Rome 12:16 - Mbeti ti Nzapa - Tënë so amu fini

¹⁶ Ala ma tere na popo ti ala. Ala gi kota ndo pepe, me ala yeda ti sara asenge kua. Ala baa tere ti ala tongana azo ti ndara pepe.

Rome 12:16 ပူးပေါင်းရင်းမြစ်များ

2 Mbai 30:12

Na sese ti Juda nga, Nzapa asara si be ti azo ni aga oko, ala yeda ti ma yanga so gbia na amakonzi ti lo amu, alingbi na tënë ti KOTA GBIA.

Mbeti ti Job 36:5

Nzapa ayeke na ngangu mingi, lo yeke baa zo oko tongana mbumbuse ye pepe. Lo yeke na ngangu ahon ndoni, ye so lo leke na be ti lo ti sara, lo ngba gi na ndö ni.

Amato 17:5

Zo so ahe wayere, andaa lo he lo so asara lo. Zo so, tongana mbeni ye ti ngangu asi na mba ti lo si tere ti lo anzere daa, fade a yeke zia peko ni senge na lo pepe.

Amato 19:17

Zo so abaa mawa ti wayere, andaa boon laa zo ni asara na KOTA GBIA; fade KOTA GBIA ayeke kiri peko ni na lo.

Amato 19:22

Ye so a yeke ku na mbage ti zo ayeke sarango nzoni be. Dutingo wayere ayeke nzoni ahon dutingo zo ti mvene.

Amato 19:7

A-ita ti wayere kue ayeke ke lo; ti akamarade ti lo, ye ni ahon ndoni: ala yeke kpe lo kpengo. Tongana lo ye ti tene tënë na ala, andaa peko ti ala ayo awe.

Amato 26:12

Tongana mo baa mbeni zo so abaa tere ti lo wani tongana zo ti ndara, ye so mo lingbi ti hinga ayeke so: nzoni ye so mo lingbi ti ku na mbage ti zo ti buba ayeke mingi ahon ti zo tongaso.

Amato 26:5

Mo kiri tënë na zo ti buba alingbi na buba ti lo; tongaso pepe, lo yeke baa tere ti lo tongana zo ti ndara.

Amato 3:7

Mo baa tere ti mo wani tongana zo ti ndara pepe, me mo kpe mbeto ti KOTA GBIA; mo zia lege ti sioni ye.

Ésaïe 5:21

Mawa na ala, azo so abaa tere ti ala tongana azo ti ndara, azo so abaa tere ti ala tongana azo ti hingango ndo!

Jérémie 32:39

Fade mbi yeke mu na ala be oko si lege ti sarango ye ti ala ayeke ga oko titene ala kpe mbeto ti mbi lakue. Tongaso si fade ala yeke baa nzoni, ala na amolenge ti peko ti ala.

Jérémie 45:5

Ti mo, mo yeke gi lege ti wara akota ye ndali ti mo wani? Mo gi ye oko pepe! Biani, kpale so mbi yeke tokua ni ayeke ti na ndö ti ye so ayeke na fini; so tënë ti yanga ti KOTA GBIA laa. Me ti mo, mbi mu na mo pasa ti soo fini ti mo na ndo so kue mo yeke hon ande daa.’ ”

Matthieu 11:5

awaziba akiri abaa ndo, azo so gere ti ala abuba akiri atambula nzoni, tere ti azo ti buruma aga nzoni, azo so mê ti ala akanga akiri ama ndo, azo azingo na kuâ, a fa Nzoni Tënë na azo ti mawa.

Matthieu 26:11

Biani, azo ti mawa ayeke duti lakue na popo ti ala, me ti mbi, mbi yeke duti lakue na popo ti ala pepe.

Nzoni Tënë so Luc asu na mbeti 14:13

Me tongana mo sara matanga, ayeke nzoni mo tisa azo ti mawa, na ala so mbage ti tere ti ala abuba, na ala so gere ti ala aba bango na awaziba.

Nzoni Tënë so Luc asu na mbeti 6:20

Jésus abaa ndo na mbage ti adisiple ti lo si lo tene: “Ti ala nzoni, ala so ayeke awayere, ngbanga ti so *Kodro-gbia ti Nzapa ayeke ti ala!

Awatokua 4:32

Azo so ama na be gbani gbani so, tënë ti be ti ala ayeke gi oko, ye so ala ye ayeke nga gi oko. Zo oko atene pepe, atene: “Ye ti mbi ayeke gi ti mbi!” Me ye so kue ala yeke na ni, ala yeke bongbi ni si aga ye ti ala kue.

Rome 11:20

Tënë ni laa. Me a fâ amaboko ti keke ni, ngbanga ti so ala ma na be pepe. Ti mo, mo ngba na tere ti keke ni, ngbanga ti so mo ma na be. Tongaso, mo pika kate ti mo pepe, me mo sara gi hange.

Rome 11:25

A-ita, mbi ye titene ala hinga taa-tënë so a sigigi na nda ni awe, tongaso si ala baa tere ti ala tongana azo ti ndara pepe. Tënë ni ayeke so: fade ambeni zo ti Israel ayeke ngba ti sara ngangu li ngbii asi na ndembe so wungo ti azo ti amara nde alingbi, so ti tene ala so ayeke li na popo ti azo ti Nzapa.

Rome 12:3

Nzapa asara nzoni be na mbi. Ndani laa mbi tene na ala oko oko kue, mbi tene: ala baa tere ti ala wani tongana akota zo pepe; me ala baa tere ti ala tongana asenge zo, alingbi na mabe so Nzapa amu na zo oko oko.

Rome 15:5

Nzapa so ayeke mu na zo lege ti kanga be ti lo na ti mu ngangu na be ti lo, asara si ala ma tere na popo ti ala tongana ti so Christ afa lege ni na ala.

Rome 6:2

Oko pepe! E so e kui si e kangbi na siokpari awe so, fade e yeke ngba na ya ti siokpari tongana nyen?

1 Korente 1:10

A-ita, mbi hunda na ala mingi na iri ti *Kota Gbia ti e Jésus Christ titene ala kue ama tere si kangbi aduti na popo ti ala pepe; ala duti gi tongana zo oko, tënë ti be ti ala nga na bango ndo ti ala ague gi oko.

1 Korente 3:18

Ayeke nzoni mbeni zo ahanda tere ti lo wani pepe: tongana mbeni zo na popo ti ala abaa ti lo atene, ni yeke na ndara tongana ti azo ti dunia so, ayeke nzoni lo ga zo ti gbogbolinda, tongaso si lo ga taa zo ti ndara.

1 Korente 4:10

Ndali ti Christ, e ga azo so li ti ala ayeke daa pepe, me ti ala, ala ga azo ti ndara na lege ti gango so ala ga oko na Christ. E yeke ti e na ngangu pepe, me ti ala, ala yeke na ngangu. Azo ayeke ne ala, me ti e, azo ayeke baa e tongana ambumbuse zo.

1 Korente 6:5

Mbi tene tënë so ti bi kamene na le ti ala. Na popo ti ala, mbeni zo ti ndara ti fâ ngbanga ti atënë na popo ti a-ita ti lo, azo ti Christ, ayeke daa pepe?

1 Korente 8:2

Tongana mbeni zo abaa atene ni hinga ye, andaa lo de ti hinga ye alingbi na taa hingango ye pepe.

2 Korente 13:11

Ti hunzi na ni, a-ita, ala duti na ngia! Ala gi lege ti ga nzoni kue, ala mu wango ti kpengba na amba ti ala, ala ma tere na popo ti ala, ala duti na siriri si Nzapa so aye zo si ayeke mu siriri na zo, fade lo yeke duti na ala.

Filipe 1:27

Gi ye oko, ayeke nzoni lege ti dutingo ti ala alingbi na ti so Nzoni Tënë ti Christ afa. Tongaso, ataa mbi ga, mbi baa ala, ataa mbi ga pepe, me mbi ma atënë ti ala, fade mbi yeke hinga, mbi tene, ala ngba ti luti nganganga, tënë ti be ti ala kue ayeke gi oko si ala bongbi oko ti tiri ndali ti mabe so aga na lege ti Nzoni Tënë.

Filipe 3:16

Me gi ye oko: e ngba ti tambula gi na lege so e tambula daa ngbii asi fadeso!

Filipe 4:2

Mbi hunda mingi na Évodie nga na Sentish titene ala ma tere ndali ti gango so ala ga oko na *Kota Gbia.

Ahebro 13:5

Na lege ti sarango ye ti ala, alingbi nzara ti nginza ahon ndö ti ala pepe, me ala zia be ti ala gi na ye so ala yeke na ni, ngbanga ti so Nzapa wani atene: “Fade mbi yeke do mo ti zia mo pepe, mbi yeke zia mo oko pepe.”

1 Pierre 3:8

Ti hunzi na tënë ti mbi, alingbi ala kue tënë ti be ti ala aduti gi oko; ala baa mawa ti amba ti ala, ala ye tere na popo ti ala tongana a-ita, ala sara nzoni na amba ti ala, ala baa tere ti ala tongana akota zo pepe.

1 Pierre 5:3

Azo ti Nzapa so lo zia ala na maboko ti ala ti bata ala so, ala sara komandema ti ngangu na ndö ti ala pepe, me ala duti tapande ndali ti ala.

3 Jean 1:9

Mbi su fade mbeni nduru mbeti si mbi tokua ni na *Eglize; me Diotrefe so aye lakue gi ti duti na komandema na ndö ti amba ti lo, lo ke ti ma yanga ti e.