Rome 11:20 - Mbeti ti Nzapa - Tënë so amu fini

²⁰ Tënë ni laa. Me a fâ amaboko ti keke ni, ngbanga ti so ala ma na be pepe. Ti mo, mo ngba na tere ti keke ni, ngbanga ti so mo ma na be. Tongaso, mo pika kate ti mo pepe, me mo sara gi hange.

Rome 11:20 ပူးပေါင်းရင်းမြစ်များ

2 Mbai 20:20

Na kota ndaperere, azo kue alondo ti gue na benyama ti Tekoa. Na guengo ti ala, Yosafat aluti na nduzu si lo tene na ala: “Azo ti Jérusalem na azo ti Juda, ala ma mbi si! Ayeke nzoni ala zia be ti ala na ndö ti KOTA GBIA, Nzapa ti ala si fade ala yeke wara ngangu. Ala zia be ti ala na ndö ti azo ti tenengo peko ti yanga ti lo si fade ala yeke so benda.”

Abia (Psaumes) 138:6

Ataa so KOTA GBIA ayeke na nduzu kâ, lo yeke baa azo so asara tere ti ala kete, lo hinga zo ti baba, ataa so lo ngba yongoro kâ.

Amato 28:14

Ti lo nzoni, zo so akpe lakue mbeto ti sarango sioni ye! Me zo so akpengba be ti lo, fade lo yeke ti na ya ti kpale.

Amato 28:26

Zo so ayeke zia be ti lo na ndö ti gbungo-li ti lo wani, lo yeke zo ti buba; me zo so ayeke sara ye na lege ti ndara, fade lo yeke sigigi na ya ti kuâ.

Ésaïe 2:11

Fade kamene ayeke gbu le ti zo ti baba, a yeke zia zo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Ésaïe 2:17

Fade kamene ayeke gbu azo ti baba; a yeke kiri na azo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Ésaïe 66:2

Aye so kue, maboko ti mbi laa asara ni si abaa gigi, so tënë ti yanga ti mbi KOTA GBIA laa. Me zo ti mawa so be ti lo awoko, lo so lo ma tënë ti mbi si tere ti lo ayeke do, zo tongaso laa mbi yeke baa lo na nzoni le.

Ésaïe 7:9

Samarii ayeke li-kodro ti Efraim, Peka ayeke gbia gi na Samarii. Tongana ala ma na be pepe, fade ala yeke gbu le ni pepe.”

Habakuk 2:4

Su tënë ni tongaso: ‘Zo so baba ahon ndö ti lo, fade lo yeke kui; me fade zo ti mbirimbiri ayeke na fini na lege ti batango tënë ti yanga ti Nzapa.’

Sofonii 3:11

“Na lango ni so, ala azo ti mbi, asioni ye so kue ala sara, aye so ala sara ti ke mbi, fade kamene ni ayeke kiri ti sara ala pepe. Biani, na lango ni so, azo ti kirikiri so baba ahon ndö ti ala, mbi yeke zi ala na popo ti ala, azo ti mbi. Tongaso si ala zia lege ti sarango kuru baba na ndö ti hoto ti mbi so ayeke nde si ayeke nzoni kue.

Nzoni Tënë so Luc asu na mbeti 18:14

Mbi tene na ala: so lo ga ti kiri na da ti lo, lo ga mbirimbiri na le ti Nzapa awe, me farizien ni pepe. Biani, zo so asara tere ti lo tongana kota zo, fade a yeke sara si lo ga kete zo; zo so asara tere ti lo tongana kete zo, fade a yeke sara si lo ga kota zo.”

Awatokua 18:6

Me so ala ke tënë ni si ala zonga lo, lo pika sese ti tere ti bongo ti lo na ala si lo tene: “Ayeke nzoni mene ti ala angba na li ti ala wani; ngbanga ti mbi ayeke daa pepe. Fadeso, mbi yeke gue na mbage ti azo ti amara nde.”

Rome 11:18

Ndani laa, mo pika kate ti mo pepe, mo tene, mo laa mo hon amaboko ti keke so a fâ ni so. Mo ye ti gonda tere ti mo? Mo laa mo yo gunda ti keke ni pepe, me gunda ti keke ni laa ayo mo!

Rome 11:21

Biani, so Nzapa afâ taa amaboko ti keke ni so, mo laa Nzapa ayeke bata ande mo?

Rome 12:16

Ala ma tere na popo ti ala. Ala gi kota ndo pepe, me ala yeda ti sara asenge kua. Ala baa tere ti ala tongana azo ti ndara pepe.

Rome 12:3

Nzapa asara nzoni be na mbi. Ndani laa mbi tene na ala oko oko kue, mbi tene: ala baa tere ti ala wani tongana akota zo pepe; me ala baa tere ti ala tongana asenge zo, alingbi na mabe so Nzapa amu na zo oko oko.

Rome 3:3

Nyen? So ambeni zuife ake ti bata tënë ti yanga ti lo so, so laa akanga lege na Nzapa ti bata tënë ti yanga ti lo?

1 Korente 10:12

Tongaso, zo so abaa atene, lo yeke luti na nduzu, lo sara hange si lo ti pepe.

1 Korente 15:1

A-ita, mbi yeke kiri ti dabe ti ala na ndö ti Nzoni Tënë so mbi fa na ala, ala yamba ni si be ti ala ayeke gi na ndö ni so.

1 Korente 16:13

Le ti ala akpengba, ala gbu ngangu na lege ti mabe, ala duti tongana akoli, ala kpengba!

2 Korente 1:24

E ye ti duti makonzi na ndö ti mabe ti ala pepe, ngbanga ti so ala kpengba na lege ti mabe awe, me e ye ti sara kua maboko na maboko titene ala duti na ngia.

2 Korente 10:5

E yeke buba nga aye so kue azo ti baba ayeke mu ti kanga lege na amba ti ala ti hinga Nzapa. E yeke kanga lege na atënë ti be ti azo kue ti sara si atënë ti be ti ala aga ngbaa si ala ma yanga ti Christ.

Filipe 2:12

Tongaso, a-ita ti mbi so mbi ye ala mingi, ala so ayeke ma yanga ti Nzapa lakue so, ayeke nzoni ala ma yanga ti lo gi ndali ti le ti mbi pepe. Me so mbi yeke na tere ti ala pepe, fadeso ayeke kota ye mingi titene ala ngba ti ma yanga ti lo. Ala sara kua na mbeto, na dongo tere si ala soo kuâ.

Kolose 2:7

Tongana ti so gere ti keke ali na ya ti sese wala da aluti ngangu na ndö ti gere ni, ala luti ngangu na ndö ti Christ. Ala kpengba na lege ti mabe alingbi na ye so a fa na ala, ala mu singila mingi na Nzapa.

2 Tesalonike 2:4

Zo ti sioni so ayeke londo ti tiri bira na aye so kue azo ayeke baa ni tongana anzapa, na aye so kue azo ayeke voro ni. Lo yeke gue ande ngbii ti duti na ya ti kota da ti Nzapa si lo yeke tene, ni wani laa ni yeke Nzapa.

1 Timothée 6:17

Mo mu yanga na azo ti mosoro ti dunia so titene ala pika kate ti ala pepe. Amosoro so ayeke ninga pepe, ala zia be ti ala na ndö ni pepe, me ala zia be ti ala na ndö ti Nzapa. Lo laa lo yeke mu na e anzoni ye ahon ndoni si e wara lege ti duti nzoni.

Ahebro 3:12

A-ita, le ti ala akpengba! Mbeni zo oko na popo ti ala asara sioni be wala adekite pepe, tongaso si lo zia lege ti Nzapa pepe, lo so lo yeke na fini.

Ahebro 3:19

Tongaso, e baa so azo ni ali na kodro ni pepe, ngbanga ti so ala ma na be pepe.

Ahebro 4:11

Ndani laa, ayeke nzoni e sara ngangu ti li na ndo ti wungo tere so, tongaso si fade mbeni zo oko na popo ti e ati pepe na mungo tapande ti azo so asara ngangu li.

Ahebro 4:6

Akozo zo so ama ando Nzoni Tënë ni, ala li na ndo ti wungo tere ni so pepe, ngbanga ti so ala ke ti yeda na tënë ni. Me lege angba na zingo ni titene ambeni zo ali na ndo ti wungo tere ni.

Jacques 2:19

Mo ma na be so Nzapa ayeke gi oko? So nzoni. Asioni yingo nga ama na be so lo yeke gi oko si tere ti ala yeke do.

Jacques 4:6

Me Nzapa akiri asara na e nzoni be mingi ahon ti so. Biani, Mbeti ti Nzapa atene: “Nzapa ake tënë ti azo ti baba, me lo yeke sara nzoni be na azo so asara tere ti ala kete.”

1 Pierre 1:17

Nzapa ayeke fâ ngbanga na li ti zo alingbi na ye so lo sara, lo yeke mu mbage ti mbeni zo pepe. Tongaso, a-ita, tongana ala yeke sambela si ala iri Nzapa atene “Babâ”, ala duti na mbeto ti lo na ngoi so ala yeke na dunia so.

1 Pierre 5:12

Silas so mbi baa lo tongana ita so mbi lingbi ti zia be ti mbi na ndö ti lo, lo laa lo mu na mbi maboko ti su nduru mbeti so ti tokua ni na ala. Mbi tokua mbeti so na ala ti mu wango na ala, ti fa nga na ala ye so ayeke taa-tënë: taa nzoni be ti Nzapa laa ala ngba daa so.

1 Pierre 5:9

Ala do sese na lo, ala luti ngangu na lege ti mabe. Ala hinga atene, a-ita ti ala so ayeke na ndö ti dunia kue ayeke baa gi amara ti pasi so.

Aye so Nzapa afa 18:7

Ala sara pasi na lo, ala bi lo na ya ti aye ti vundu alingbi gi na gondango tere ti lo nga na kota nzara ti warango ye ti lo. Ala sara na lo aye ni so ndali ti so lo yeke tene na be ti lo, lo tene: ‘Mbi yeke gbia-wali, mbi so mbi duti ge so! Mbi yeke wali-mua pepe si mbi yeke sara mua laoko pepe.’

Aye so Nzapa afa 3:17

Mo yeke tene: ‘Mbi yeke zo ti mosoro, mbi wara mosoro mingi, mbeni ye atia mbi pepe.’ Andaa mo hinga pepe mo tene, mo yeke zo ti mawa, zo so ye ahon ndö ti lo, zo ti iringo ye, waziba na zo so bongo ayeke na tere ti lo pepe.