Rome 12:11 - Mbeti ti Nzapa - Tënë so amu fini

¹¹ Ala sara sopo pepe, me ala mu ngangu ti ala kue ti sara na kua ti *Kota Gbia; ala sara kua ni na be ti ala kue.

Rome 12:11 ပူးပေါင်းရင်းမြစ်များ

Sigingo 5:17

Faraon akiri tënë: “Ala yeke azo ti sopo; biani, ala yeke azo ti sopo! Ndani laa ala tene: ‘E gue, e mu *sandaga na KOTA GBIA!’

Amato 10:26

Tongana ti so kpingo ye asara pembe ti zo si guru asara le ti zo, zo ti sopo ayeke sara nga tongaso na wa ti lo.

Amato 13:4

Zo ti sopo asara nzara ti ye, me lo yeke wara ni pepe; me azo so ayeke gbu kua ngangu, ala yeke wara aye gbani gbani.

Amato 18:9

Zo so asara sopo na kua ti lo, lo yeke ita ti zo so abuba kua ni.

Amato 22:29

Mo baa mbeni zo so ayeke sara kua ti lo nzoni? Fade lo yeke ngba ti sara kua na asenge zo pepe, me lo yeke gue ti sara kua na agbia.

Amato 31:15

So ndo angba kâ, lo londo awe; lo to kobe na asewa ti lo si lo fa na azo ti kua ti lo ti wali kua so ala lingbi ti sara.

Zo ti bongbingo azo 9:10

Kua so kue mo yeke na ngangu ti sara, mo sara ni, ngbanga ti so na ndo ti akuâ so mo yeke gue ande daa, mbeni kua, wala gbungo-li, wala hingango ndo, wala ndara ayeke daa pepe.

Ésaïe 56:10

Asanziri ti Israel kue ayeke awaziba, ala hinga ye oko pepe. Ala yeke ambo so ayeke buburu, ala lingbi ti dekongo pepe. Ala yeke lango na sese, ala yeke baa li ti ala; ala ye gi ti lango.

Matthieu 24:12

Ndali ti sioni so ayeke wu gi wungo, fade ndoye ti azo mingi ayeke kiri na peko.

Matthieu 25:26

Makonzi ni akiri tënë na lo: ‘Sioni zo ti kua, mo yeke zo ti sopo! Mo hinga, mo tene, mbi yeke ko ale ti kobe na ndo so mbi lu kobe daa pepe si mbi yeke bongbi ale ti kobe na ndo so mbi tuku ale ti kobe daa pepe.

Awatokua 18:25

Andaa a fa na lo tënë na ndö ti lege ti *Kota Gbia kozoni awe. Fadeso, lo yeke fa tënë si lo yeke fa ye na ndö ti Jésus na legeni nga na kota ngia na be ti lo, me lo hinga gi tënë ti bateme ti Jean.

Awatokua 20:19

Mbi sara kua ti *Kota Gbia na be ti molenge, na ngu ti le, na ya ti apasi so kue mbi baa, ngbanga ti so azuife aleke tënë ti sara sioni na mbi.

1 Korente 7:22

Biani, zo so ayeke ngbaa si Kota Gbia airi lo, andaa Kota Gbia azi lo na gbe ti ngbaa ni awe. Zo so ayeke ngbaa pepe si Kota Gbia airi lo, lo ga ngbaa ti Christ awe.

Efeze 4:28

Zo so lani ayeke zo ti nzi, lo kiri lo nzi pepe; me ayeke nzoni lo mu tere ti lo ti sara kua na maboko ti lo wani na legeni si lo wara ye ti mu maboko na azo ti mawa.

Kolose 4:1

Ala awa ti angbaa, ala sara na angbaa ti ala ye so ayeke mbirimbiri na ye so ayeke na legeni. Ayeke nzoni ala hinga atene, ala nga, ala yeke na wa ti ala na yayu.

1 Timothée 5:13

Gi so oko pepe: ala yeke duti gi senge senge tongaso si ala mu gi kua ti fonongo na ya ti ada oko oko; na ndö ni, ala kiri ayeke diko atënë mingi mingi si ala yeke yoro yanga ti ala na ya ti tënë ti azo, ala yeke tene atënë ti kirikiri mingi.

Ahebro 12:28

Ndali ti so e wara lege ti li na *Kodro-gbia ti Nzapa, kodro so ayeke yingi pepe, ayeke nzoni e mu singila na lo na lege ti sarango kua so anzere na be ti lo, e ma yanga ti lo si e kpe mbeto ti lo.

Jacques 5:16

Ala fa siokpari ti ala na gigi na amba ti ala, ala sambela ndali ti amba ti ala si kobela ti ala akai. Sambela ti zo ti mbirimbiri ayeke na ngangu mingi ti sara ye.

1 Pierre 1:22

So ala yeda ti sara ye alingbi na taa-tënë, ala sukula be ti ala awe ti ye a-ita ti ala na be oko. Ala ye tere na popo ti ala na vurungo be, ala zia lege ni pepe.

1 Pierre 4:8

Kozoni kue, ala ye tere na popo ti ala na be ti ala kue, ngbanga ti so ndoye ayeke zi asiokpari mingi.

Aye so Nzapa afa 2:4

Me ye so mbi ke na mo ayeke so: mo ye mbi tongana ti kozoni pepe.