Rome 15:8 - Mbeti ti Nzapa - Tënë so amu fini

⁸ Biani, mbi tene na ala: Nzapa angba na ndö ti tënë so lo tene. Ndani laa Christ aga zo ti sarango kua na azuife ti sara ye alingbi na zendo so Nzapa amu ando na akotara ti e.

Rome 15:8 ပူးပေါင်းရင်းမြစ်များ

Amato 8:7

Biani, mbi yeke tene taa-tënë, ngbanga ti so mbi ke na kuru go asioni tënë.

Mishe 7:20

Mo yeke bata tënë ti yanga ti mo na *ahale ti Jacob na ti Abraham. Ye so mo deba yanga ti mo ti sara na akotara ti e ngbene ye ando laa.

Matthieu 15:24

Jésus akiri tënë na ala: “Nzapa atokua mbi gi na azo ti Israel so ala yeke tongana ataba so agirisa.”

Matthieu 20:28

Legeoko tongaso, *Molenge ti Zo aga titene azo asara kua na lo pepe, me lo ga titene lo sara kua na azo, ti ka tere ti lo na kuâ ti soo gba ti azo.”

Jean 1:11

Lo ga na taa kodro ti lo, me azo ti kodro ti lo ayamba lo pepe.

Jean 10:16

Ambeni taba ti mbi ayeke na ya ti gbagba ti ataba so pepe. Alingbi mbi fa na ala lege; fade ala yeke ma go ti mbi si ala kue aga bongbi oko ti ataba na wabatango-taba oko.

Awatokua 13:46

Tongaso Paul na Barnabas akiri atene na ala polele, atene: “Ala fade laa, e lingbi ti fa tënë ti Nzapa na ala kozoni. Me ndali ti so ala ke ni awe si ala wani abaa tere ti ala atene, fini so angba lakue lakue, ala lingbi na ni pepe, e yeke zia ala ti gue na mbage ti azo ti amara nde.

Rome 11:22

Baa, Nzapa ayeke Nzapa ti nzoni be, lo yeke nga Nzapa so fango ngbanga ti lo aso mingi. Fango ngbanga ti lo aso na tere ti azo so ati, me lo yeke sara nzoni be na mo. Alingbi mo ngba ti duti na ya ti nzoni be ti lo, tongaso pepe, fade a yeke zi nga mo tongana ti so a zi maboko ti keke so.

Rome 11:30

Ando, ala azo ti amara nde, ala ke yanga ti Nzapa; me fadeso, Nzapa abaa mawa ti ala, ndali ti so azuife ama yanga ti lo pepe.

Rome 15:16

si lo mu mbi ti ga zo ti kua ti Jésus Christ na popo ti azo ti amara nde. Lo zia mbi nde ti fa Nzoni Tënë ti Nzapa. Tongaso, azo ti amara nde alingbi ti ga nzoni *sandaga na le ti Nzapa na lege ti Yingo-Vuru, lo so lo sara si ala ga nzoni kue.

Rome 3:26

na ngoi so lo kanga be ti lo ti ku ala. Ti fadeso, lo fa so lo yeke mbirimbiri si lo ye titene azo so ama na be na Jésus aga mbirimbiri na le ti lo.

Rome 3:3

Nyen? So ambeni zuife ake ti bata tënë ti yanga ti lo so, so laa akanga lege na Nzapa ti bata tënë ti yanga ti lo?

Rome 4:16

Ndani laa azo alingbi ti wara aye so Nzapa amu zendo ni gi na lege ti mabe; lo mu aye ni na ahale ti Abraham gi senge senge. Tongaso zendo ni ayeke ndali ti ahale ti Abraham kue. Ambeni zo so azia be ti ala na ndö ti *Ndia, zendo ni ayeke gi ndali ti ala oko pepe, me ayeke nga ndali ti azo so ama na be tongana Abraham, babâ ti e kue.

1 Korente 1:12

Tënë so mbi ye ti tene ayeke so: na popo ti ala, mbeni ayeke tene, ni yeke zo ti Paul, mbeni ayeke tene, ni yeke zo ti Apolos, mbeni ayeke tene, ni yeke zo ti Sefas si mbeni ayeke tene, ni yeke zo ti Christ.

1 Korente 10:19

Tënë ti nyen laa mbi ye ti tene? Nyama so a ya na sandaga na anzapa nde ayeke mbeni ye? Wala mbeni nzapa nde ayeke mbeni ye?

1 Korente 10:29

Mbi yeke tene tënë ti be ti ala pepe, me mbi yeke tene tënë ti be ti zo so atene tënë ni na ala so. Ye so mbeni zo abaa na be ti lo tongana nzoni ye wala sioni ye, ngbanga ti nyen si alingbi ti kanga lege na mbi ti sara ye so be ti mbi aye?

1 Korente 15:50

A-ita, tënë so mbi tene ayeke so: tere ti e ti zo alingbi ti li na ya ti *Kodro-gbia ti Nzapa pepe; ye so ayeke buba bubango alingbi ti wara lege ti ngba na fini lakue lakue pepe.

2 Korente 1:20

Na lege ti lo laa Nzapa atene “een” ti mu na e aye so kue lo mu ando zendo ni. Na lege ti lo nga laa e yeke tene “amen” ti gonda Nzapa.

Efeze 2:12

ando, ala yeke yongoro na Christ, mbeni ye ti ala oko so ala lingbi ti wara na popo ti azo ti Israel ayeke daa pepe. Nzapa asara si azo so lo mu zendo na ala, lo sara *ambuki na ala; me ala azo ti amara nde, ala yeke na ya ti ambuki so pepe. Mbeni ye so ala lingbi ti zia be ti ala daa ti ku na dunia so ayeke daa pepe; ala hinga Nzapa pepe.