Rome 13:8 - Mbeti ti Nzapa - Tënë so amu fini

⁸ Ala sara si yongo ti mbeni zo angba na li ti ala pepe, me gi yongo ti yengo tere ti ala na popo ti ala. Zo so aye amba ti lo, andaa lo sara awe ye so kue *Ndia atene tënë ni.

Rome 13:8 ပူးပေါင်းရင်းမြစ်များ

Matthieu 7:12

“Ye so kue ala ye titene azo asara na ala, ala wani asara nga ye ni na azo. So ayeke kota tënë ti ya ti *Ndia ti Moïse na ti ambeti ti awayanga-Nzapa.”

Jean 13:34

Mbi yeke mu na ala fini ndia: ala ye tere na popo ti ala! Alingbi ala ye tere na popo ti ala tongana ti so mbi ye ala.

Rome 13:10

Tongana zo aye mba ti lo, lo yeke sara sioni na mba ti lo ni pepe. Nilaa, zo so aye mba ti lo, andaa lo sara awe ye so kue *Ndia atene tënë ni.

Rome 13:7

Ala futa na zo oko oko ye so alingbi ala futa na lo: ala futa lapo na azo ti rongo nginza ti lapo, ala futa nga lapo ti ndö ti aye nde nde na azo so alingbi ala futa ni na ala. Ala kpe mbeto ti zo so alingbi ala kpe mbeto ti lo, ala ne zo so alingbi ala ne lo.

Galasii 5:14

Biani, Ndia kue abongbi na ya ti tënë oko so: “Alingbi mo ye mba ti mo zo tongana ti so mo ye tere ti mo wani.”

Kolose 3:14

Ye so ahon tanga ti aye ni kue ayeke yengo tere so ayeke bongbi azo nzoni.

1 Timothée 1:5

Nda ti yanga so mbi mu ayeke titene mo sara si ndoye akono, ndoye so aga na lege ti vurungo be, be so sioni ye oko ayeke daa pepe nga na taa mabe.

Jacques 2:8

Biani, ndia ti *Kodro-gbia ti Nzapa so Mbeti ti Nzapa atene tënë ni, atene: “Mo ye mba ti mo zo tongana ti so mo ye tere ti mo wani”, tongana ala sara ye alingbi na ni, so ayeke nzoni.

1 Jean 3:10

Ye so ayeke fa atene, zo ayeke molenge ti Nzapa wala molenge ti Zabolo ayeke so: zo so ayeke sara ye ti mbirimbiri pepe, wala lo ye ita ti lo pepe, lo yeke zo ti Nzapa pepe.