Rome 12:15 - Mbeti ti Nzapa - Tënë so amu fini

¹⁵ Ala sara ngia na azo so ayeke na ngia, ala toto na azo so ayeke toto.

Rome 12:15 ပူးပေါင်းရင်းမြစ်များ

Néhémie 1:4

So mbi ma atënë so, mbi duti na sese, mbi toto; na ya ti ambeni lango, mbi sara mawa, mbi ke kobe, mbi sambela Nzapa ti yayu,

Mbeti ti Job 2:11

Amba ti Job ota ama tënë ti aye ti vundu so kue asi na lo si zo oko oko alondo na kodro ti lo aga ti baa lo. Ayeke azo tongana: Elifaz, zo ti kodro ti Teman; Bildad, zo ti kodro ti Shuha nga na Sofar, zo ti kodro ti Naama. Ala ma tere titene ala ga akangbi vundu na lo, ti de be ti lo.

Mbeti ti Job 30:25

Azo so gigi ti ala ayeke ngangu so, mbi toto lani ndali ti ala pepe? Azo ti mawa, vundu ti ala agbu be ti mbi pepe?

Zo ti bongbingo azo 3:4

Ngoi ti toto ayeke daa, ngoi ti hengo ngia ayeke daa; ngoi ti demango tere ayeke daa, ngoi ti dodo ayeke daa.

Jérémie 38:12

Na pekoni Ebed-Melek, zo ti Etiopii ni atene na Jérémie: “Zia agbagba bongo ni na gbe ti maboko ti mo; mo zia kamba ni na ndö ni.” Jérémie asara ye ni tongaso.

Jérémie 9:1

Tongana a mu na mbi fade mbeni ndo ti azo ti lege kâ na benyama titene mbi lango daa, ka mbi yeke zia azo ti kodro ti mbi, mbi hon yongoro na tere ti ala! Ala kue ayeke azo ti gingo akoli wala awali ti azo; ala ayeke bongbi ti azo so ake Nzapa awe.

Nzoni Tënë so Luc asu na mbeti 1:58

Azo ti tere ti da ti lo na azo ti sewa ti lo abaa so *Kota Gbia asara nzoni be na lo si be ti ala nga ayeke na ngia.

Jean 11:19

Nilaa azuife mingi aga ti baa Marthe na Marie ti zi vundu na be ti ala na peko ti kuâ ti ita ti ala.

Awatokua 11:23

So lo si, lo baa lege so Nzapa asara nzoni be na azo ni. Be ti lo asi na ngia si lo mu wango na ala titene ala kue angba ti mu peko ti Kota Gbia lakue.

1 Korente 12:26

Tongana mbeni mbage ti tere oko ayeke baa pasi, atanga ni kue ayeke baa pasi legeoko na lo. Tongana a ne mbeni mbage ti tere oko, fade ayeke ne nga atanga ni kue.

2 Korente 11:29

Tongana mbeni zo ayeke na ngangu pepe, mbi nga, mbi yeke na ngangu pepe. Tongana mbeni zo asara si mba ti lo ati na ya ti siokpari, tënë ni aso be ti mbi mingi.

2 Korente 2:3

Nda ti mbeni mbeti so mbi tokua na ala so ayeke so: na singo ti mbi na popo ti ala, mbi ye titene azo so alingbi fade ti zia ngia na be ti mbi, ala ga azo ti zia vundu na be ti mbi pepe. Ti ala, mbi hinga na be ti mbi, mbi tene, ngia so ayeke na be ti mbi so ayeke nga na be ti ala kue.

Filipe 2:26

Lo yeke na nzara mingi ti kiri ti baa ala kue, me be ti lo aduti nzoni pepe, ngbanga ti so ala ma tënë ti kobela ti lo.

Filipe 2:28

Ndani laa, mbi tokua lo hio na ala si na bango lo, ala kiri awara ngia, tongaso si be ti mbi ade kete.

Ahebro 13:3

Ala dabe ti ala na azo so ayeke na da ti kanga, ala baa tere ti ala tongana azo so ayeke nga na da ti kanga oko na azo ni. Ala dabe ti ala na azo so a yeke sara sioni na ala, ngbanga ti so ala nga, a-ita, ala yeke na tere tongana ti azo so a yeke sara sioni na ala so.