Rome 13:11 - Mbeti ti Nzapa - Tënë so amu fini

¹¹ Ala sara tongaso, ndali ti so ala hinga ngoi so e yeke daa fadeso awe: ngoi titene ala zingo na lango alingbi awe! Fadeso, ngoi titene Nzapa asoo e na kuâ aga nduru awe ahon ti lani so e ma na be.

Rome 13:11 ပူးပေါင်းရင်းမြစ်များ

Zo ti bongbingo azo 9:10

Kua so kue mo yeke na ngangu ti sara, mo sara ni, ngbanga ti so na ndo ti akuâ so mo yeke gue ande daa, mbeni kua, wala gbungo-li, wala hingango ndo, wala ndara ayeke daa pepe.

Jonas 1:6

Kapita ti mangboko ni asi na tere ti lo si atene na lo: “Ee mo! Nyen laa mo yeke sara so? Mo yeke lango? Londo! Mo dekongo, mo iri nzapa ti mo. E hinga pepe, fade lo yeke baa mawa ti e si e kui pepe.”

Matthieu 16:3

Na ndaperere, tongana le ti nduzu abe si akiri avuko vukongo, ala tene: ‘Fade ngu ayeke pika.’ Ala hinga ti fa nda ti le ti nduzu, me aye so ayeke si fadeso, ala lingbi ti fa nda ni pepe!

Nzoni Tënë so Luc asu na mbeti 21:28

Tongana aye ni so ato nda ti singo ni, ala gbu ngangu, ala mu li ti ala na nduzu, ngbanga ti so Nzapa aga nduru ti zi ala na ya ti pasi awe!”

1 Korente 10:11

Aye so asi ando na akotara ti e titene e manda ye na lege ni. A su ni na mbeti ti gboto mê ti e, ngbanga ti so e yeke na ngoi so nda ti aye kue aga nduru ti si awe.

1 Korente 15:34

Ala sara ye tongana azo so li ti ala ayeke daa, ala sara siokpari pepe! Biani, ambeni zo na popo ti ala ahinga Nzapa pepe. A-ita, mbi yeke tene tënë so ti zia kamene na le ti ala.

Efeze 5:14

ngbanga ti so ye so a fa ni na gigi polele aga ye so ayeke na ya ti lumiere. Ndani laa, a tene: “Mo zingo, mo so mo yeke lango. Mo londo na popo ti akuâ, fade Christ aza lumiere ti lo na ndö ti mo.”

Jacques 5:8

Ala nga, ala kanga be ti ala ti ku, ala gbu ngangu, ngbanga ti so lango ti gango ti Kota Gbia aga nduru awe.

1 Pierre 4:7

Ye kue aga nduru ti hunzi awe. Tongaso, alingbi ala sara ye na ndara, le ti ala akpengba, tongaso si ala lingbi ti sambela.

2 Pierre 3:11

So aye ni kue ayeke hon ande hongo so, fade ala yeke duti tongana nyen? Alingbi dutingo ti ala ayeke nde, ayeke nzoni kue si ala kpe mbeto ti Nzapa.

2 Pierre 3:9

Ye so Kota Gbia amu zendo ni, lo yeke ninga ti sara ni pepe. Me ambeni zo ayeke tene, lo ngba ti ku gi kungo. Andaa lo ngba ti ku, ngbanga ti so lo ye pepe titene zo oko akui, me lo ye titene azo kue azia ngbene lege ti sarango ye ti ala.

1 Jean 2:18

Amolenge ti mbi, ngbonga ti ndani alingbi awe! Ala ma ando atene, Wato ti Christ ayeke ga. Andaa awato ti Christ asi singo fadeso. Tongaso e hinga, e tene, ngbonga ti ndani alingbi awe.

Aye so Nzapa afa 1:3

Ti lo nzoni, zo so ayeke diko mbeti so! Ti ala nzoni, azo so ayeke ma tënë ti peko ti yanga ti Nzapa so si ala yeke sara ye alingbi na tënë ti ya ti buku so! Ngoi ti aye ni aga nduru ti si awe.

Aye so Nzapa afa 22:10

Lo kiri lo tene na mbi: “Atënë ti peko ti yanga ti Nzapa so a su na ya ti buku so, mo honde ni pepe, ngbanga ti so ngoi ti singo ti aye ni aga nduru awe.

Aye so Nzapa afa 22:12

Jésus atene: “Baa, mbi yeke ga fafadeso! Mbi yeke ga na futa ti mbi ti kangbi na zo oko oko alingbi na ye so lo sara.

Aye so Nzapa afa 22:20

Zo so atene tënë ti aye so, lo tene, aye ni ayeke taa-tënë; lo tene: “Biani, mbi yeke ga fafadeso!” Amen! Ga, *Kota Gbia Jésus!