Rome 16:4 - Mbeti ti Nzapa - Tënë so amu fini

⁴ Angba kete ala wara kuâ ndali ti mbi na ndembe so ala ye ti soo mbi na kuâ. Gi mbi oko laa mbi yeke mu singila na ala pepe, me a-Eglize kue ti amara nde.

Rome 16:4 ပူးပေါင်းရင်းမြစ်များ

2 Samuel 22:41

Mo sara si awato ti mbi akpe na dawa ti mbi; mbi yeke fâ awato ti mbi, mbi hunzi ala kue.

Mishe 2:3

Ndani laa, tënë so *KOTA GBIA atene ayeke so: “Baa, mbi yeke leke mbeni kota kpale ti tokua na ndö ti mara ti azo tongana ala so. Fade ala lingbi ti sigigi na ya ni pepe, ala lingbi ti tambula, li ti ala na nduzu pepe, ngbanga ti so ngoi ni ayeke duti ngoi ti kota kpale.”

Jean 15:13

Tongana mbeni zo aka fini ti lo ndali ti azo so lo ye ala, mbeni ndoye ti hon so ayeke daa pepe.

Awatokua 15:26

Ala yeda ti ka fini ti ala ndali ti iri ti *Kota Gbia ti e Jésus Christ.

Awatokua 15:41

Paul ahon na ya ti asese ti Sirii na ti Silisii si lo yeke mu wango na azo ti *Eglize titene ala kpengba.

Awatokua 16:5

Tongaso azo ti *a-Eglize ni akpengba na lege ti mabe si lakue wungo ti azo ni ayeke gue gi na nduzu.

Awatokua 9:31

Tongaso *Eglize ti sese ti Judée kue, ti Galile na ti Samarii ayeke lani na siriri. Na lege ti ngangu ti Yingo-Vuru, Eglize ni ayeke kpengba, ayeke kpe mbeto ti Kota Gbia si ayeke mai.

Rome 16:3

Ala bara na mbi Priscille na Akilas, amba ti mbi so mbi na ala, e yeke sara kua ti Jésus Christ.

Rome 16:5

Ala bara na mbi azo ti Eglize so ayeke bongbi na da ti Priscille na Akilas. Ala bara na mbi Epainete so mbi ye lo mingi; lo yeke kozo zo ti sese ti Azii so ama na be na Christ.

Rome 5:7

Titene mbeni zo ayeda ti kui ndali ti zo ti mbirimbiri, so ayeke ngangu mingi, wala titene mbeni zo ayeda ti kui ndali ti zo ti sarango nzoni, so mbi hinga pepe.

1 Korente 16:1

Tënë ti bongbingo nginza ti mu maboko na azo ti Nzapa, ayeke nzoni ala sara ni gi tongana ti so mbi mu yanga na *a-Eglize ti Galasii ti sara.

1 Korente 7:17

Ti tanga ti azo ni, alingbi zo oko oko angba na lege ti dutingo ti lo so *Kota Gbia amu na lo, alingbi lo ngba na lege ti dutingo ti lo ni na ndembe so Nzapa airi lo. Ye so mbi yeke mu yanga daa na *a-Eglize kue laa.

Filipe 2:30

ngbanga ti so angba kete lo kui ndali ti kua ti Christ. Lo ka tere ti lo titene lo ga lo sara na mbi ye so ala wani alingbi fade ti sara ndali ti mbi.

1 Tesalonike 2:14

Biani, a-ita, azo ti Tesalonike, ala sara ye awe gi tongana ti azo ti *Eglize ti Nzapa so ayeke na sese ti Judée, ala so aga oko na Jésus Christ so. Ala baa pasi na maboko ti azo ti kodro ti ala wani tongana ti so azo ti Eglize ti Judée abaa pasi na maboko ti azuife.

Josué 10:24

Gi so a sigigi na agbia oku so si a gue na ala na Josué, lo bongbi azo ti Israel kue si lo tene na amakonzi so ayeke na li ti aturugu, ala so lo na ala ayeke tambula, lo tene: “Ala ga nduru, ala do go ti agbia so!” Amakonzi ni aga nduru si ala do go ti agbia ni.

1 Jean 3:16

Ndoye ayeke nyen? Ye so e yeke hinga ndoye na ni ayeke so: Jésus Christ aka fini ti lo ndali ti e. Tongaso e nga, alingbi e ka fini ti e ndali ti a-ita ti e.

Aye so Nzapa afa 1:4

Jean laa atokua mbeti so na *a-Eglize mbarambara so ayeke na sese ti Azii. Ayeke nzoni Nzapa, lo so lo yeke laso, lo yeke ando si lo yeke ga, asara nzoni be na ala si amu na ala siriri! Ayeke nzoni ayingo mbarambara so ayeke luti na dawa ti mbata ti lo ti gbia amu ye so na ala!