Rome 13:3 - Mbeti ti Nzapa - Tënë so amu fini

³ Zo so ayeke sara nzoni ye, mbeto ti azo ti komandema alingbi ti sara lo pepe, me zo so asara sioni ye, lo laa lo lingbi ti sara mbeto ti azo ti komandema. Tongana mo ye titene mbeto ti akota zo ti li ti kodro asara mo pepe, ayeke nzoni mo sara nzoni ye si fade ala gonda mo.

Rome 13:3 ပူးပေါင်းရင်းမြစ်များ

Amato 14:35

Be ti gbia anzere na zo ti kua so ahinga kua ti lo; me lo yeke sara ngonzo na tere ti zo ti kua so azia kamene na le ti lo.

Amato 20:2

Ngonzo ti wâ ti gbia ayeke tongana toto ti bamara so ayeke zia kota mbeto na be ti zo; zo so asara si ngonzo ti gbia alondo, lo gi kuâ na tere ti lo wani.

Rome 13:2

Tongaso, zo so ake ti ma yanga ti akota zo ti li ti kodro, andaa lo ke ye so Nzapa aleke ni awe. Azo so asara ngangu li na akota zo ti li ti kodro, fade ala wani ayeke gi ngbanga na li ti ala.

Rome 13:4

Biani, akota zo ti li ti kodro ayeke sara kua na Nzapa ti pusu mo ti sara nzoni ye. Me tongana mo sara sioni ye, mo sara mbeto ti ala! So ala yeke na ngangu ti fango ngbanga na li ti azo, nda ni ayeke daa: tongana ala yeke fâ ngbanga, ala yeke sara kua na Nzapa ti sara si ngonzo ti lo alondo na tere ti azo so asara sioni.

Ndia ti fani use ni 25:1

Moïse atene: Tongana azo use awara tënë na popo ti ala si ala use kue ague na ngbanga titene a fâ ya ti tënë ni, zo so tënë ayeke na li ti lo, fade a yeke fâ ngbanga na li ti lo; zo so tënë ayeke na li ti lo pepe, a yeke bi tënë na li ti lo pepe.