Rome 15:27 - Mbeti ti Nzapa - Tënë so amu fini

²⁷ Ala wani aleke na be ti ala ti sara ye ni, ye so alingbi titene ala sara ni fade laa. So azo ti amara nde awara nzoni ye ti Nzapa na lege ti azuife, ayeke nzoni titene azo ti amara nde amu nga mbage ti ye so ala yeke na ni na azuife so ayeke na ya ti mawa.

Rome 15:27 ပူးပေါင်းရင်းမြစ်များ

Matthieu 6:12

Zi sioni ti e na li ti e tongana ti so e nga, e yeke zi sioni na li ti azo so asara sioni na e.

Rome 11:17

Azo ti Israel ayeke tongana keke ti olive ti yaka so a fâ ambeni maboko ni. Ti mo, mo yeke tongana maboko ti keke ti olive ti ngonda; a mu mo si a gerefe mo na popo ti amaboko so angba na ndö ti keke ti yaka ni. Fadeso mo lingbi nga ti baa nzoni legeoko na amaboko ti keke ti yaka ni ndali ti ngu so alondo na ya ti gunda ni.

Rome 7:14

E hinga so *Ndia ayeke ye ti Yingo; ti mbi, mbi yeke zo senge, a ka mbi tongana ngbaa na siokpari.

1 Korente 9:11

E lu anzoni ye ti Yingo na be ti ala. Tongaso, tongana e ko mbage ti anzoni ye ti ala ti sese so, fade ala yeke tene: e yeke hunda ye mingi?

Galasii 6:6

Zo so mba ti lo ayeke fa na lo nda ti tënë ti Nzapa, alingbi lo mu mbage ti aye ti lo na zo so ayeke fa ye na lo.

Philémon 1:19

Mbi Paul laa mbi yeke su tënë so na maboko ti mbi wani: fade mbi yeke futa yongo ni na mo. – Mbi ye ti dabe ti mo na ndö ti mbeni ye: yongo ti mbi ayeke na li ti mo, yongo ni ayeke fini ti mo wani. –