Rome 15:17 - Mbeti ti Nzapa - Tënë so amu fini

¹⁷ So mbi ga oko na Jésus Christ, mbi lingbi ti pika kate ti mbi ndali ti kua ti Nzapa.

Rome 15:17 ပူးပေါင်းရင်းမြစ်များ

Rome 4:2

Tongana lo ga ando mbirimbiri na le ti Nzapa ndali ti anzoni ye so lo sara, ka lo lingbi fade ti gonda tere ti lo daa; me na le ti Nzapa, lo lingbi ti sara ni pepe.

2 Korente 12:1

Alingbi mbi gonda tere ti mbi, ataa so zo alingbi ti wara ye daa pepe. Me mbi ye ti tene tënë ti aye so *Kota Gbia afa na mbi na ya ti mbeni ye tongana bango-li si lo sara titene mbi hinga ni.

2 Korente 7:4

Mbi zia be ti mbi kue na ndö ti ala, mbi yeke gonda tere ti mbi mingi ndali ti ala. Be ti mbi ade mingi; na ya ti pasi so kue e yeke baa, be ti mbi asi singo na ngia.

Filipe 3:3

E so, e yeke voro Nzapa na lege ti Yingo ti lo si e yeke gonda tere ti e ndali ti gango so e ga oko na Jésus Christ so, e laa e fâ mbirimbiri ganza; e yeke zia be ti e na ndö ti e wani pepe.

Ahebro 2:17

Ndani laa, alingbi fade lo ga tongana a-ita ti lo na ya ti aye kue. Tongaso, lo ga kota wayango-sandaga so ayeke baa mawa ti azo si lo yeke sara kua ti Nzapa na legeni, titene lo zi asiokpari ti azo.

Ahebro 5:1

A yeke soro kota wayango-sandaga na popo ti azo si a yeke zia lo titene lo sara kua ti Nzapa ndali ti azo, ti leke tënë na popo ti azo na Nzapa. Kua ti kota wayango-sandaga ayeke ti ya aye so azo aga na ni na Nzapa, ti ya nga *sandaga na Nzapa ndali ti asiokpari ti azo.