Rome 14:9 - Mbeti ti Nzapa - Tënë so amu fini

⁹ Christ akui si na pekoni, lo kiri na fini titene lo duti Kota Gbia ti akuâ na ti azo so angba na fini.

Rome 14:9 ပူးပေါင်းရင်းမြစ်များ

Matthieu 28:18

Jésus aga nduru na tere ti ala si lo tene na ala: “A mu na mbi ngangu kue na yayu nga na sese.

Nzoni Tënë so Luc asu na mbeti 24:26

Alingbi fade titene *Mesii abaa pasi kozoni si lo li na ya ti gonda ti lo pepe?”

Jean 12:24

Biani, mbi tene na ala taa-tënë: tongana le ti *ble ati na sese si akui pepe, lo yeke ngba gi lo oko. Me tongana akui, fade ayeke du ambeni le ni mingi.

Awatokua 10:36

Nzapa atokua tënë ti lo na azo ti Israel: tënë ni ayeke Nzoni Tënë so amu siriri na zo na lege ti Jésus Christ, lo so lo yeke *Kota Gbia ti azo kue.

Awatokua 10:42

Jésus amu na e yanga ti fa tënë na azo, ti fa nga peko ti ye so e hinga: Nzapa asoro Jésus ti fâ ngbanga ti azo so ayeke na fini na ti ala so akui awe.

Rome 10:9

Tongana mo tene na yanga ti mo wani, mo tene: “Jésus ayeke *Kota Gbia” si mo ma na be so Nzapa azingo lo na popo ti akuâ, fade mo yeke soo kuâ.

2 Korente 5:14

Biani, ndoye ti Christ ahon ndö ti e awe, tongana e dabe ti e na tënë so: zo oko akui ndali ti azo kue, zo ni ayeke Christ, tongaso azo kue laa akui legeoko na lo.

1 Tesalonike 4:14

E ma na be so Jésus akui si azingo na kuâ awe. Legeoko nga, e ma na be so, azo so ama na be na Jésus si ala kui, fade Nzapa ayeke zingo ala na kuâ si lo yeke bongbi ala na Jésus na ndo oko.

1 Tesalonike 5:10

so akui ndali ti e, tongaso si, ataa e ngba na fini wala e kui, e duti na fini oko na lo.

2 Timothée 4:1

Na le ti Nzapa nga na le ti Jésus Christ so ayeke ga ande ti fâ ngbanga ti azo so ade na fini na azo so akui awe, ndali ti kiringo ti lo ti ga ti duti *Kota Gbia, mbi hunda na mo titene

Ahebro 12:2

Le ti e angba na ndö ti Jésus. Lo laa lo zi lege ti mabe na e si lo sara titene e ngba na lege ti mabe ni ngbii asi na ndani. Lo yeda si azo afâ lo na ndö ti keke ti kroa, lo sara kamene ti kuâ so lo kui na ndö ti keke ti kroa pepe. Lo yeda ndali ti so lo hinga kozoni so fade lo yeke duti na ngia. Fadeso, lo yeke duti na tere ti mbata ti Gbia Nzapa, na mbage ti maboko ti lo ti koli.

1 Pierre 1:21

Na lege ti Christ, ala ma na be na Nzapa so azingo Christ na kuâ si amu na lo gonda. Tongaso, mabe ti ala na ye so ala zia be ti ala ti ku angba na ndö ti Nzapa.

1 Pierre 4:5

Me fade azo ni ayeke luti na le ti Nzapa ti fa peko ti aye so ala sara, Nzapa so ayeke nduru ti fâ ngbanga ti azo so ade na fini na ala so akui awe.

Aye so Nzapa afa 1:18

lo so lo yeke na fini. Mbi kui ando, me mo baa, mbi yeke na fini kpu na kpu. Mbi yeke na ngangu na ndö ti kuâ nga na ndö ti ndo ti akuâ.

Aye so Nzapa afa 2:8

“Su mbeti so, mo tokua na *ange so ayeke na li ti *Eglize ti gbata ti Simirne: “Baa, lo so lo yeke kozo ni si lo yeke ndangba ni, lo so akui si lo kiri na fini, atene: