Rome 12:2 - Mbeti ti Nzapa - Tënë so amu fini

² Ala mu lege ti dutingo ti azo ti dunia so pepe, me ala zia Nzapa asanze fini ti ala, lo mu na ala fini gbungo-li. Tongaso, fade ala lingbi ti hinga ye so Nzapa aye: ye so ayeke nzoni, ye so anzere na be ti lo, ye so ayeke nzoni kue.

Rome 12:2 ပူးပေါင်းရင်းမြစ်များ

Esdras 10:11

Fadeso, na le ti KOTA GBIA, Nzapa ti akotara ti ala, ala hinga sioni ti ala, ala sara ye so be ti lo aye. Ala kangbi na azo ti kodro ni nga na awali ti ala so ayeke awande.”

Abia (Psaumes) 119:103

Atënë ti yanga ti mo anzere na yanga ti mbi mingi, anzere na yanga ti mbi ahon mafuta ti wotoro.

Abia (Psaumes) 119:128

Mbi baa so andia ti mo ayeke mbirimbiri, be ti mbi ake alege kue ti mvene.

Abia (Psaumes) 119:174

KOTA GBIA, nzara ti be ti mbi ayeke titene mo soo mbi; ndia ti mo anzere na mbi mingi.

Abia (Psaumes) 119:72

Ndia so alondo na yanga ti mo ayeke nzoni na mbi ahon lôro na nginza kutu kutu.

Abia (Psaumes) 119:97

Mbi ye ndia ti mo mingi! Mbi yeke gbu li ti mbi daa lakue.

Abia (Psaumes) 34:8

*Ange ti KOTA GBIA ayeke sara sanziri na tere ti azo so akpe mbeto ti lo; lo yeke zi ala na ya ti ye ti ngangu.

Abia (Psaumes) 51:10

Sara si mbi ma atënë ti ngia si tere ti mbi anzere. Tongaso si mbi so mo kungbi mbi awe, mbi londo ti dodo.

Sigingo 23:2

Tongana gba ti azo aye ti sara sioni, ala mu peko ti azo ni pepe. Tongana gba ti azo aye ti tene mvene na le ti ngbanga, ala mu peko ti azo ni pepe, tongana azo ni aye ti fâ ngbanga ni na legeni pepe.

Ezekiel 18:31

Ala bi asioni sarango ye ti ala yongoro, ala sara si be ti ala na yingo ti ala aga fini ni! Ala azo ti Israel, ala ye ti kui ngbanga ti nyen?

Ezekiel 36:26

Mbi yeke mu na ala fini be, mbi yeke zia fini yingo na ya ti ala. Mbi yeke zi be ti ala so akpengba tongana têne si mbi yeke mu na ala be ti zo

Matthieu 13:22

Ambeni zo ayeke tongana sese so aki ayeke daa si ale ti kobe atuku daa: ala ma tënë ni, me gingo be ti ala na ndö ti aye ti sese so na nzara ti mosoro akanga ndö ti tënë ni si ale pepe.

Marc 4:19

me be ti ala agi ala mingi na ndö ti aye ti dunia so; amosoro ahanda ala, nzara ti aye kue asara ala. Aye so kue akanga ndö ti tënë ni si ale pepe.

Jean 14:30

Ti fadeso, mbi yeke kiri ti tene tënë na ala mingi pepe, ndali ti so gbia ti dunia so ayeke ga. Lo yeke na ngangu na ndö ti mbi pepe,

Jean 15:19

Tongana ala yeke fade azo ti dunia so, ka dunia ni aye ala ndali ti so ala yeke ti lo. Me mbi soro ala na popo ti azo ti dunia si ala yeke azo ti dunia mbeni pepe. Ndani laa dunia ni ake ala.

Jean 17:14

Mbi mu na ala tënë ti mo si azo ti dunia so ake ala, ndali ti so ala yeke azo ti dunia so pepe, tongana ti so mbi nga, mbi yeke zo ti dunia so pepe.

Jean 7:7

Azo ti dunia alingbi ti ke ala pepe; me azo ni ake mbi, ngbanga ti so mbi tene tënë na ndö ti ala, mbi tene: aye so ala ayeke sara ayeke sioni.

Rome 12:1

A-ita, so Nzapa abaa mawa ti e ahon ndoni awe so, mbi hunda na ala mingi titene ala mu tere ti ala kue na Nzapa tongana *sandaga so ayeke na fini, sandaga so ayeke nde, ayeke nzoni kue si anzere na lo. So mbirimbiri lege ti vorongo Nzapa laa.

Rome 13:14

Me ala yu *Kota Gbia Jésus Christ tongana ye ti bira. Ala zia lege pepe na be ti ala so ayeke pusu ala ti sara ye alingbi na asioni nzara ti lo.

Rome 7:12

Tongaso, Ndia alondo na Nzapa, atënë oko oko ti Ndia alondo na Nzapa, ayeke mbirimbiri si ayeke nga ye ti nzoni.

Rome 7:14

E hinga so *Ndia ayeke ye ti Yingo; ti mbi, mbi yeke zo senge, a ka mbi tongana ngbaa na siokpari.

Rome 7:22

Nilaa na ya ti be ti mbi kâ, Ndia ti Nzapa laa anzere na mbi.

1 Korente 3:19

Biani, ndara ti azo ti dunia so ayeke ye ti buba na le ti Nzapa. A su na ya ti Mbeti ti Nzapa, atene: “Lo yeke gbu azo ti ndara na lege ti mayere ti ala wani.”

2 Korente 4:4

azo so ake ti ma na be. Sioni nzapa ti sese so akanga lege ti hingango ndo ti ala titene ala baa zango ti Nzoni Tënë pepe. Andaa Nzoni Tënë ni ayeke fa gonda ti Christ, lo so lo yeke limo ti Nzapa.

2 Korente 5:17

Tongaso, tongana mbeni zo aga oko na Christ, lo ga fini zo awe; ngbene ye ahon awe, fini ye asi.

Galasii 1:4

Jésus aka tere ti lo ndali ti siokpari ti e, ti zi e na ya ti ngoi ti sioni so e yeke daa laso; lo sara tongana ti so be ti Nzapa Babâ ti e aye.

Efeze 1:18

Mbi hunda nga titene lumiere ti Nzapa aza na ya ti hingango ndo ti ala, tongaso si ala lingbi ti hinga ye so lo iri ala ngbanga ni si lo yeke leke ti ku na ala so. Tongaso, fade ala hinga atene, aye so lo bata ndali ti azo ti lo ayeke anzoni ye ahon ndoni,

Efeze 2:2

Ala yeke sara ye ando tongana ti azo ti dunia so; ala yeke ma gi yanga ti makonzi ti asioni yingo so ayeke na popo ti nduzu na sese, yingo so laa ayeke sara kua na be ti azo so ake ti ma yanga ti Nzapa.

Efeze 5:17

Ndani laa, ala duti tongana abuba zo pepe, me ala gi lege ti hinga ye so Kota Gbia aye.

Kolose 1:9

Ndani laa, ti londo na lango so e ma tënë so, e nga, e ngba ti sambela lakue ndali ti ala. E yeke hunda na Nzapa titene lo sara si ala hinga tënë ti be ti lo kue kue kue si ala wara ndara kue na hingango ye so Yingo ti lo ayeke mu na azo.

Kolose 3:10

Ala yu fini dutingo ti zo awe tongana ti so zo ayeke yu fini bongo. Nzapa so asara ala si ala ga afini zo, lo yeke sara titene ala ngba lakue ti ga tongana lo, tongaso si ala yeke hinga lo mbirimbiri.

Kolose 4:12

Epafras so ayeke mbeni zo ti ala abara ala; lo yeke zo ti kua ti Jésus Christ, lo ngba ti tiri bira na lege ti sambela ndali ti ala. Lo yeke hunda na Nzapa titene ala luti ngangu, ala ga kangba na lege ti Yingo si ala yeke lakue nduru ti sara ye so kue be ti Nzapa aye.

1 Tesalonike 4:3

Ye so be ti Nzapa aye, ayeke titene ala ga azo so ayeke nde si ayeke nzoni kue, ala zia lege ti gingo wali wala gingo koli kirikiri.

Tite 3:5

lo soo e na kuâ. Mbeni ye ti nzoni so e wani, e sara na lege ti mbirimbiri ti e titene lo soo e ndali ni ayeke daa pepe, me lo soo e, ngbanga ti so lo baa mawa ti e. Lo soo e, lo sukula e na lege ti Yingo-Vuru so asara si e ga fini zo si e wara fini kode ti dutingo ni.

Jacques 1:27

Mbirimbiri vorongo Nzapa so sioni ye oko ayeke daa pepe, ayeke mungo maboko na anyindu nga na awali-mua so ayeke baa pasi; mbirimbiri vorongo Nzapa ayeke nga ti ke sarango aye ti potopoto ti dunia so.

Jacques 4:4

Ala so ado lege ti Nzapa azia so! Ala hinga pepe? Zo so aye tënë ti aye ti dunia so, andaa lo ke Nzapa awe; zo so aye tënë ti aye ti dunia so, andaa lo ga wato ti Nzapa awe.

1 Pierre 1:14

Ala sara ye tongana amolenge so ayeke ma ndo. Ala sara ye pepe na lege ti anzara ti be ti ala so ala yeke na ni ando, na ngoi so ala de ti hinga ndo pepe so.

1 Pierre 1:18

Ala wara nzoni ye oko pepe na lege ti sarango ye so ala mu na peko ti akotara ti ala. Me ala hinga awe ye so azi ala na ya ti sarango ye ni so, ye ni alingbi ti buba tongana nginza wala lôro pepe;

1 Pierre 2:3

Biani, Mbeti ti Nzapa atene: “Ala wani atara so *Kota Gbia ayeke nzoni.”

1 Pierre 4:2

Tongaso, ngoi so angba na ala ti duti na fini na sese so, ala sara ye na lege ti nzara ti be ti ala pepe, me na lege so be ti Nzapa aye.

2 Pierre 1:4

Na lege ti aye ni, Nzapa amu na e anzoni ye ti kota ngere so lo mu ando zendo ni na e. Tongaso, ala yeke kpe lege ti sioni nzara ti sarango aye ti dunia so, asioni ye so ayeke buba azo ti dunia so si dutingo ti ala akpa ti Nzapa.

2 Pierre 2:20

Azo so azi tere ti ala awe na ya ti aye ti potopoto ti dunia na lege so ala hinga Jésus Christ, Kota Gbia ti e na Wasongo e, tongana ala kiri ayoro tere ti ala na ya ti aye ti potopoto ni titene ahon ndö ti ala si akanga ala, fade dutingo ti ala ayeke ga sioni mingi ahon ti kozoni.

1 Jean 3:13

A-ita, tongana azo ti dunia so ake ala, ayeke nzoni li ti ala akpe pepe.

1 Jean 5:19

E hinga so, e yeke azo ti Nzapa, me dunia kue ayeke na gbe ti komandema ti Sioni wato.

Aye so Nzapa afa 12:9

A bi sioni nyama ni na gigi. Lo yeke ngbene ngbo so azo airi lo atene, Zabolo wala Satan, wala zo ti handango azo ti dunia kue. A bi lo na ndö ti sese, lo na a-ange ti lo.

Aye so Nzapa afa 13:8

Fade azo ti ndö ti sese kue ayeke voro nyama ni. Azo so ayeke voro lo ayeke azo so, ngbene ye so dunia abaa gigi, iri ti ala ayeke na ya ti mbeti pepe, mbeti so a su iri ti azo so ayeke na taa fini daa, mbeti ti Molenge ti Taba so a fâ lo so.