Rome 13:12 - Mbeti ti Nzapa - Tënë so amu fini

¹² Ndo avuko aninga awe, ndo aga nduru ti han. Tongaso, e zia lege ti sarango aye ti vukongo ndo, e yu aye ti bira ti kota lâ.

Rome 13:12 ပူးပေါင်းရင်းမြစ်များ

B. ti abia 2:17

Kozo titene pupu ti lakui alondo si gbe ti de ahon, mo kamba ti be ti mbi, mo kiri ma! Mu loro tongana dengbe, tongana molenge ti wuga na ndö ti ahoto so akangbi tere.

Ésaïe 2:20

Na lango ni so, azo ayeke mu ayanda ti ala ti wen ti nginza na ti lôro so ala yeke kuku ti voro ni so, ti bi ni na akolofia nga na anyama-ti-ngia.

Ésaïe 30:22

Anzapa ti mo so a leke na keke si a zia wen ti nginza na tere ni, ayanda ti mo so a kporo lôro si a zia na tere ni, fade mo yeke baa ni tongana ye so ayeke sioni. Mo yeke tuku ni tongana fungo ye si mo yeke tene: “Ala hon kâ!”

Rome 13:14

Me ala yu *Kota Gbia Jésus Christ tongana ye ti bira. Ala zia lege pepe na be ti ala so ayeke pusu ala ti sara ye alingbi na asioni nzara ti lo.

1 Korente 10:11

Aye so asi ando na akotara ti e titene e manda ye na lege ni. A su ni na mbeti ti gboto mê ti e, ngbanga ti so e yeke na ngoi so nda ti aye kue aga nduru ti si awe.

1 Korente 7:29

A-ita, tënë so mbi ye ti tene ayeke so: ngoi angba mingi pepe. Ti fadeso, akoli so ayeke na wali, alingbi ala duti tongana ti so ala yeke fade na wali pepe.

2 Korente 10:4

Aye ti bira ti e alondo na zo ti sese so pepe, me ngangu ti aye ti bira ti e alondo na Nzapa si ayeke buba angangu gbagba ti bira. Atënë ti gbungo-li ti azo so ayeke na legeni pepe, e yeke buba ni.

2 Korente 6:7

na lege ti taa-tënë so e yeke fa nga na lege ti ngangu ti Nzapa. Ye ti bira ti e na ye ti batango tere ti e ayeke sarango ye so ayeke mbirimbiri.

Efeze 4:22

Tongaso, alingbi ala zia ngbene lege ti dutingo ti ala. Ando, anzara ti be ti ala ayeke handa ala si ayeke buba ala. Alingbi ala zia ngbene dutingo ti ala ti zo tongana ti so zo ayeke zi gbagba bongo na tere ti lo.

Efeze 5:11

Aye so azo ayeke sara na ya ti vukongo ndo ayeke sara nzoni na zo oko pepe. Ala azo ti Nzapa, ala yoro tere ti ala na ya ni pepe, me ala sigigi na nda ti aye ni.

Efeze 5:8

Ando, ala yeke na ya ti vukongo ndo. Ndali ti so ala ga oko na *Kota Gbia, fadeso ala yeke na ya ti lumiere. Ayeke nzoni sarango ye ti ala ayeke tongana ti azo so ayeke na ya ti lumiere.

Ahebro 10:25

E do abongbi ti e, e zia pepe tongana ti so ambeni zo asara; me e mu wango na popo ti e ahon ti kozoni, ngbanga ti so ala baa so, lango ti Christ aga nduru awe.

Ahebro 12:1

So gba ti azo so asara ando ye na lege ti mabe ti ala ayeke ngoro e, ayeke nzoni e nga, e zi na ndö ti e akungba so kue ayeke sara si e tambula gbaa so, e zia nga lege ti siokpari so ayeke gbu e hio hio na ya ti gbanda ti lo. E kpe loro ti mandako so e yeke na ya ni so ngangu, e zia lege ni pepe.

Jacques 1:21

Ndani laa, ala zia lege ti sarango aye ti potopoto kue nga na lege ti sarango sioni ye kue. Ala yeda na nzoni be na tënë so Nzapa alu na ya ti be ti ala, tënë ni alingbi ti soo ala.

Jacques 5:8

Ala nga, ala kanga be ti ala ti ku, ala gbu ngangu, ngbanga ti so lango ti gango ti Kota Gbia aga nduru awe.

1 Pierre 2:1

Ala zia lege ti sarango amara ti asioni kue nga na sarango ye ti mayere. Tënë ti yanga ti ala ague nde na sarango ye ti ala pepe, ala zia lege ti kota be na ti dikongo asioni tënë na iri ti azo.

1 Pierre 4:7

Ye kue aga nduru ti hunzi awe. Tongaso, alingbi ala sara ye na ndara, le ti ala akpengba, tongaso si ala lingbi ti sambela.

2 Pierre 3:11

So aye ni kue ayeke hon ande hongo so, fade ala yeke duti tongana nyen? Alingbi dutingo ti ala ayeke nde, ayeke nzoni kue si ala kpe mbeto ti Nzapa.

2 Pierre 3:9

Ye so Kota Gbia amu zendo ni, lo yeke ninga ti sara ni pepe. Me ambeni zo ayeke tene, lo ngba ti ku gi kungo. Andaa lo ngba ti ku, ngbanga ti so lo ye pepe titene zo oko akui, me lo ye titene azo kue azia ngbene lege ti sarango ye ti ala.

1 Jean 2:18

Amolenge ti mbi, ngbonga ti ndani alingbi awe! Ala ma ando atene, Wato ti Christ ayeke ga. Andaa awato ti Christ asi singo fadeso. Tongaso e hinga, e tene, ngbonga ti ndani alingbi awe.

Aye so Nzapa afa 1:3

Ti lo nzoni, zo so ayeke diko mbeti so! Ti ala nzoni, azo so ayeke ma tënë ti peko ti yanga ti Nzapa so si ala yeke sara ye alingbi na tënë ti ya ti buku so! Ngoi ti aye ni aga nduru ti si awe.

Aye so Nzapa afa 22:10

Lo kiri lo tene na mbi: “Atënë ti peko ti yanga ti Nzapa so a su na ya ti buku so, mo honde ni pepe, ngbanga ti so ngoi ti singo ti aye ni aga nduru awe.