Rome 12:18 - Mbeti ti Nzapa - Tënë so amu fini

¹⁸ Tongana lege ayeke daa, tongana ala lingbi ti sara mbeni ye, ala duti na siriri na azo kue.

Rome 12:18 ပူးပေါင်းရင်းမြစ်များ

Tongo nda ti aye 21:24

Abraham akiri tënë, atene: “Mbi deba yanga ti mbi awe.”

2 Samuel 20:19

Na sese ti Israel kue, gbata ti e ayeke oko ti agbata so siriri ayeke daa si ayeke sara ye na legeni. Me ti mo, mo ye ti gi lege ti buba gbata so azo ayeke ne ni mingi na sese ti Israel! Ye so ayeke ti *KOTA GBIA, mo ye ti buba ni ngbanga ti nyen?”

Abia (Psaumes) 34:14

Alingbi mo bata yanga ti mo na sioni tënë, mo bata yanga ti mo na atënë ti mvene.

Amato 12:20

Azo so aleke na be ti ala ti sara sioni, be ti ala asi singo na tënë ti handa; me azo so ayeke mu wango ndali ti siriri, ala yeke na ngia.

Amato 3:30

Zo so asara sioni na mo pepe, mo papa na lo senge senge pepe.

Matthieu 5:24

ayeke nzoni mo zia sandaga ti mo na tere ti gbalaka ni, mo gue, mo na lo, ala leke tënë na popo ti ala si. Na pekoni, mo ga, mo mu sandaga ni na Nzapa.

Matthieu 5:5

Ti ala nzoni, ala so ayeke sara ngangu na azo pepe, ngbanga ti so ala yeke ga ande awa ti sese so Nzapa aleke ndali ti ala!

Matthieu 5:9

Ti ala nzoni, ala so asara si siriri aduti na popo ti azo, ngbanga ti so Nzapa ayeke iri ande ala atene, ala yeke amolenge ti ni!

Marc 9:50

“Ingo ayeke nzoni ye; me tongana nzerengo ti ingo ni ahon awe, fade zo ayeke sara tongana nyen ti kiri na ni daa? Ayeke nzoni ala yeke na ingo na ya ti fini ti ala si ala duti na siriri na amba ti ala.”

Rome 1:15

Ndani laa mbi yeke na nzara ti fa nga Nzoni Tënë na ala, ala so ayeke na Rome.

Rome 14:17

Biani, *Kodro-gbia ti Nzapa abaa tënë ti tengo kobe wala tënë ti nyongo ye pepe, me abaa tënë ti sarango ye ti mbirimbiri, ti siriri na ti ngia so Yingo-Vuru ayeke mu na zo.

Rome 14:19

Tongaso, alingbi e gi ye so ayeke ga na siriri si e oko oko kue, e kpengba na lege ti mabe.

1 Korente 7:15

Me tongana zo so ama na be pepe aye ti kangbi na wali ti lo wala na koli ti lo, lo lingbi ti sara ni senge. Zo so ama na be so, mbeni ye ti kanga lo na koli ni wala na wali ni ayeke daa pepe, ngbanga ti so Nzapa airi e ti duti na siriri.

2 Korente 13:11

Ti hunzi na ni, a-ita, ala duti na ngia! Ala gi lege ti ga nzoni kue, ala mu wango ti kpengba na amba ti ala, ala ma tere na popo ti ala, ala duti na siriri si Nzapa so aye zo si ayeke mu siriri na zo, fade lo yeke duti na ala.

Galasii 5:22

Me ye so Yingo ti Nzapa ayeke du ayeke so: ndoye, ngia, siriri, kangango be, nzoni be, sarango nzoni na azo, mabe,

Efeze 4:3

Yingo-Vuru asara si ala ga oko; ala gi lege ngangu ti ngba na beoko na lege ti dutingo na siriri na popo ti ala.

1 Tesalonike 5:13

Ala ne azo ni mingi, ala ye nga ala ndali ti kua so ala yeke sara. A-ita, ala duti na siriri na popo ti ala.

2 Timothée 2:22

Mo kpe aye nde nde so nzara ni ayeke gbu ka amaseka. Mo sara kue ti ga mbirimbiri na le ti Nzapa, ti duti na mabe, na ndoye nga na siriri na azo so ayeke sambela Kota Gbia na vurungo be.

Ahebro 12:14

Ala gi lege ngangu ti duti na siriri na azo kue, ala gi nga lege ngangu titene fini ti ala aduti nde si aduti nzoni kue. Tongaso pepe, fade zo oko alingbi ti baa *Kota Gbia pepe.

1 Pierre 3:11

lo zia ti sara sioni ye si lo sara nzoni ye; lo gi lege ti siriri, lo ngba daa.

Awafango-ngbanga 11:14

Yefte akiri atokua azo na gbia ti Amon