Rome 14:20 - Mbeti ti Nzapa - Tënë so amu fini

²⁰ Ndali ti tënë ti kobe, mo buba lege ti kua ti Nzapa pepe! Biani, kobe kue ayeke *nzoni, me tongana aga mbeni ye so zo ayeke pika gere ti lo daa ti ti na ya ti siokpari, andaa tengo kobe ti mo ni aga ye ti sioni awe.

Rome 14:20 ပူးပေါင်းရင်းမြစ်များ

Matthieu 15:11

ye so ali na yanga ti zo laa ayeke sara titene zo ni aga *sioni pepe; me ye so alondo na yanga ti lo asigigi laa ayeke sara titene lo ga *sioni.”

Matthieu 18:6

“Zo so asara si oko ti akete molenge so ama na be na mbi ati na ya ti siokpari, ayeke nzoni a kanga kota têne na go ti lo si a bi lo na gbe ti kota ngu-ingo.

Awatokua 10:15

Go ni akiri atene na lo: “Ye so Nzapa asara si aga *nzoni awe, mo baa ni tongana *sioni ye pepe.”

Rome 14:2

Mbeni zo so ama na be abaa ti lo atene, ni lingbi ti te ye kue, me mbeni zo so ade ti kpengba pepe ayeke te ti lo gi akugbe ti kasa.

Rome 14:21

Ye so ayeke nzoni ayeke titene mo te nyama pepe, mo nyon samba pepe, so ti tene mo ke ti sara ye so kue ita ti mo alingbi ti pika gere ti lo daa ti ti na ya ti siokpari.

Efeze 2:10

Taa-tënë, Nzapa laa asara e; na gango so e ga oko na Jésus Christ, Nzapa aleke e titene e mu tere ti e kue ti sara anzoni ye so lo leke kozoni titene e sara.

Filipe 1:6

Mbi hinga biani mbi tene, Nzapa so ato nda ti sara nzoni kua na ya ti fini ti ala, fade lo yeke sara ni ngbii ahunzi na lango ti kiringo ti Jésus Christ.

Tite 1:15

Ye kue ayeke *nzoni ndali ti azo so be ti ala avuru. Me ti azo so ayeke *sioni si ala ke ti ma na be, mbeni *nzoni ye oko ndali ti ala ayeke daa pepe. Hingango ndo ti ala nga na be ti ala kue aga *sioni awe.