Rome 14:2 - Mbeti ti Nzapa - Tënë so amu fini

² Mbeni zo so ama na be abaa ti lo atene, ni lingbi ti te ye kue, me mbeni zo so ade ti kpengba pepe ayeke te ti lo gi akugbe ti kasa.

Rome 14:2 ပူးပေါင်းရင်းမြစ်များ

Tongo nda ti aye 1:29

Nzapa atene: “Mbi mu na ala apere so kue ayeke na ndö ti sese si ale ni ayeke daa, na akeke so kue alengo ni ayeke daa si le ni ti lungo ni ayeke daa. Mbi mu ni na ala titene aga kobe ti ala.

Tongo nda ti aye 9:3

Aye so kue ayeke tambula na sese si ayeke na fini, ayeke ga kobe ti ala gi tongana ti so mbi mu ando na ala akugbe ti kasa so. Mbi mu aye so kue na ala.

Amato 15:17

Tengo kugbe ti kasa na ndo so yengo tere ayeke daa ayeke nzoni ahon tengo bagara ti mafuta na ndo so kengo tere ayeke daa.

Daniel 1:12

“Mbi gbu gere ti mo, mo tara e, azo ti kua ti mo na ya ti lango baleoko si. A yeke mu na e gi kugbe ti kasa ti tengo ni, na senge ngu ti nyongo ni.

Daniel 1:16

Ndani laa zo ti kua ni azi akobe na samba ti gbia si lo yeke mu na ala gi akugbe ti kasa ti tengo ni.

Rome 14:1

Zo so ama na be si ade ti kpengba pepe, ala yamba lo, ala kasa atënë ti be ti lo pepe.

Rome 14:14

Ti mbi, na lege ti gango so mbi ga oko na *Kota Gbia Jésus, mbi hinga biani so mbeni ye oko so ayeke *sioni ayeke daa pepe. Me tongana mbeni zo abaa mbeni ye tongana *sioni, ye ni ayeke *sioni gi na le ti zo ni.

Rome 14:20

Ndali ti tënë ti kobe, mo buba lege ti kua ti Nzapa pepe! Biani, kobe kue ayeke *nzoni, me tongana aga mbeni ye so zo ayeke pika gere ti lo daa ti ti na ya ti siokpari, andaa tengo kobe ti mo ni aga ye ti sioni awe.

Rome 15:1

E so e yeke na ngangu, alingbi tënë ti azo so ayeke na ngangu pepe agbu be ti e si e sara na ala na ndo so ala yeke gi be ti ala daa. Alingbi e gi pepe gi ye so anzere na e wani.

1 Korente 10:25

Ala lingbi ti te aye so kue a yeke ka na gara, me ala hunda nda ni pepe, ataa so ala yeke gi be ti ala.

1 Korente 8:9

A mu lege na ala ti sara ye kue, me ala sara hange si ndali ti sarango ye ti ala ni, mbeni zo so mabe ti lo akpengba pepe so ati pepe.

1 Korente 9:22

Tongana mbi yeke na popo ti azo so mabe ti ala akpengba pepe, mbi yeke sara ye tongana zo so mabe ti lo akpengba pepe. Mbi sara tongaso ti wara azo so mabe ti ala akpengba pepe. Tongana mbi yeke na popo ti azo kue, mbi yeke sara ye tongana azo kue titene mbi sara kue ti soo ambeni na popo ti ala.

Galasii 2:12

Kozoni, lo na ambeni zo ti amara nde ayeke te kobe. Me gi na peko ti so ambeni zo alondo na mbage ti Jacques si asi, lo gboto tere ti lo si lo yeke duti nde, lo kiri lo te kobe na ala pepe. Ndali ti so azo ayeke sara ye alingbi na tënë ti ndia ti fango *ganza, mbeto ti ala asara lo.

1 Timothée 4:4

Ye so kue Nzapa asara ayeke nzoni, mbeni ye oko ti kengo ni ayeke daa pepe, me alingbi zo amu singila na Nzapa ndali ti ye ni.

Tite 1:15

Ye kue ayeke *nzoni ndali ti azo so be ti ala avuru. Me ti azo so ayeke *sioni si ala ke ti ma na be, mbeni *nzoni ye oko ndali ti ala ayeke daa pepe. Hingango ndo ti ala nga na be ti ala kue aga *sioni awe.

Ahebro 13:9

Ala zia lege na ambeni zo pepe ti handa ala na lege ti afango ye ti kirikiri nde nde. Titene be ti zo awara ngangu na lege ti nzoni ye so Nzapa asara, so laa ayeke nzoni, me na lege ti kobe pepe; azo so ayeke bata andia ti kobe, ala wara nzoni ye na peko ni pepe.

Ahebro 9:10

Aye so kue ayeke gi asenge ndia ti azo, andia so ayeke na ndö ti tengo akobe, na nyongo ye, na tënë ti *sukulango asioni nde nde. Ndia so ayeke ngba ngbii asi na ndembe so Nzapa asara titene ye oko oko kue akiri aga fini ni.