Rome 11:25 - Mbeti ti Nzapa - Tënë so amu fini

²⁵ A-ita, mbi ye titene ala hinga taa-tënë so a sigigi na nda ni awe, tongaso si ala baa tere ti ala tongana azo ti ndara pepe. Tënë ni ayeke so: fade ambeni zo ti Israel ayeke ngba ti sara ngangu li ngbii asi na ndembe so wungo ti azo ti amara nde alingbi, so ti tene ala so ayeke li na popo ti azo ti Nzapa.

Rome 11:25 ပူးပေါင်းရင်းမြစ်များ

Abia (Psaumes) 107:43

Zo so ayeke na ndara, fade lo yeke gbu li ti lo na ndö ti aye ni si lo yeke hinga lo tene, KOTA GBIA ayeke sara nzoni be.

Abia (Psaumes) 127:1

A yeke he bia so na ndembe ti guengo ni na Jérusalem. Bia ti Salomon. Tongana *KOTA GBIA asara da pepe, azo ti sarango da ni ayeke baa pasi senge senge. Tongana KOTA GBIA abata gbata pepe, zo ti batango gbata ni ayeke sara sanziri senge senge.

Abia (Psaumes) 22:27

Fade mbi yeke tisa azo so ye atia ala: ala yeke te ye, ya ti ala asi. Azo so ayeke gi KOTA GBIA, ayeke nzoni ala gonda lo, ala te gigi aninga, ala duti nzoni na ndö ti gigi ni!

Abia (Psaumes) 72:17

Ayeke nzoni iri ti gbia ni angba lakue lakue, ague na nduzu na ngoi so kue lâ angba ti su. Ayeke nzoni azo asara tufa na ndö ti amba ti ala na iri ti lo si azo ti amara kue atene: “Ti lo nzoni!”

Amato 26:12

Tongana mo baa mbeni zo so abaa tere ti lo wani tongana zo ti ndara, ye so mo lingbi ti hinga ayeke so: nzoni ye so mo lingbi ti ku na mbage ti zo ti buba ayeke mingi ahon ti zo tongaso.

Amato 26:16

Zo ti sopo abaa tere ti lo wani tongana zo ti ndara; lo baa ti lo atene, lo hon azo mbarambara so ahinga ndo si ala lingbi ti kiri tënë na legeni.

Ésaïe 5:21

Mawa na ala, azo so abaa tere ti ala tongana azo ti ndara, azo so abaa tere ti ala tongana azo ti hingango ndo!

Osée 14:9

Efraim, nyen laa ayeke kiri ti bongbi mbi na anzapa nde nyen? Mbi laa mbi yeke ma sambela ti mo si mbi yeke baa ndo na ndö ti mo. Mbi, mbi yeke tongana keke ti sipre so akugbe ni angba lakue fini ni. Mbi laa mbi yeke sara titene ale ti kobe ti mo adu.”

Matthieu 13:11

Lo kiri tënë na ala: “Ti ala, Nzapa amu na ala lege ti hinga nda ti tënë ti *Kodro-gbia ti yayu so angba na hondengo ni, me ti azo ni, Nzapa amu na ala lege ti hinga ni oko pepe.

Nzoni Tënë so Luc asu na mbeti 21:24

Fade a yeke fâ azo ni na yongoro zeme, a yeke gbu ala ti gue na ala na ya ti akodro kue. Amara kue ayeke buba gbata ti Jérusalem kue ngbii ngoi ti ala ahunzi si.”

Jean 10:16

Ambeni taba ti mbi ayeke na ya ti gbagba ti ataba so pepe. Alingbi mbi fa na ala lege; fade ala yeke ma go ti mbi si ala kue aga bongbi oko ti ataba na wabatango-taba oko.

Rome 1:13

A-ita, mbi ye si ala hinga so fani mingi, mbi leke be ti mbi ti gue ti baa ala, me lege akanga na mbi ngbii asi laso. Mbi yeke na nzara ti si kâ titene mbi sara kua si mbi wara lengo ni tongana ti so mbi wara na popo ti azo ti amara nde.

Rome 11:12

Ndali ti so azuife ake ti ma yanga ti Nzapa, azo ti dunia awara anzoni ye mingi; na lege ti tingo ti ala, azo ti amara nde awara nga anzoni ye mingi. Tongana azuife kue akiri ande ti soo kuâ, fade anzoni ye ni ayeke kiri ti hon ndoni pepe?

Rome 11:24

Mo, mo yeke tongana maboko ti keke ti olive ti ngonda so Nzapa afâ si agerefe ni na ndö ti keke ti olive ti yaka, ataa so lege ti sarango ni laa pepe. Ti azuife, ala yeke tongana amaboko ti keke ti olive ti yaka. Tongaso, fade Nzapa ayeke kiri ti gerefe ala nzoni mingi na ndö ti keke so ala sigigi lani daa!

Rome 12:16

Ala ma tere na popo ti ala. Ala gi kota ndo pepe, me ala yeda ti sara asenge kua. Ala baa tere ti ala tongana azo ti ndara pepe.

Rome 16:25

Ayeke nzoni e gonda Nzapa! Lo yeke na ngangu ti sara si ala kpengba na lege ti mabe so alingbi gi na Nzoni Tënë ti Jésus Christ so mbi yeke fa. Nzoni Tënë ni ayeke tënë so Nzapa ahonde ando ngu na ngu si lo fa ni na e fadeso.

Rome 9:18

Tongaso, Nzapa ayeke baa mawa ti zo so lo ye ti baa mawa ti lo, zo so lo ye ti sara si be ti lo akpengba, lo yeke sara ni.

1 Korente 10:1

A-ita, mbi ye ti dabe ti ala na ye so asi ando na akotara ti e: ala kue atambula na gbe ti mbinda, ala kue ahon na ya ti kota ngu-ingo na gere.

1 Korente 12:1

A-ita, tënë na ndö ti amatabisi ti Yingo-Vuru, mbi ye si ala hinga ni nzoni.

1 Korente 2:7

Mbi yeke fa tënë ti ndara ti Nzapa so zo ahinga ni pepe, so lo honde ni na azo. Nzapa aleke tënë ti ndara ni kozo si dunia abaa gigi, ti sara si e wara gonda daa.

1 Korente 4:1

Ayeke nzoni ala baa e tongana azo ti kua ti Christ, awabatango taa-tënë ti Nzapa so angba na hondengo ni.

Efeze 1:9

Ye so lo leke na be ti lo si angba na hondengo ni, lo sara si e hinga ni: so ti tene, ye so lo leke kozoni na lege ti nzoni be ti lo ti sara ni na lege ti Christ.

Efeze 3:9

Lo mu nga na mbi lege ti fa polele na azo kue lege so Nzapa ayeke sara titene aye so lo leke na hondengo ni ayeke si ande. Aye ni so, Nzapa so asara ye kue, lo honde tënë ni na be ti lo na ngoi kue.

Efeze 4:18

Hingango ndo ti ala ayeke na ya ti vukongo ndo; fini so Nzapa ayeke mu na zo, ala wara ni pepe, ngbanga ti so be ti ala akpengba si ala hinga ndo pepe.

2 Pierre 3:8

A-ita ti mbi so mbi ye ala mingi, mbeni tënë ayeke daa so alingbi ala girisa ni pepe: na le ti Kota Gbia, lango oko ayeke tongana ngu saki oko si ngu saki oko ayeke tongana lango oko.

Aye so Nzapa afa 1:20

Atongoro mbarambara so mo baa na maboko ti mbi ti koli si nda ni angba na hondengo ni so, na agere ti lamba mbarambara so a sara ni na lôro so, nda ni ayeke tongaso: atongoro mbarambara so ayeke *a-ange ti a-Eglize mbarambara ni; agere ti lamba mbarambara so ayeke a-Eglize mbarambara ni.”

Aye so Nzapa afa 10:7

Me na ndembe so mbarambara ange ni ayeke huru tatalita ti lo, fade Nzapa ayeke sara aye so lo leke na hondengo ni ando. Lo yeke sara ye ni alingbi gi na tënë so lo tene na azo ti kua ti lo, awayanga-Nzapa.”

Aye so Nzapa afa 11:15

Mbarambara *ange ni ahuru tatalita ti lo. Mbi ma akota go so alondo na yayu, atene: “Fadeso lengo-gbia ayeke ti *Kota Gbia ti e, lo na *Mesii ti lo; fade lo yeke le-gbia kpu na kpu!”

Aye so Nzapa afa 7:9

Na pekoni, mbi kiri mbi baa azo gbani gbani, zo alingbi ti diko wungo ti ala pepe. Azo ni ayeke azo ti amara kue, azo ti akete mara kue, azo ti ayanga ti akodro nde nde kue. Ala yeke luti na le ti lo so ayeke duti na ndö ti mbata ti gbia nga na le ti Molenge ti Taba; ala kue ayu ayongoro vuru bongo si ala gbu amaboko ti keke ti mburu na maboko ti ala.