Rome 12:20 - Mbeti ti Nzapa - Tënë so amu fini

²⁰ Mbeti ni akiri atene: “Tongana nzara asara wato ti mo, mu na lo kobe lo te; tongana nzara ti ngu asara lo, mu na lo ngu, lo nyon. Tongana mo sara tongaso, ye ni ayeke tongana le ti wâ laa mo yeke zia na li ti lo.”

Rome 12:20 ပူးပေါင်းရင်းမြစ်များ

Tongo nda ti aye 42:25

Joseph amu yanga titene a tuku ale ti ble asi ya ti asake ti ala si a zia nginza ti zo oko oko na ya ti sake ti lo; a mu nga na ala kobe ti tengo ni na lege. Tongaso azo ti kua asara ye ni na ala.

2 Agbia 6:22

Élisée akiri tënë: “Ên-en, mo fâ ala pepe! Lakue, tongana aturugu ti mo agbu azo na ya ti bira, mo yeke fâ ka ala pepe! Tongaso, ayeke nzoni mo mu na ala kobe, ala te; mo mu na ala ngu, ala nyon. Na pekoni, mo zia lege na ala, ala kiri na ndo ti gbia ti ala.”

Abia (Psaumes) 120:4

– Ye so KOTA GBIA ayeke bi ande na ndö ti ala ayeke ale ti kokora so yanga ni aza mingi si ale ti wâ ayeke daa.

Abia (Psaumes) 140:10

Sioni tënë so azo so ayeke bi na li ti mbi, ayeke nzoni tënë ni akiri gi na li ti ala wani.

Matthieu 5:44

Ti mbi, mbi tene na ala: ala ye awato ti ala! Ala sambela ndali ti azo so ayeke sara ngangu na ala!

Nzoni Tënë so Luc asu na mbeti 6:27

“Me mbi tene na ala, ala so ayeke ma mbi so: Ala ye awato ti ala, ala sara nzoni na azo so ake ala!

Rome 12:21

Mo zia sioni ye ahon ndö ti mo pepe; me mo hon ndö ti sioni ye na lege ti sarango nzoni ye.

1 Samuel 26:21

Saul atene: “Mbi sara siokpari awe. Molenge ti mbi David, kiri, mo ga. Mbi yeke kiri ti sara sioni na mo oko pepe, ngbanga ti so na bi so fini ti mbi aga mbeni kota ye na le ti mo. Taa-tënë mbi sara ye tongana zo so mbeni ye ayeke sara li ti lo. Mbi handa tere ti mbi ngangu.”