Rome 12:21 - Mbeti ti Nzapa - Tënë so amu fini

²¹ Mo zia sioni ye ahon ndö ti mo pepe; me mo hon ndö ti sioni ye na lege ti sarango nzoni ye.

Rome 12:21 ပူးပေါင်းရင်းမြစ်များ

Amato 16:32

Zo so ayeke sara ngonzo hio hio pepe, lo yeke nzoni lo hon mbeni ngangu zo ti bira. Zo so akanga anzara ti be ti lo, lo yeke nzoni lo hon zo so amu mbeni gbata na bira.

Rome 12:20

Mbeti ni akiri atene: “Tongana nzara asara wato ti mo, mu na lo kobe lo te; tongana nzara ti ngu asara lo, mu na lo ngu, lo nyon. Tongana mo sara tongaso, ye ni ayeke tongana le ti wâ laa mo yeke zia na li ti lo.”

Rome 13:1

Alingbi azo kue ama yanga ti akota zo ti li ti kodro, ngbanga ti so komandema kue alondo na Nzapa; akota zo ti li ti kodro, Nzapa laa azia ala na ndö ti mbata ti komandema.

1 Pierre 3:9

Ala kiri sioni ndali ti sioni pepe, ala kiri zonga ndali ti zonga pepe. Me ala sara tufa na ndö ti azo, ngbanga ti so Nzapa airi ala ndali ni, tongaso si fade Nzapa ayeke sara tufa na ndö ti ala.