingo ni pepe.”

Awatokua 7:51

“Ala azo ti ngangu li, ala so a fâ be ti ala na mê ti ala na ganza pepe so, lakue ala yeke ke tënë ti Yingo-Vuru! Ala yeke tongana akotara ti ala!

Rome 2:13

Azo so ama tënë ti Ndia gi na mê ti ala aga nzoni na le ti Nzapa pepe, me azo so asara ye alingbi na tënë ti Ndia ni laa aga nzoni na le ti lo.

Rome 2:23

Mo yeke pika kate ti mo ndali ti Ndia, me ngbanga ti nyen si sarango ye ti mo alingbi na tënë ti Ndia pepe? Ngbanga ti nyen si mo yeke ne Nzapa pepe?

Rome 2:26

Zo so afâ ganza pepe si lo sara ye alingbi na Ndia, na le ti Nzapa lo yeke tongana zo so afâ ganza awe.

Rome 2:27

Zo ti mbeni mara nde so afâ ganza pepe si lo yeke sara ye alingbi na Ndia, fade lo yeke fâ ngbanga na li ti mo so mo yeke zuife ndali ti so mo fâ ganza awe, me mo yeke sara ye alingbi na Ndia pepe so.

Rome 2:28

Ye so azo ayeke baa wala ka ti ganza so ayeke na tere ti zo, so laa ayeke sara si zo aga taa zuife pepe;

1 Korente 7:19

Fango ganza ayeke ye pepe, fango ganza pepe ayeke nga ye pepe. Kota ye ni ayeke titene zo asara ye alingbi na atënë ti yanga ti Nzapa.

Galasii 6:13

Ataa so azo ni afâ ganza, ala yeke sara ye alingbi na *Ndia pepe! Azo ni aye ti fâ ala na ganza ti wara lege ti gondango tere ndali ti ye so azo ni asara na tere ti ala, a-ita.

Galasii 6:15

Ndani laa, ataa zo afâ ganza wala lo fâ ganza pepe, so ayeke senge. Kota ye ni ayeke so Nzapa asara si e ga afini zo!

Ndia ti fani use ni 30:6

Fade KOTA GBIA Nzapa ti ala wani laa ayeke fâ be ti ala na *ganza, be ti ala na ti *ahale ti ala, tongaso si ala yeke ye KOTA GBIA Nzapa ti ala na be ti ala kue nga na yingo ti ala kue si ala lingbi ti duti na fini.