Rome 2:14 - Mbeti ti Nzapa - Tënë so amu fini

¹⁴ Azo ti amara nde ahinga Ndia ti Moïse pepe, me tongana ti so be ti ala afa na ala, ala yeke sara ye alingbi na Ndia ni; so ti fa atene, ndia ti ala ayeke na be ti ala wani, ataa so ala yeke na Ndia pepe.

Rome 2:14 ပူးပေါင်းရင်းမြစ်များ

Awatokua 10:35

Zo so kue akpe mbeto ti Nzapa si asara ye ti mbirimbiri, Nzapa aye lo, ataa lo yeke zo ti mara wa.

Awatokua 14:16

Na ya ti angoi so ahon, Nzapa azia amara kue titene ala mu lege so be ti ala wani aye.

Awatokua 17:30

Me ngoi so zo ahinga ye pepe, Nzapa abaa ni senge. Fadeso, lo yeke iri azo kue, na ndo kue titene ala zia ngbene lege ti sarango ye ti ala.

Rome 1:32

Ala hinga tënë ti fango ngbanga ti Nzapa nzoni: azo so asara aye tongaso, ala lingbi na kuâ. Ataa so kue, ala ngba ti sara aye ti sioni so si na ndö ni kue, ala yeke yeda na azo so ayeke sara ni.

Rome 2:12

Azo so kue ahinga *Ndia ti Moïse pepe si ala yeke sara siokpari, fade ala yeke kui, ataa so ala hinga ndia ni pepe; me azo so kue ahinga Ndia ti Moïse si ala yeke sara siokpari, fade a yeke fâ ngbanga ti ala na lege ti Ndia ni.

Rome 2:15

Sarango ye ti ala afa so aye so Ndia ti Moïse ahunda ayeke na be ti ala. Be ti ala afa so ye ni ayeke tongaso, lege ti gbungo-li ti ala afa so ye ni ayeke nga tongaso. Lege ti gbungo-li ti ala ni ayeke fa na ala so ala sara sioni, na mbage ayeke gbu koko ti ala na ndö ti ye so ala sara.

Rome 2:27

Zo ti mbeni mara nde so afâ ganza pepe si lo yeke sara ye alingbi na Ndia, fade lo yeke fâ ngbanga na li ti mo so mo yeke zuife ndali ti so mo fâ ganza awe, me mo yeke sara ye alingbi na Ndia pepe so.

1 Korente 11:14

Tongana koli ayeke na yongoro kua ti li, lo bi tere ti lo na sese awe. Gigi laa ayeke fa na ala ye so pepe?

1 Korente 9:21

Tongana mbi yeke na popo ti azo so ayeke na gbe ti Ndia ti Moïse pepe, mbi yeke sara ye tongana zo so ayeke na gbe ti Ndia ni pepe. Mbi sara tongaso ti wara azo so ayeke na gbe ti Ndia ni pepe. Andaa mbi ke ndia ti Nzapa pepe, ngbanga ti so mbi yeke sara ye alingbi na ndia ti Christ.

Efeze 2:12

ando, ala yeke yongoro na Christ, mbeni ye ti ala oko so ala lingbi ti wara na popo ti azo ti Israel ayeke daa pepe. Nzapa asara si azo so lo mu zendo na ala, lo sara *ambuki na ala; me ala azo ti amara nde, ala yeke na ya ti ambuki so pepe. Mbeni ye so ala lingbi ti zia be ti ala daa ti ku na dunia so ayeke daa pepe; ala hinga Nzapa pepe.

Efeze 2:3

E nga kue, e yeke ando tongana ala: e yeke sara aye na lege ti asioni nzara ti be ti e, e yeke sara ye so be ti e aye na ye so anzere na be ti e. E nga, ngonzo ti Nzapa alingbi ti ti na li ti e tongana tanga ti azo kue ndali ti so a du e zo.

Ndia ti fani use ni 4:7

KOTA GBIA Nzapa ti e ayeke lakue nduru na e tongana e iri lo ti mu maboko na e. Mbeni kota mara nde ayeke daa so anzapa ti lo ayeke nduru na lo tongana ti e so?

Filipe 4:8

A-ita, ti hunzi na ni, alingbi ala zia be ti ala na ndö ti ye so ayeke taa-tënë, ye so ayeke ye ti nengo ni, ye so ayeke mbirimbiri, ye so ayeke nzoni kue, ye so zo alingbi ti ye ni, ye so zo alingbi ti gonda ni, ye so kue ayeke nzoni mingi, ye so zo alingbi ti tene nzoni tënë ni na le ti azo.