Rome 14:6 - Mbeti ti Nzapa - Tënë so amu fini

⁶ Zo so abaa mbeni lango tongana kota lango ahon atanga ni, lo yeke sara tongaso ndali ti Kota Gbia; zo so ayeke te ye kue, lo yeke te ni ndali ti Kota Gbia, ngbanga ti so lo yeke mu singila na Nzapa. Zo so ayeke te ye kue pepe, lo yeke sara tongaso ndali ti Kota Gbia, ngbanga ti so lo nga, lo yeke mu singila na Nzapa.

Rome 14:6 ပူးပေါင်းရင်းမြစ်များ

Sigingo 12:14

“Fade lango ni so ayeke duti lango ti dango be. Ala yeke sara kota matanga ndali ti mbi, KOTA GBIA: matanga ni ayeke duti mbeni ndia so ayeke ngba ngu na ngu ndali ti *ahale ti ala ti angoi kue.”

Sigingo 12:42

Na ndembe so KOTA GBIA azi azo ti lo na kodro ti Ezipte asigigi na ala, na bi ni kue, lo baa ndo na ndö ti ala. Bi ni so ayeke ti KOTA GBIA. Legeoko nga, na bi ni so, alingbi ahale ti Israel ti angoi kue alango pepe.

Sigingo 16:25

Moïse atene: “Ala te kobe ni laso. Laso ayeke lango ti wungo tere ndali ti KOTA GBIA. Laso, ala yeke wara kobe ti tengo ni na gigi pepe.

Ésaïe 58:5

Mara ti kengo kobe tongaso, lango so ala kanga nzara ti ya ti ala, so laa mbi ye ni? Ala yeke ba li ti ala na sese tongana sosongo, ala yeke yungo bongo ti mua, ala yeke lango na ya ti mburu ti wâ, so laa ala iri ni, kengo kobe? Mara ti lango tongaso laa anzere na be ti mbi?

Zakarii 14:21

Atawa so kue ayeke na Jérusalem na atawa so kue ayeke na Juda, fade a yeke zia ni nde ndali ti KOTA GBIA so ayeke na ndö ti dunia kue. Azo so kue ayeke ga ti ya *sandaga, ala yeke mu atawa ni ti to na anyama ti sandaga ni. Tongana lango ni so alingbi, fade a yeke kiri ti baa azo ti dengo buze na ya ti kota da ti KOTA GBIA pepe, lo so lo yeke na ndö ti dunia kue so.

Matthieu 14:19

Na pekoni, lo mu yanga na azo ni titene ala kue aduti na ndö ti pere. Lo mu mapa oku na susu use so, lo yo le ti lo na nduzu, lo mu singila na Nzapa. Lo fâ ya ti mapa ni, lo mu na adisiple ti lo si ala kangbi ni na gba ti azo ni.

Matthieu 15:36

Lo mu mapa mbarambara na asusu so, lo mu singila na Nzapa, lo fâ ya ni, lo mu na adisiple ti lo si ala kangbi ni na gba ti azo ni kue.

Jean 6:28

Ala hunda lo, atene: “Nyen laa e lingbi ti sara tongana e ye ti sara kua ti Nzapa?”

Galasii 4:10

Ala yeke mu ambeni lango, ambeni nze, ambeni ngoi nga na ambeni ngu tongana kota ye mingi na le ti ala!