Rome 14:22 - Mbeti ti Nzapa - Tënë so amu fini

²² Ye so mo hinga biani na be ti mo na ndö ti ye so, tënë ni angba na popo ti mo na Nzapa. Ti lo nzoni, zo so aye ti sara mbeni ye si lo bi tënë na li ti lo wani pepe!

Rome 14:22 ပူးပေါင်းရင်းမြစ်များ

Awatokua 24:16

Ndani laa, mbi nga, mbi yeke sara ngangu lakue titene mbeni sioni ye aduti na be ti mbi na le ti Nzapa pepe nga na le ti azo pepe.

Rome 14:14

Ti mbi, na lege ti gango so mbi ga oko na *Kota Gbia Jésus, mbi hinga biani so mbeni ye oko so ayeke *sioni ayeke daa pepe. Me tongana mbeni zo abaa mbeni ye tongana *sioni, ye ni ayeke *sioni gi na le ti zo ni.

Rome 14:2

Mbeni zo so ama na be abaa ti lo atene, ni lingbi ti te ye kue, me mbeni zo so ade ti kpengba pepe ayeke te ti lo gi akugbe ti kasa.

Rome 14:23

Me zo so ayeke dekite na be ti lo ndali ti kobe so lo yeke te, Nzapa afâ ngbanga na li ti lo awe, ndali ti so sarango ye ti lo ayeke na lege ti mabe pepe. Biani, ye so kue zo asara na lege ti mabe pepe ayeke siokpari.

Rome 14:5

Mbeni zo abaa mbeni lango tongana kota lango ahon atanga ni; mbeni zo abaa ti lo alango ni kue gi legeoko. Alingbi zo oko oko ahinga biani so tënë ti be ti lo ayeke na legeni.

Rome 2:1

Mo so mo yeke fâ ngbanga na li ti amba ti mo so, ataa mo yeke zo wa, mo baa ti mo, mo tene, mo yeke sigigi na ya ti tënë ni? So mo yeke fâ ngbanga na li ti amba ti mo so, mo yeke fâ nga ngbanga na li ti mo wani, ndali ti so mo nga, mo yeke sara mara ti aye so.

Rome 7:15

Biani, mbi hinga li ti mbi na ye so mbi yeke sara pepe: ye so mbi ye, mbi yeke sara ni pepe, me ye so mbi ke, ni laa mbi yeke sara.

Rome 7:24

So mawa na mbi! Zo wa laa ayeke zi ande mbi na ya ti tere so ayeke gue na mbi na kuâ so?

1 Korente 8:7

Me azo kue laa ahinga ye so pepe. Ambeni zo ayeke gue ando na peko ti anzapa nde ngbii asi fadeso. Nilaa ala ngba ti te akasa ti nyama so a ya na sandaga, ala baa ti ala atene a mu anyama so na anzapa nde. Ndali ti so tënë ti be ti ala ade ti kpengba pepe, ala baa ti ala atene, ala ga *sioni awe ndali ti nyama so ala te so.

2 Korente 1:12

Ye so e yeke gonda tere ti e daa ayeke so: be ti e afa na e atene, dutingo ti e na dunia so, e duti na vuru be nga na be so sioni oko ayeke daa pepe. E duti tongaso mbirimbiri na mbage ti ala na lege ti ndara ti azo pepe, me na lege ti nzoni be ti Nzapa.

Galasii 6:1

Ala, a-ita so Yingo ti Nzapa ayeke fa lege na fini ti ala, tongana ala baa mbeni zo na sarango ye ti sioni, ayeke nzoni na wokongo be, ala kiri na zo ni na nzoni lege. Ita ti mbi, sara hange si mo nga, mbeni ye atara be ti mo pepe!

Jacques 3:13

Mbeni zo ti ndara na ti hingango ndo ayeke na popo ti ala? Ayeke nzoni lo fa ni na lege ti nzoni dutingo ti lo nga na sarango aye ti lo so lo yeke sara na ndara, me na ngangu pepe.

1 Jean 3:21

A-ita ti mbi so mbi ye ala mingi, tongana be ti e ayeke bi tënë na li ti e pepe, e yeke zia be ti e kue kue kue na ndö ti Nzapa.