Rome 16:1 - Mbeti ti Nzapa - Tënë so amu fini

¹ Mbi hunda na ala ti yamba Febe, ita ti e ti wali, lo yeke *diakre na *Eglize ti Sankre.

Rome 16:1 ပူးပေါင်းရင်းမြစ်များ

Matthieu 12:50

Zo so asara ye so be ti Babâ ti mbi so ayeke na yayu aye, andaa lo yeke ita ti mbi ti koli, wala ita ti mbi ti wali, wala mama ti mbi.”

Marc 10:30

fade lo yeke wara ada, a-ita ti koli na ti wali, amama, amolenge na ayaka fani ngbangbo oko na ya ti ngoi so e yeke daa so. Fade azo ayeke sara ngangu na lo si na ya ti ngoi so ayeke ga, lo yeke wara fini so angba lakue lakue.

Nzoni Tënë so Luc asu na mbeti 8:3

lo na Jeanne, wali ti Kuza, wabatango aye ti Herode, na Suzanne na ambeni wali mingi so ayeke mu ye ti ala wani ti mu maboko na Jésus na adisiple ti lo.

Awatokua 18:18

Paul angba na Korente aninga. Na pekoni, lo zia a-ita, azo ti Christ si lo mu mangboko ti gue na sese ti Sirii, lo na Priscille na Akilas. Kozo titene lo londo na gbata ti Sankre ti hon, lo kio kua ti li ti lo, ngbanga ti so lo deba yanga ti lo na le ti Nzapa.

2 Korente 3:1

E yeke kiri ti tene nzoni tënë na iri ti e wani? Wala e yeke mu ambeti so atene nzoni tënë na ndö ti e tongana ti so ambeni zo ayeke sara so? E mu ambeti ni ti gue na ni na ala, wala e mu ni na maboko ti ala?

1 Timothée 5:2

mo mu wango na ambakoro-wali tongana amama ti mo, mo mu nga wango na amaseka-wali tongana a-ita ti mo ti wali, mo mu wango ni na vuru be.

Philémon 1:2

E tokua nga mbeti so na ita ti e ti wali Apia, lo na Arshipe, mba ti e so abongbi na e ti tiri bira; e tokua nga mbeti so na azo ti *Eglize so ayeke bongbi na da ti mo.

Jacques 2:15

Tongana mbeni ita ti koli wala ti wali ayeke na bongo ti yungo ni pepe wala kobe ti tengo ni pepe