Rome 15:31 - Mbeti ti Nzapa - Tënë so amu fini

³¹ Ala sambela si azuife so ayeke na Judée so ake tënë ti Nzapa asara sioni na mbi pepe. Ala sambela nga si ye so mbi yeke gue na ni na Jérusalem, azo ti Nzapa so ayeke kâ alingbi ti yamba ni na ngia.

Rome 15:31 ပူးပေါင်းရင်းမြစ်များ

Awatokua 22:24

Kota komanda ti aturugu ni amu yanga titene a mu Paul ali na lo na ya ti gbagba ti aturugu ni titene a pika lo si lo fa na ala nda ti tënë so azuife ayeke dekongo na li ti lo ngbanga ni so.

Awatokua 25:2

Kâ, akota wayango-sandaga na amakonzi ti azuife aga ti baa lo ti zia tënë ti Paul na gbe ti lo. Ala voro Festus mingi

Awatokua 25:24

Festus atene: “Gbia Agripa, na ala so kue ayeke na tere ti e ge so, ala baa koli so: azuife kue ti ndo so aga abaa mbi na tënë ti lo; ataa na Jérusalem wala ge, ala dekongo, atene: ‘Lo lingbi ti ngba na fini pepe!’

Awatokua 9:13

Ananias akiri tënë, atene: “Kota Gbia, azo mingi atene tënë ti koli so na mbi. Ala tene na mbi tënë ti aye ti sioni so kue lo sara na azo ti mo na Jérusalem.

Awatokua 9:15

Me Kota Gbia atene na lo: “Gue, ngbanga ti so mbi soro koli so ti sara kua ti mbi, ti sara si amara nde, na agbia na azo ti Israel ahinga iri ti mbi.

Rome 15:25

Me fadeso, mbi yeke gue na Jérusalem ti sara na azo ti Nzapa so ayeke kâ.

1 Korente 16:15

A-ita, ala hinga atene, Stefanas na azo ti sewa ti lo ayeke akozo zo ti Akayi so ama na be si ala mu tere ti ala kue ti sara nzoni na azo ti Nzapa. Mbi hunda na ala mingi, a-ita,

2 Korente 1:10

Lo laa lo zi e na ya ti kuâ, fade lo yeke kiri ti zi e na ya ni. Biani, e zia be ti e ti ku lo, fade lo yeke kiri ti zi e.

2 Korente 8:4

ala voro e mingi titene e zia nga na ala lege ti mu nginza ndali ti azo ti Nzapa so ayeke na Judée.

2 Korente 9:1

Tongana ayeke tënë ti mungo maboko na azo ti Nzapa so ayeke na Judée, so ayeke mbeni ye titene mbi tokua mbeti na ala ngbanga ni pepe.

2 Korente 9:13

Fade azo ni ayeke baa ye so ala sara so si ala yeke gonda Nzapa ndali ti so, ala azo ti Korente, ala ma Nzoni Tënë ti Christ si ala yeke sara ye alingbi na ni. Azo ni ayeke gonda nga Nzapa ndali ti so ala bongbi aye ti ala oko na nzoni be ti mu na azo ti Nzapa so ayeke na Jérusalem nga na azo ti Nzapa kue.

1 Tesalonike 2:15

Azuife laa afâ *Kota Gbia Jésus na awayanga-Nzapa, ala sara nga ngangu na e. Ala yeke sara ye so azia ngia na be ti Nzapa pepe, ala yeke awato ti azo kue!

2 Tesalonike 3:2

Ala sambela nga si Nzapa azi e na maboko ti azo ti kirikiri na azo ti sioni. Biani, azo kue laa ama na be pepe.

2 Timothée 3:11

nga na aye ti ngangu so ando asi na mbi. Mbi baa pasi mingi na Antioshe, na Ikoniom, na Listre. Aye ti ngangu ti nyen laa asi na mbi pepe? Me *Kota Gbia azi mbi na ya ni kue.

2 Timothée 4:17

Kota Gbia, lo wani ayeke lani na mbi, lo mu ngangu na mbi. Tongaso, mbi fa tënë ti lo kue si azo kue ti amara nde ama ni. Kota Gbia azi mbi na yanga ti bamara awe!