Rome 15:24 - Mbeti ti Nzapa - Tënë so amu fini

²⁴ Na ndembe so mbi yeke hon ande ti gue na kodro ti Espanye, mbi ye ti baa ala titene e na ala, e duti kete si tere ti mbi anzere. Mbi ye nga titene ala mu na mbi maboko na guengo ti mbi kâ.

Rome 15:24 ပူးပေါင်းရင်းမြစ်များ

Amato 25:17

Mo gue na ndo ti mba ti mo lakue lakue pepe, tongaso pepe, fade mo yeke fun sen na hon ti lo si lo yeke ke mo.

Awatokua 15:3

Azo ti Eglize ni amu aye na ala ndali ti lege. So ala yeke hon na ya ti sese ti Fenisii na ti Samarii, ala yeke fa na azo lege so azo ti amara nde akiri na mbage ti Nzapa. Tënë ni amu ngia na be ti a-ita, azo ti Christ kue.

Awatokua 19:21

Na peko ti aye so asi, Paul aleke be ti lo ti hon na asese ti Masedoane na ti Akayi ti gue na Jérusalem. Lo tene: “Tongana mbi si kâ, alingbi mbi gue nga na Rome.”

Awatokua 21:5

Me so lango ti e na ndo so ahunzi awe, e londo ti hon. Adisiple ni kue, ala na awali ti ala na amolenge ti ala ague, azia e na lege ngbii asi na yanga ti gbata ni. E kuku na yanga ti kota ngu-ingo ni si e sambela.

Rome 1:12

Mbi ye ti tene mbirimbiri mbi tene, mbi ye ti si na ala si mbi na ala kue, e wara ngangu: ala wara ngangu ndali ti mabe ti mbi si mbi nga, mbi wara ngangu ndali ti mabe ti ala.

Rome 15:28

Tongana mbi sara ye so kue awe si na le ti azo kue, mbi mu na ala nginza so azo abongbi so awe, fade mbi yeke gue na Espanye. Na hongo ni, fade mbi yeke si na ala kâ.

2 Korente 1:16

Na pekoni, mbi ye lani ti londo na ala kâ ti gue na Masedoane. Ti hunzi na ni, mbi ye ti londo na Masedoane ti kiri na ala kâ si ala mu na mbi maboko ndali ti tambula ti mbi ti gue na Judée.

3 Jean 1:6

Ala fa na *Eglize ge tënë ti ndoye ti mo. Ayeke nzoni mo ngba ti mu maboko na ala na ya ti tambula ti ala tongana ti so be ti Nzapa aye.