Rome 13:4 - Mbeti ti Nzapa - Tënë so amu fini

⁴ Biani, akota zo ti li ti kodro ayeke sara kua na Nzapa ti pusu mo ti sara nzoni ye. Me tongana mo sara sioni ye, mo sara mbeto ti ala! So ala yeke na ngangu ti fango ngbanga na li ti azo, nda ni ayeke daa: tongana ala yeke fâ ngbanga, ala yeke sara kua na Nzapa ti sara si ngonzo ti lo alondo na tere ti azo so asara sioni.

Rome 13:4 ပူးပေါင်းရင်းမြစ်များ

1 Agbia 10:9

Singila na KOTA GBIA, Nzapa ti mo so asara nzoni be na mo si lo soro mo titene mo le-gbia na ndö ti Israel! KOTA GBIA aye azo ti Israel kpu na kpu, nilaa lo zia mo gbia titene mo fâ ngbanga mbirimbiri si mo sara ye na lege ti ndia”.

2 Mbai 19:6

Lo tene na ala: “Ala sara hange na kua so ala yeke sara ande. Ngbanga so ala yeke fâ, ala fâ ni ndali ti zo pepe, me ndali ti KOTA GBIA. Na ngoi ti fango ngbanga ni, KOTA GBIA ayeke na ala.

Amato 16:14

Tongana ngonzo asara gbia, lo lingbi ti fâ zo; me zo ti ndara alingbi ti de be ti lo.

Amato 20:2

Ngonzo ti wâ ti gbia ayeke tongana toto ti bamara so ayeke zia kota mbeto na be ti zo; zo so asara si ngonzo ti gbia alondo, lo gi kuâ na tere ti lo wani.

Amato 20:26

Gbia so ayeke na ndara ayeke kangbi azo ti sioni kirikiri; lo yeke nika ala nikango.

Amato 20:8

Tongana gbia aduti ti fâ ngbanga si mbeni ye ti sioni ayeke daa, fafade le ti lo ayeke ti na ndö ni.

Ésaïe 1:17

Ala manda ti sara nzoni ye; ala gi lege ti fâ ngbanga ti mbirimbiri. Ala kanga lege na zo so asara ngangu na azo; ala fâ ngbanga ti nyindu na legeni; ala gbu koko ti wali-mua.”

Jérémie 5:28

Ala kono mingi si tere ti ala ayeke za zango. Ala hon azo kue na sarango sioni. Ala yeke fâ ngbanga na legeni pepe; ala yeke baa tënë ti nyindu na legeni pepe; tongaso pepe, ka nyindu ni abaa nzoni. Ala yeke baa tënë ti awayere na legeni pepe.

Ezekiel 22:27

Amakonzi ti ala ayeke tongana ambo ti ngonda so ayeke suru ya ti nyama so ala gbu; ala yeke tuku mene ti azo, ala yeke fâ azo titene ala nzi aye ti ala.

Ezekiel 25:14

Mbi yeke sara titene azo ti Israel, azo ti mbi akiri peko ti sioni na azo ti Edom. Ala yeke sara na azo ti Edom alingbi na ngonzo ti mbi nga na ngonzo ti mbi ti wâ. Tongaso, fade azo ti Edom ayeke hinga lege so mbi yeke kiri peko ti sioni na zo. So tënë ti yanga ti Kota Gbia NZAPA laa.”

Mishe 3:9

Ala amakonzi ti *ahale ti Jacob, ala azo so ayeke na li ti azo ti Israel, ala ma tënë so! Be ti ala ke tënë ti fango ngbanga ti mbirimbiri, ala yeke buba tënë ti fango ngbanga na lege ti ndia.

Rome 12:19

A-ita ti mbi so mbi ye ala mingi, tongana zo asara sioni na ala, ala wani akiri peko ti sioni ni na zo ni pepe; me ala zia lege na ngonzo ti Nzapa ti sara ye na zo ni, ndali ti so na ya ti Mbeti ti Nzapa, Kota Gbia atene: “Mbi laa mbi yeke kiri peko ti sioni na zo so asara sioni, mbi laa mbi yeke kiri peko ti ye alingbi na sarango ye ti zo.”

Rome 13:6

Ndani so ala yeke futa nga lapo laa. Biani, azo ti rongo nginza ti lapo ayeke sara kua na Nzapa na ndembe so ala yeke sara kua ti ala.

1 Tesalonike 4:6

Na ya ti tënë so, ayeke nzoni zo oko asara mbeni ye ti songo be wala ye ti kirikiri na mba ti lo pepe. E tene tënë so na ala awe, e gboto mê ti ala na ndö ni awe: azo so asara mara ti asioni ye tongaso, fade Kota Gbia ayeke zia peko ni angba senge pepe.

Josué 20:5

Zo so aye ti kiri peko ti sioni, tongana lo tumba peko ti zo ti fango zo ni ti sara sioni na lo, fade azo ti gbata ni azia lo na maboko ti zo ni pepe. Biani, lo laa lo yeda ti fâ zo ni pepe; lo ke zo ni na be ti lo kozoni pepe.

Josué 20:9

So ayeke agbata so azo ti Israel asoro ni titene zo so afâ zo na mbana pepe, lo kpe daa ti bata tere ti lo. Agbata ni ayeke ndali ti azo ti Israel nga ndali ti awande so aduti na popo ti ala. Tongaso, zo so afâ mba ti lo na mbana pepe alingbi ti kpe kâ si zo so aye ti kiri peko ti sioni na zo ti fango zo ni awara lege ti sarango sioni na lo pepe. Fade a yeke fâ lo pepe kozo titene a fâ ngbanga na ndö ti lo na dawa ti bongbi ti azo.

1 Pierre 2:14

Ala ma nga yanga ti agovoronere so lo zia na li ti akodro ti fâ ngbanga na li ti azo ti sarango sioni ye, me ti gonda azo so ayeke sara nzoni ye.