Rome 12:19 - Mbeti ti Nzapa - Tënë so amu fini

¹⁹ A-ita ti mbi so mbi ye ala mingi, tongana zo asara sioni na ala, ala wani akiri peko ti sioni ni na zo ni pepe; me ala zia lege na ngonzo ti Nzapa ti sara ye na zo ni, ndali ti so na ya ti Mbeti ti Nzapa, Kota Gbia atene: “Mbi laa mbi yeke kiri peko ti sioni na zo so asara sioni, mbi laa mbi yeke kiri peko ti ye alingbi na sarango ye ti zo.”

Rome 12:19 ပူးပေါင်းရင်းမြစ်များ

Amato 20:22

Mo tene na be ti mo pepe, mo tene: “Sioni so a sara na mbi so, fade mbi yeke kiri peko ni si!” Me mo zia be ti mo na ndö ti KOTA GBIA, fade lo yeke soo mo.

Amato 24:29

Mo tene pepe: “Ye so lo sara na mbi so, mbi yeke sara gi ni na lo; mbi yeke kiri na zo peko ti ye so lo sara na mbi so!”

Jérémie 51:36

Tënë so *KOTA GBIA atene ndali ti Jérusalem ayeke so: “Mbi yeke mu tënë ti mo na maboko si azo so asara sioni na mo so, mbi yeke kiri na peko ti sioni ni na ala. Mbi yeke sara titene kota *bale ti lo ahole si ali ti ngu ti lo ahole kue.

Ezekiel 25:12

“Tënë so mbi Kota Gbia NZAPA, mbi tene ayeke so: Azo ti Edom asara lani ambeni ye ti kiri peko ti sioni na azo ti Juda. Ndani laa, tënë ayeke na li ti ala, ngbanga ti so ala kiri peko ti sioni na azo ti Juda.

Awayango-sandaga 19:18

Ala kiri peko ti sioni na azo pepe; zo ti mara ti ala so asara sioni na ala, ala bata ngonzo na be ti ala na tere ti lo pepe. Alingbi zo oko oko aye mba ti lo tongana ti so lo ye tere ti lo wani. Mbi laa mbi yeke KOTA GBIA.

Matthieu 5:39

Ti mbi, mbi tene na ala: zo so asara sioni na ala, ala kiri na peko ti sioni ni na lo pepe. Tongana mbeni zo apika ngbangba ti mo ti mbage ti koli, yoro na lo mbeni mbage ni lo pika.

Rome 12:14

Ala sara tufa na ndö ti azo so ayeke sara ngangu na ala; ala sara tufa na ndö ti azo, me ala deba ala pepe.

Rome 12:17

Tongana mbeni zo asara sioni na ala, ala kiri peko ni na lo pepe. Ala gi lege ti sara ye so ayeke nzoni na le ti azo kue.

Rome 13:4

Biani, akota zo ti li ti kodro ayeke sara kua na Nzapa ti pusu mo ti sara nzoni ye. Me tongana mo sara sioni ye, mo sara mbeto ti ala! So ala yeke na ngangu ti fango ngbanga na li ti azo, nda ni ayeke daa: tongana ala yeke fâ ngbanga, ala yeke sara kua na Nzapa ti sara si ngonzo ti lo alondo na tere ti azo so asara sioni.

Efeze 4:27

Ala zia ndo na Zabolo ti hon ndö ti ala pepe.

Ndia ti fani use ni 32:35

mbi yeke kiri peko ti sioni na ala, mbi yeke kiri peko ti ye na ala alingbi na sarango ye ti ala na ndembe so gere ti ala ayeke *zene si ala ye ti ti. Biani, lango ti ye ti ngangu ni aga nduru awe, lango ti kuâ ti ala angba yongoro pepe.’

Ndia ti fani use ni 32:43

Moïse atene: “Ala amara, ala dekongo na ngia na li ti azo ti KOTA GBIA! Biani, lo ga nduru ti kiri na peko ti mene ti azo ti kua ti lo awe; sioni so awato ti lo asara na azo ti lo, lo yeke kiri peko ti sioni ni na ala; me lo yeke *sukula sese ti azo ti lo.”

1 Tesalonike 4:6

Na ya ti tënë so, ayeke nzoni zo oko asara mbeni ye ti songo be wala ye ti kirikiri na mba ti lo pepe. E tene tënë so na ala awe, e gboto mê ti ala na ndö ni awe: azo so asara mara ti asioni ye tongaso, fade Kota Gbia ayeke zia peko ni angba senge pepe.

2 Timothée 4:14

Alexandre, zo ti pikango ndao asara sioni na mbi mingi; fade *Kota Gbia ayeke kiri na lo peko ti aye so lo sara.

Ahebro 10:30

E hinga lo so atene: “Mbi laa mbi yeke kiri sioni na zo so asara sioni; fade zo ni ayeke wara ye ti peko ti sioni so lo sara.” Lo kiri lo tene: “Fade *Kota Gbia ayeke fâ ngbanga ti azo ti lo.”

1 Samuel 25:26

*KOTA GBIA ayeke na fini! Mo nga, mo yeke na fini! KOTA GBIA laa akanga lege na mo, babâ ti mbi titene mo ga, mo tuku mene ti azo pepe si mo fâ nga ngbanga ti mo, mo wani pepe. Ayeke nzoni ye so asi na Nabal asi na awato ti mo, ala so ayeke gi lege ti fâ mo so.

1 Samuel 25:33

Mbi mu singila ndali ti nzoni sarango ye ti mo; mbi mu nga singila na mo, mo so mo kanga lege na mbi laso ti tuku mene ti azo, ti fâ ngbanga ti mbi wani pepe.

1 Samuel 26:10

David atene: “KOTA GBIA ayeke na fini! KOTA GBIA wani laa ayeke fâ lo. Tongana lango ti kuâ ti lo alingbi, fade lo yeke kui, wala tongana lo gue na bira, fade lo yeke kui.

1 Samuel 26:11

Ayeke nzoni KOTA GBIA abata mbi si mbi sara sioni pepe na zo so KOTA GBIA atuku mafuta na li ti lo! Mu gi likongo so ayeke nduru na mbage ti li ti lo, nga na ngângâ ti ngu si e gue.”