Rome 15:19 - Mbeti ti Nzapa - Tënë so amu fini

¹⁹ na lege ti aye ti kpene nga na lege ti aye ti dongo be so Yingo-Vuru asara. Tongaso, ti londo na Jérusalem ngbii asi na sese ti Ilirii, mbi tambula ti fa Nzoni Tënë kue ti Christ na azo.

Rome 15:19 ပူးပေါင်းရင်းမြစ်များ

Matthieu 12:28

Me tongana mbi yeke tumba asioni yingo na ngangu ti Yingo ti Nzapa, andaa *Kodro-gbia ti Nzapa asi na ala awe.

Jean 4:48

Jésus atene na lo: “Tongana ala baa ye ti kpene na ye ti dongo pepe, fade ala yeke ma na be oko pepe!”

Awatokua 1:8

Me fade ala yeke wara ngangu na ndembe so Yingo-Vuru ayeke zu na ndö ti ala. Tongaso, ala yeke ga azo ti tenengo tënë ti ye so ala hinga na ndö ti mbi, na Jérusalem, na Judée kue, na Samarii, ngbii ala si na nda ti sese kue.”

Awatokua 13:14

Ala londo na Perze si ala gue, asi na Antioshe, na sese ti Pisidii. Na *lango ti wungo tere, ala li na ya ti da ti sambelango Nzapa si ala duti.

Awatokua 13:51

Tongaso *awatokua apika sese ti gbe ti gere ti ala na azo ni, na pekoni, ala hon ti gue na Ikoniom.

Awatokua 14:10

Paul atene na lo na kota go, atene: “Londo, mo luti na ndö ti gere ti mo!” Koli ni ahuru si ato nda ti tambula.

Awatokua 14:20

Me na ndembe so adisiple abongbi na tere ti lo, lo londo si lo li na ya ti gbata ni. Lango oko na pekoni, lo na Barnabas ague na gbata ti Derbe.

Awatokua 14:25

Ala fa tënë ti Nzapa na gbata ti Perze si na pekoni, ala gue na gbata ti Atalii.

Awatokua 14:6

So awatokua ni ahinga tënë ni, ala kpe ague na mbage ti Listre na Derbe, agbata ti sese ti Likaonii, nga na akodro so ayeke na tere ni.

Awatokua 15:12

Azo ti ya ti bongbi ni kue aduti kpoo. Na pekoni, ala ma Barnabas na Paul so ayeke fa peko ti aye ti dongo be na aye ti kpene so Nzapa asara na azo ti amara nde na lege ti ala.

Awatokua 16:18

Lo sara ye ni so na ya ti alango mingi. Ye ni ahon ndoni si be ti Paul aso, lo baa ndo na wali ni si lo tene na yingo ni, lo tene: “Na iri ti Jésus Christ, mbi mu yanga na mo: sigigi na ya ti wali so!” Gi na ndembe ni so, yingo ni asigigi na ya ti lo.

Awatokua 17:10

Gi na bi ni, a-ita, azo ti Christ, azia Paul na Silas na lege titene ala gue na gbata ti Bere. So ala si kâ, ala gue na da ti sambelango Nzapa ti azuife.

Awatokua 17:15

Azo so azia Paul na lege ague na lo ngbii asi na Athènes. So ala londo ti kiri na Bere, Paul amu yanga na ala ti tene na Silas na Timothée ti gue hio ti wara ti lo.

Awatokua 18:1

Na pekoni, Paul alondo na Athènes si lo gue na Korente.

Awatokua 18:19

Ala si na Efeze, Paul azia Priscille na Akilas kâ. Lo gue na ya ti da ti sambelango Nzapa si lo tene tënë na azuife.

Awatokua 19:1

Na ndembe so Apolos ade na Korente, Paul ahon na ndo so ahoto ayeke daa si lo si na Efeze. Kâ, lo wara ambeni disiple,

Awatokua 20:20

Mbeni ye so alingbi ti sara nzoni na ala, ala hinga so mbi honde ni na ala oko pepe: mbi fa tënë kue si mbi fa nda ti ye kue na ala na le ti azo kue nga na ya ti ada.

Awatokua 20:6

Na peko ti matanga ti Mapa so a sara na mama ni pepe, e mu mangboko na gbata ti Filipe si na peko ti lango oku, e wara ala na Troas; e sara yenga oko na ndo so.

Rome 15:13

Nzapa so ayeke mu na zo lege ti zia be ti lo ti ku ye so lo tene tënë ni, ayeke nzoni lo sara si be ti ala asi na ngia nga na siriri ndali ti mabe so ala yeke na ni. Tongaso, na lege ti ngangu ti Yingo-Vuru, ala ngba ti zia be ti ala ti ku lo lakue.

Rome 15:16

si lo mu mbi ti ga zo ti kua ti Jésus Christ na popo ti azo ti amara nde. Lo zia mbi nde ti fa Nzoni Tënë ti Nzapa. Tongaso, azo ti amara nde alingbi ti ga nzoni *sandaga na le ti Nzapa na lege ti Yingo-Vuru, lo so lo sara si ala ga nzoni kue.

Rome 15:24

Na ndembe so mbi yeke hon ande ti gue na kodro ti Espanye, mbi ye ti baa ala titene e na ala, e duti kete si tere ti mbi anzere. Mbi ye nga titene ala mu na mbi maboko na guengo ti mbi kâ.

1 Korente 2:4

Tënë ti mbi na fango ye ti mbi ayeke pepe tongana ti azo so ayeke mu atënë ti ndara ti zo ti woko na be ti amba ti ala, me atënë ti mbi ayeke ngangu ti Yingo ti Nzapa so ayeke woko be ti zo.

2 Korente 12:12

Aye so afa atene, mbi yeke watokua ti Christ, ala baa ni na popo ti ala kâ awe: mbi kanga be ti mbi na ya ti aye kue; ala baa aye ti kpene, aye ti dongo be na aye so Nzapa asara ti fa ngangu ti lo.

Galasii 3:5

Nzapa ayeke mu na ala Yingo ti lo si lo yeke sara aye ti kpene na popo ti ala! Lo yeke sara aye so kue ndali ti so ala sara ye alingbi na Ndia wala ndali ti so ala ma Nzoni Tënë si ala ma na be na ni?

Kolose 1:25

Mbi ga zo ti kua ti Eglize alingbi na kua so Nzapa amu na mbi ti sara ndali ti ala: kua ni ayeke kua ti fango tënë ti Nzapa kue kue kue.

1 Tesalonike 1:5

Biani, ala hinga atene, Nzoni Tënë so e fa na ala, e fa ni gi na yanga pepe, me e fa ni na ngangu nga na lege ti kua ti Yingo-Vuru. E hinga biani na be ti e, e tene, Nzoni Tënë so e fa ayeke taa-tënë. Ala kue ahinga lege ti dutingo ti e na popo ti ala, e sara ye so kue ndali ti nzoni ti ala.

2 Timothée 4:17

Kota Gbia, lo wani ayeke lani na mbi, lo mu ngangu na mbi. Tongaso, mbi fa tënë ti lo kue si azo kue ti amara nde ama ni. Kota Gbia azi mbi na yanga ti bamara awe!

Ahebro 2:4

Nzapa nga afa atene, tënë ni ayeke taa-tënë na lege ti aye ti kpene nde nde na aye ti dongo be nga na amatabisi ti Yingo-Vuru so lo kangbi na azo tongana ti so be ti lo aye.

1 Pierre 1:12

Nzapa afa na ala atene, tënë ni ayeke ndali ti ala wani pepe, me ayeke ndali ti ala, a-ita. Tënë ni laa azo ti fango Nzoni Tënë ayeke fa ni na ala, na lege ti Yingo-Vuru so alondo na yayu si aga. Tënë ni, *a-ange wani ayeke na nzara ti hinga ni.