Rome 11:22 - Mbeti ti Nzapa - Tënë so amu fini

²² Baa, Nzapa ayeke Nzapa ti nzoni be, lo yeke nga Nzapa so fango ngbanga ti lo aso mingi. Fango ngbanga ti lo aso na tere ti azo so ati, me lo yeke sara nzoni be na mo. Alingbi mo ngba ti duti na ya ti nzoni be ti lo, tongaso pepe, fade a yeke zi nga mo tongana ti so a zi maboko ti keke so.

Rome 11:22 ပူးပေါင်းရင်းမြစ်များ

Abia (Psaumes) 31:19

Ayeke nzoni ala ga abuburu, azo ti tenengo mvene so. Ala yeke tene atënë ti baba, ala yeke zonga zo ti mbirimbiri si ala yeke baa lo tongana mbumbuse zo.

Ésaïe 66:14

Tongana ala baa ande ye ni, fade be ti ala ayeke duti na ngia, tere ti ala ayeke kiri ti wara ngangu tongana fini pere na peko ti ngu-Nzapa.” Fade KOTA GBIA ayeke sara ye na ngangu ndali ti azo ti kua ti lo, me lo yeke fa ngonzo ti lo na awato ti lo.

Ezekiel 18:24

Me ti zo ti mbirimbiri so azia lege ti sarango ye ti mbirimbiri ti lo, tongana lo to nda ti sara asioni ye so zo alingbi ti baa na le ti lo fani use pepe tongana ti azo ti sioni, ala baa ti ala atene, fade lo yeke ngba na fini? Aye ti mbirimbiri so kue lo sara, a yeke kiri ti dabe na ni pepe. Fade lo yeke kui ndali ti asioni ye ti lo nga ndali ti asiokpari so lo sara.

Ezekiel 3:20

Tongana mbeni zo ti mbirimbiri azia sarango ye ti mbirimbiri si lo kiri ti sara ye ti kirikiri, fade mbi yeke zia kuku na dawa ti lo titene lo ti daa si lo yeke kui. Tongana mo gboto mê ti lo pepe, fade lo yeke kui ndali ti siokpari ti lo. Aye ti mbirimbiri so lo sara kozoni, fade a yeke dabe na ni mbeni pepe. Me mo laa, mbi yeke hunda mene ti lo na maboko ti mo.

Nzoni Tënë so Luc asu na mbeti 8:15

Ambeni zo ayeke tongana nzoni sese so ale ti kobe atuku daa; ala ma tënë ni na be so ayeke mbirimbiri si ayeke nzoni. Ala bata tënë ni si ala kanga be ti ala ti le lakue.”

Jean 15:2

Maboko ti keke so kue ayeke na ndö ti mbi si ale pepe, Babâ ayeke fâ ni azi; maboko ti keke so ale, lo yeke zi *aguruma ni titene akiri ale mingi.

Jean 8:31

Jésus atene na azuife so ama na be na lo, atene: “Tongana ala bata tënë ti mbi, andaa ala yeke adisiple ti mbi biani.

Awatokua 11:23

So lo si, lo baa lege so Nzapa asara nzoni be na azo ni. Be ti lo asi na ngia si lo mu wango na ala titene ala kue angba ti mu peko ti Kota Gbia lakue.

Awatokua 14:22

Na ya ti agbata ni, ala mu ngangu na be ti adisiple, ala mu na ala wango titene ala ngba lakue na lege ti mabe, ala tene nga na azo ni, atene: “Alingbi e baa pasi mingi ti li na *Kodro-gbia ti Nzapa.”

Rome 11:21

Biani, so Nzapa afâ taa amaboko ti keke ni so, mo laa Nzapa ayeke bata ande mo?

Rome 2:7

Azo so amu be ti ala kue ti gi ti sara nzoni ye, ala yeke gi titene Nzapa agonda ala, lo ne ala si lo mu na ala fini so angba lakue lakue, fade Nzapa ayeke mu lege na ala ti duti na fini kpu na kpu.

1 Korente 15:2

Tongana ala bata Nzoni Tënë ni tongana ti so mbi fa na ala, fade ala yeke soo kuâ gi na lege ni. Tongana ala bata ni na legeni pepe, andaa mabe ti ala ayeke senge senge.

Galasii 6:9

Be ti e awoko pepe na sarango nzoni ye, ndali ti so tongana ndembe ni alingbi si e ngba na lege ni, fade e yeke ko lengo ni.

1 Tesalonike 3:5

Ndani laa, so mbi lingbi ti kanga be ti mbi ti ku ngbii pepe, mbi tokua Timothée titene lo gue, lo hinga tënë na ndö ti mabe ti ala. Mbeto agbu mbi si mbi hunda tere ti mbi, mbi tene: wala Zabolo ahanda ala si akua so kue e sara so aga gi senge senge?

1 Tesalonike 3:8

Fadeso tere ti e akiri ayapu, ngbanga ti so ala ngba ti gbu ngangu na lege so ala ga oko na *Kota Gbia.

Ahebro 10:23

Ye so e zia be ti e ti ku si e ngba ti tene tënë ni polele na le ti azo, ayeke nzoni be ti e awoko daa pepe, ngbanga ti so Nzapa ayeke bata tënë ti yanga ti lo si ye so lo mu zendo ti mungo ni, lo yeke mu ni.

Ahebro 3:14

Fadeso, e na Christ e yeke sara kua legeoko gi tongana kozo ye so e zia be ti e daa, e gbu ni ngangu ngbii asi na ndani.

Ahebro 3:6

Ti Christ, lo sara kua ni na legeni tongana Molenge ti Nzapa, lo yeke na komandema na ndö ti da ti Babâ ti lo. E laa e yeke da ni tongana e ngba ti zia be ti e na ndö ti ye so e yeke ku ni si e gonda tere ti e daa.

1 Jean 2:19

Azo ni so ayeke azo ti e pepe, nilaa ala londo na popo ti e si ahon. Tongana azo ni ayeke fade azo ti e, ka ala ngba na popo ti e. Me ala zia e ahon ti fa polele na le ti azo atene, mbeni zo oko na popo ti ala ayeke zo ti e pepe.

Aye so Nzapa afa 2:5

Dabe ti mo na ndo so mo londo daa si mo ti! Zia lege ti sarango ye so mo yeke sara fadeso, kiri mo sara ye so mo sara kozoni. Tongana mo ngba na sioni lege so, fade mbi yeke ga ti zi gere ti alamba ti mo na ndo so ayeke daa.