Rome 14:8 - Mbeti ti Nzapa - Tënë so amu fini

⁸ Tongana e ngba na fini, e ngba ndali ti Kota Gbia; tongana e kui, e kui nga ndali ti Kota Gbia. Tongaso, ataa e ngba na fini wala e kui, e yeke azo ti Kota Gbia.

Rome 14:8 ပူးပေါင်းရင်းမြစ်များ

Nzoni Tënë so Luc asu na mbeti 20:38

Jésus akiri atene: “Nzapa ayeke Nzapa ti akuâ pepe, me lo yeke Nzapa ti azo so ayeke na fini, ngbanga ti so ala kue ayeke na fini ndali ti lo.”

Jean 21:19

Jésus atene tënë so ti fa mara ti kuâ so Pierre ayeke kui ande na ni si fade Nzapa ayeke wara gonda na lege ti kuâ ni. Na pekoni, Jésus atene na lo: “Mu peko ti mbi!”

Awatokua 13:36

Na ngoi so David angba na fini, lo sara ye so kue Nzapa aye lo ti sara. Na pekoni lo kui, a lu lo na tere ti akotara ti lo si lo fun.

Awatokua 20:24

Me mbi baa so fini ti mbi ayeke senge ye na le ti mbi. Ye so mbi yeke gi lege ni, ayeke ti hunzi kua ti mbi, ti sara ye so kue Kota Gbia Jésus amu na mbi ti sara, so ti tene kua ti fango Nzoni Tënë ti nzoni be ti Nzapa na azo.

Awatokua 21:13

Me lo kiri tënë, lo tene: “Ngbanga ti nyen laa ala yeke toto si ala yeke gi lege ti zi nzara ti tambula ni na be ti mbi so? Mbi yeke ti mbi nduru gi titene a kanga mbi pepe, me titene a fâ mbi na Jérusalem ndali ti iri ti *Kota Gbia Jésus!”

1 Korente 15:23

Me fade zo oko oko ayeke zingo na kuâ tongana ngoi ti lo alingbi: kozo zo so azingo na kuâ ayeke Christ; na pekoni, fade azo ti Christ laa ayeke zingo na kuâ na lango ti gango ti lo.

Filipe 1:20

Ndali ti ye so mbi yeke ku si mbi zia be ti mbi ti ku ni, kamene ayeke gbu ande mbi pepe. Me ti londo laso ngbii asi na tanga ti alango kue, ataa mbi kui wala mbi ngba na fini, mbi hinga biani na be ti mbi, mbi tene, dutingo ti mbi ayeke fa ande na azo so Christ ayeke kota mingi.

Filipe 2:17

Mabe ti ala asara si ala yeke mu *sandaga na Nzapa. Mbi hinga pepe, tongana a fâ mbi si mene ti mbi atuku, fade ayeke ga tongana sandaga na ndö ti so ala yeke mu. Tongana ye ni ayeke tongaso, be ti mbi ayeke nzere si mbi na ala kue, e yeke na ngia.

Filipe 2:30

ngbanga ti so angba kete lo kui ndali ti kua ti Christ. Lo ka tere ti lo titene lo ga lo sara na mbi ye so ala wani alingbi fade ti sara ndali ti mbi.

1 Tesalonike 5:10

so akui ndali ti e, tongaso si, ataa e ngba na fini wala e kui, e duti na fini oko na lo.

Aye so Nzapa afa 14:13

Mbi kiri mbi ma mbeni go so alondo na yayu, atene: “Su tënë so na mbeti, mo tene: ‘Ti ala nzoni, azo so angba na lege ti kua ti *Kota Gbia si ala kui fadeso! Yingo atene: Biani, fade ala yeke wu tere ti ala na peko ti aye so ala sara, ngbanga ti so aye so ala sara ayeke mu peko ti ala.’ ”