Rome 11:4 - Mbeti ti Nzapa - Tënë so amu fini

⁴ Me tënë ti nyen laa Nzapa akiri na ni na lo? Nzapa atene: “Azo saki mbarambara ayeke daa, mbi bata ala ndali ti mbi wani, ala yeke azo so ake ti kuku na gbe ti nzapa *Baal.”

Rome 11:4 ပူးပေါင်းရင်းမြစ်များ

1 Agbia 16:31

Titene lo sara gi amara ti siokpari so Yeroboam, molenge ti Nebat asara, so alingbi na lo pepe. Na ndö ni, lo mu Yezabel ti ga wali ti lo; Yezabel ayeke molenge ti Etbaal, gbia ti azo ti mara ti Sidon. Akab ague ti sara na nzapa *Baal si lo kuku na gbe ti nzapa ni ti voro lo.

1 Agbia 19:10

Élie akiri tënë: “KOTA GBIA Nzapa, mo so ngangu ti mo ahon angangu kue, tënë ti mo agbu be ti mbi mingi. Me azo ti Israel azia lege ti *mbuki ti mo awe, ala kungbi na sese agbalaka ti mo si ala fâ awayanga ti mo. Mbi ngba gi mbi oko si azo ayeke gi lege ti fâ mbi.”

1 Agbia 19:18

Me fade mbi yeke bata azo saki mbarambara na Israel; azo ni ayeke azo so kue akuku na gbe ti nzapa *Baal pepe, ala su gere ti lo pepe.”

Ésaïe 4:3

Tongaso, azo so ayeke ngba na Jérusalem na tanga ti azo so angba na fini na *Sion, fade a yeke mu na ala mbeni iri so atene: “Azo so a zia ala nde ndali ti KOTA GBIA”; so ti tene azo so kue KOTA GBIA asu iri ti ala na ya ti mbeti ti lo titene ala duti na fini na Jérusalem.

Jérémie 19:5

Ala leke mbeni ndo na li ti hoto ndali ti *Baal. Kâ, ala yeke gbi amolenge ti ala na wâ ti mu na *sandaga. Andaa, so ayeke mbeni ye so mbi mu yanga laoko pepe titene ala sara ni, mbi tene tënë tongaso oko pepe, mbeni tënë tongaso aga na li ti mbi laoko pepe.

Osée 13:1

Tongana Efraim ayeke tene lani tënë, tënë ti lo ayeke zia mbeto mingi na be ti azo na Israel. Me na lege ti vorongo nzapa *Baal, tënë ati na ndö ti lo si lo kui.

Osée 2:8

“Ndani laa mbi KOTA GBIA, mbi yeke kanga lege ti lo na akamba ti ki, mbi yeke sara mbeni gbagba ti kanga na lege ni; fade lo yeke kiri ti wara lege ti lo ti hon daa pepe.

Sofonii 1:4

“Fade mbi yeke yoro maboko ti mbi ti pika azo ti Juda nga na azo so kue alango na Jérusalem. Mbi yeke sara si aye so azo ayeke voro na *Baal angba na ya ti kodro ni oko pepe; ataa awayango-sandaga so ayeke sara kua na lo, azo ayeke girisa iri ti ala.

Wungo ti azo 25:3

Azo ti Israel asara na nzapa *Baal ti Peor. Nilaa ngonzo ti *KOTA GBIA alondo na tere ti ala tongana wâ.

Ndia ti fani use ni 4:3

Ala wani abaa na le ti ala ye so KOTA GBIA asara ndali ti vorongo *Baal ti Peor: azo so kue na popo ti ala amu peko ti nzapa nde so, KOTA GBIA afâ ala kue.

Awafango-ngbanga 2:13

Ala do KOTA GBIA azia, ala voro anzapa Baal na *Astarte.