Rome 2:15 - Mbeti ti Nzapa - Tënë so amu fini

¹⁵ Sarango ye ti ala afa so aye so Ndia ti Moïse ahunda ayeke na be ti ala. Be ti ala afa so ye ni ayeke tongaso, lege ti gbungo-li ti ala afa so ye ni ayeke nga tongaso. Lege ti gbungo-li ti ala ni ayeke fa na ala so ala sara sioni, na mbage ayeke gbu koko ti ala na ndö ti ye so ala sara.

Rome 2:15 ပူးပေါင်းရင်းမြစ်များ

Tongo nda ti aye 20:5

Abraham laa atene na mbi: ‘Sara ayeke ita ti mbi.’ Sara nga atene: ‘Ita ti mbi ti koli laa.’ Mbi sara ye ni na sioni be pepe; tënë ayeke na li ti mbi pepe.”

1 Agbia 2:44

Gbia atene na Shimei: “Mo hinga na be ti mo sioni so kue mo sara na babâ ti mbi David. Fade KOTA GBIA ayeke sara titene ngbanga ti sioni ti mo ati na li ti mo wani.

Mbeti ti Job 27:6

Mbi ngba ti luti ngangu na ndö ti tënë ti mbi, mbi tene: sarango ye ti mbi ayeke mbirimbiri. Mbi yeke kiri na peko pepe: Na be ti mbi, mbi baa sioni ye oko na li ti mbi pepe.

Zo ti bongbingo azo 7:22

Mo wani, mo hinga so, fani mingi, mo nga, mo tene asioni tënë na tere ti amba ti mo awe.

Jean 8:9

So azo ni ama tënë so, ala londo oko na oko ti gue; azo so ahon kozoni ayeke ambakoro. Jésus angba gi lo oko, wali ni angba ti luti na dawa ti lo.

Awatokua 23:1

Paul abaa ndo na le ti azo ti *Kota Bongbi ti Fango Ngbanga ni mbirimbiri si lo tene: “A-ita, na ngoi so mbi mu peko ti Nzapa ngbii asi laso, na be ti mbi, mbi baa mbeni sioni ye ayeke na li ti mbi oko pepe.”

Awatokua 24:16

Ndani laa, mbi nga, mbi yeke sara ngangu lakue titene mbeni sioni ye aduti na be ti mbi na le ti Nzapa pepe nga na le ti azo pepe.

Rome 2:14

Azo ti amara nde ahinga Ndia ti Moïse pepe, me tongana ti so be ti ala afa na ala, ala yeke sara ye alingbi na Ndia ni; so ti fa atene, ndia ti ala ayeke na be ti ala wani, ataa so ala yeke na Ndia pepe.

Rome 2:27

Zo ti mbeni mara nde so afâ ganza pepe si lo yeke sara ye alingbi na Ndia, fade lo yeke fâ ngbanga na li ti mo so mo yeke zuife ndali ti so mo fâ ganza awe, me mo yeke sara ye alingbi na Ndia pepe so.

Rome 9:1

Na lege ti gango so mbi ga oko na Christ, mbi yeke tene taa-tënë, mbi yeke tene mvene pepe. Yingo-Vuru ayeke fa lege na be ti mbi si be ti mbi ayeke fa so ye ni ayeke taa-tënë:

2 Korente 1:12

Ye so e yeke gonda tere ti e daa ayeke so: be ti e afa na e atene, dutingo ti e na dunia so, e duti na vuru be nga na be so sioni oko ayeke daa pepe. E duti tongaso mbirimbiri na mbage ti ala na lege ti ndara ti azo pepe, me na lege ti nzoni be ti Nzapa.

2 Korente 5:11

E hinga lege ti kpengo mbeto ti *Kota Gbia awe, nilaa e yeke gi lege ti sara kue titene azo ayeda na tënë ti lo. Nzapa ahinga e nzoni mingi, mbi hinga, mbi tene, gbaa na be ti ala kâ, ala nga ahinga mbi nzoni mingi.

1 Timothée 4:2

Ala yeke girisa lege ndali ti azo ti tenengo mvene so tënë ti yanga ti ala ayeke nde na sarango ye ti ala, be ti ala ayeke na nzoroko ti sioni ye so a su ni na wen so a yoro na ya ti wâ si abe.

Tite 1:15

Ye kue ayeke *nzoni ndali ti azo so be ti ala avuru. Me ti azo so ayeke *sioni si ala ke ti ma na be, mbeni *nzoni ye oko ndali ti ala ayeke daa pepe. Hingango ndo ti ala nga na be ti ala kue aga *sioni awe.