Rome 11:36 - Mbeti ti Nzapa - Tënë so amu fini

³⁶ Biani, ye kue alondo na Nzapa, ye kue ayeke duti na lege ti lo, ye kue ayeke ndali ti lo. Gonda ayeke ti lo kpu na kpu! Amen.

Rome 11:36 ပူးပေါင်းရင်းမြစ်များ

Abia (Psaumes) 115:1

*KOTA GBIA, e pepe; e laa e lingbi na gonda pepe, me gonda ni alingbi na mo, ndali ti nzoni be ti mo nga ndali ti batango tënë ti yanga ti mo so mo yeke bata.

Abia (Psaumes) 33:6

Na lege ti tënë ti lo, KOTA GBIA asara yayu; na lege ti pupu ti yanga ti lo, lo sara aye so kue ayeke na le ti nduzu.

Amato 16:4

Ye so kue KOTA GBIA asara, nda ni ayeke daa. Ataa zo ti sioni, lo sara lo ti ku na lango ti ye ti sioni.

Ésaïe 42:12

Ayeke nzoni azo agonda KOTA GBIA; azo ti azoa, ala he bia na kota go ti sepela lo!

Daniel 4:3

Nilaa mbi mu yanga titene a iri azo ti nganga so kue ayeke na Babilone, aga na ala na le ti mbi titene ala fa na mbi nda ti bango-li ni.

Daniel 4:34

Ndani laa, fadeso mbi Nabukodonosor, mbi sepela, mbi ya iri si mbi gonda gbia so ayeke na yayu! Aye so kue lo yeke sara ayeke na legeni; asarango ye ti lo kue ayeke mbirimbiri. Lo yeke na ngangu ti sara si azo ti baba aga akete zo.”

Matthieu 6:13

Sara si e ti na ya ti ye ti tarango be pepe, me mo zi e na maboko ti Sioni wato. [Mo yeke Gbia, mo yeke na ngangu si gonda ayeke ti mo kpu na kpu! Amen.’]

Nzoni Tënë so Luc asu na mbeti 19:38

Ala tene: “Ayeke nzoni Nzapa asara tufa na ndö ti gbia so aga na iri ti Kota Gbia! Siriri aduti na yayu kâ si a gonda Nzapa so ayeke na yayu kâ na ndö ti aye kue!”

Nzoni Tënë so Luc asu na mbeti 2:14

“E gonda Nzapa so ayeke na yayu kâ na ndö ti aye kue, siriri na ndö ti sese na popo ti azo so lo ye ala!”

Awatokua 17:28

Biani, ‘Na lege ti lo laa e yeke na fini, e yeke tambula si e yeke daa.’ “Ambeni zo ti ala so ayeke azo ti sungo mbeti na kode, atene: ‘E nga, e yeke amolenge ti lo.’

Rome 16:27

Nzapa oko laa ayeke na ndara. Gonda ayeke ti lo kpu na kpu na lege ti Jésus Christ! Amen.

1 Korente 11:12

Biani, Nzapa amu mbage ti tere ti koli si lo sara na wali, me wali laa ayeke du koli. Ye kue alondo na Nzapa.

1 Korente 8:6

Ti e, Nzapa ayeke gi oko, lo yeke Babâ so ye kue alondo na lo si e yeke na fini ndali ti lo. E yeke nga gi na *Kota Gbia oko, Jésus Christ so na lege ti lo, ye kue abaa gigi si e yeke na fini na lege ti lo.

Galasii 1:5

Gonda ayeke ti lo kpu na kpu! Amen.

Efeze 3:21

Ayeke nzoni azo so aga oko na Jésus Christ agonda lo na ya ti *Eglize; azo ti ngoi kue agonda lo kpu na kpu! Amen.

Filipe 4:20

E gonda Nzapa Babâ ti e kpu na kpu! Amen.

1 Timothée 1:17

Ayeke nzoni azo ane Kota Gbia, ala gonda lo lakue lakue, lo yeke oko Nzapa, zo abaa lo pepe, lo yeke na fini lakue lakue, lo yeke Kota Gbia kpu na kpu! Amen.

1 Timothée 6:16

Lo yeke gi oko Nzapa so ayeke na fini lakue lakue, lo yeke duti na ndo so aza zango, zo alingbi ti si na ndo ni so pepe. Mbeni zo ade ti baa lo pepe, zo alingbi ti baa nga lo pepe. Gonda na ngangu so ayeke ngba kpu na kpu ayeke ti lo! Amen.

2 Timothée 4:18

Fade Kota Gbia ayeke zi mbi na ya ti ye ti sioni so kue azo aleke ti sara na mbi, fade lo yeke soo mbi na kuâ si lo yeke gue na mbi na yayu, kodro-gbia ti lo. Gonda ayeke ti lo kpu na kpu! Amen.

Ahebro 13:21

Ayeke nzoni Nzapa asara si ala ga azo so alingbi ti sara ye so kue ayeke nzoni nga na ye so be ti lo aye! Ayeke nzoni, na lege ti Jésus Christ, Nzapa asara si e sara ye so anzere na be ti lo! Gonda ayeke ti lo kpu na kpu! Amen.

Ahebro 2:10

Nzapa asara ye kue, ye kue ayeke ndali ti lo. Lo ye ti mu azo mingi ti li na ala na ya ti gonda ti lo. Biani, alingbi fade lo sara titene Jésus aga nzoni kue na lege ti pasi so lo baa. Andaa Jésus ayeke mu lege na azo titene ala soo kuâ.

1 Pierre 4:11

Tongana mbeni zo ayeke fa tënë, alingbi lo fa gi tënë ti Nzapa. Tongana mbeni zo ayeke sara kua ndali ti amba ti lo, alingbi lo sara ni na ngangu so Nzapa amu na lo, tongaso si na ya ti aye kue, azo agonda Nzapa na lege ti Jésus Christ. Gonda na ngangu ayeke ti Nzapa, kpu na kpu! Amen.

1 Pierre 5:11

Komandema ayeke ti lo kpu na kpu! Amen.

2 Pierre 3:18

Me alingbi nzoni be ti Kota Gbia Jésus Christ, Wasongo e angba ti mai na be ti ala si ala ngba ti mai na lege ti hingango lo. Gonda ayeke ti lo fadeso si angba ti lo kpu na kpu! Amen.

Jude 1:25

Lo oko laa lo yeke Nzapa, Wasongo e na lege ti Jésus Christ, *Kota Gbia ti e. Gonda, kota ndo, ngangu nga na komandema ayeke ti lo, ando ngu na ngu, fadeso ngbii gbanda kpu na kpu! Amen.

Aye so Nzapa afa 19:1

Na pekoni, mbi ma mbeni kota go tongana ti gba ti azo na yayu; ala tene: “Aleluya! Nzapa ayeke Wasongo e! Gonda na ngangu ayeke ti lo!

Aye so Nzapa afa 21:6

Lo kiri lo tene na mbi: “Awe! Mbi yeke *Alfa na *Omega, mbi yeke tongo nda ti aye kue si mbi yeke nga kongo nda ti aye kue. Zo so nzara ti ngu asara lo, fade mbi yeke mu na lo ngu senge senge, ngu ti li ti ngu so ayeke mu fini na zo.

Aye so Nzapa afa 7:10

Ala yeke dekongo ngangu, atene: “Nzapa ti e so aduti na ndö ti mbata ti gbia, lo na Molenge ti Taba, ala laa asoo e!”

Aye so Nzapa afa 7:12

Ala tene: “Amen! Sepelango, gonda, ndara, singila, nengo, komandema na ngangu ayeke ti Nzapa ti e, kpu na kpu! Amen.”