Rome 11:6 - Mbeti ti Nzapa - Tënë so amu fini

⁶ Nzapa asoro azo na lege ti nzoni be ti lo, lo soro ala ndali ti sarango ye ti ala pepe. Tongaso pepe, ka nzoni be ti Nzapa angba nzoni be mbeni pepe.

Rome 11:6 ပူးပေါင်းရင်းမြစ်များ

Nzoni Tënë so Luc asu na mbeti 6:13

So ndo ahan awe, lo iri adisiple ti lo si lo soro ambeni baleoko na use, lo di iri ti ala *awatokua.

1 Korente 15:10

Me ndali ti nzoni be ti Nzapa, mbi ga zo so ala yeke baa lo laso so; nzoni be so Nzapa asara na mbi, peko ni angba senge pepe. Mbi sara kua ahon atanga ti awatokua kue, andaa mbi laa mbi sara kua ni pepe, me Nzapa so ayeke na mbi laa asara kua ni na lege ti nzoni be ti lo.

Galasii 2:21

Mbi ye titene ye so Nzapa amu na e na nzoni be aga senge ye pepe. Tongana mbeni zo aga mbirimbiri na le ti Nzapa na lege ti Ndia, andaa Christ akui gi senge senge!

Galasii 5:4

Ala azo so kue ayeke gi ti ga mbirimbiri na le ti Nzapa na lege ti Ndia, ala kangbi na Christ awe; lege ti nzoni be ti Nzapa akanga na ala awe.

2 Timothée 1:9

Nzapa asoo e na kuâ, lo iri e ti ga azo so lo zia e nde ndali ti lo si e yeke nzoni kue. Mbeni ye ti nzoni so e sara titene lo soo e si lo iri e ndali ni ayeke daa pepe, me lo sara ni ndali ti so lo leke na be ti lo wani awe na lege ti nzoni be ti lo. Kozoni titene aye kue abaa gigi, Nzapa aleke na be ti lo ti sara nzoni be na e na lege ti Jésus Christ.

Tite 3:5

lo soo e na kuâ. Mbeni ye ti nzoni so e wani, e sara na lege ti mbirimbiri ti e titene lo soo e ndali ni ayeke daa pepe, me lo soo e, ngbanga ti so lo baa mawa ti e. Lo soo e, lo sukula e na lege ti Yingo-Vuru so asara si e ga fini zo si e wara fini kode ti dutingo ni.