Rome 15:28 - Mbeti ti Nzapa - Tënë so amu fini

²⁸ Tongana mbi sara ye so kue awe si na le ti azo kue, mbi mu na ala nginza so azo abongbi so awe, fade mbi yeke gue na Espanye. Na hongo ni, fade mbi yeke si na ala kâ.

Rome 15:28 ပူးပေါင်းရင်းမြစ်များ

Amato 19:21

Apialo asi singo na ya ti be ti zo; me ye so KOTA GBIA aleke na be ti lo ti sara, ni laa ayeke si.

Abia ti demango tere 3:37

Zo wa laa atene gi tënë si mbeni ye abaa gigi, zo wa? KOTA GBIA laa ayeke mu yanga pepe?

Matthieu 27:66

Tongaso ala gue, akanga kota têne ti yanga ti du ti kuâ ni ngangu, ala kpo mbeni *nzoroko na yanga ni si ala zia aturugu ti bata ni.

Jean 3:33

Zo so ayeda na tënë ti lo, lo yeke fa mbirimbiri na le ti azo so, Nzapa ayeke tene taa-tënë.

Awatokua 19:21

Na peko ti aye so asi, Paul aleke be ti lo ti hon na asese ti Masedoane na ti Akayi ti gue na Jérusalem. Lo tene: “Tongana mbi si kâ, alingbi mbi gue nga na Rome.”

Rome 15:24

Na ndembe so mbi yeke hon ande ti gue na kodro ti Espanye, mbi ye ti baa ala titene e na ala, e duti kete si tere ti mbi anzere. Mbi ye nga titene ala mu na mbi maboko na guengo ti mbi kâ.

Filipe 4:17

Mbi yeke tumba peko ti ye ti azo pepe; me ye so mbi yeke gi ayeke titene azo ni awara nzoni mingi na lege ti kua so ala yeke sara.

Kolose 1:6

Nzoni Tënë asi na popo ti ala, azo ti Kolose. Na ndö ti dunia kue, Nzoni Tënë ni ayeke gue gi na nduzu si azo ayeke baa aye ti peko ni. Ye ni ayeke gi tongaso na popo ti ala, ti londo na ndembe so ala yamba Nzoni Tënë ni si ala hinga taa-tënë na ndö ti lege so Nzapa ayeke sara nzoni be na azo.