Rome 11:16 - Mbeti ti Nzapa - Tënë so amu fini

¹⁶ Tongana a zia akozo mapa nde ndali ti Nzapa, tanga ti mapa ni kue ayeke ti lo. Tongana zo amu gunda ti keke na Nzapa, amaboko ti keke ni kue ayeke nga ti lo.

Rome 11:16 ပူးပေါင်းရင်းမြစ်များ

Tongo nda ti aye 17:7

Mbi yeke sara titene mbuki so ayeke na popo ti mbi na mo so angba ngbii asi na amolenge ti mo nga na ahale ti mo, na lege ti molongo ti dungo ti ala oko oko. Mbuki ni ayeke ngba kpu na kpu si na lege ni, mbi yeke duti Nzapa ti mo nga na Nzapa ti ahale ti mo so ayeke ga na peko ti mo.

Sigingo 22:29

“Fade ala sara gi mara ti ye so na kozo molenge ti bagara ti ala nga na kozo molenge ti taba ti ala. Fade molenge ti nyama ni ayeke ngba na tere ti mama ti lo lango mbarambara; na lango miombe ni, ala mu lo na mbi.

Sigingo 23:16

Na pekoni, fade ala yeke sara matanga ti ale ti kobe na ndembe so ala yeke fâ akozo le ti kobe so ala lu na yaka. Na peko ti so, na hunzingo ti ngu, tongana ala hunzi fango ale ti kobe ni awe, fade ala yeke sara matanga ti bongbingo ale ti kobe ni.

Sigingo 23:19

Fade ala yeke ga na akozo le ti kobe ti yaka ti ala na ya ti da ti mbi KOTA GBIA, Nzapa ti ala. Alingbi ala to molenge ti ngasa na ya ti ngu ti me ti mama ti lo pepe.”

Amato 3:9

Mo ne KOTA GBIA na mungo na lo aye ti mo; mo mu na lo akozo le ti kobe ti mo.

Jérémie 2:21

Mbi lu mo ando tongana pendere keke ti vinye, tongana kete keke so apendere mingi. Ye ni asara tongana nyen laa mo kiri mo ga sioni vinye so zo ahinga li ti lo na ni pepe?

Ezekiel 44:30

Akozo pendere kobe ti ayaka ti ala, nga na anzoni ye so kue ala ya na Nzapa ayeke ga ye ti awayango-sandaga. Anzoni farini ti ala, fade ala yeke mu ni na awayango-sandaga. Tongaso si tufa aga na ya ti da ti ala.

Awayango-sandaga 23:10

Mo tene na azo ti Israel, mo tene: “Tongana ala si ande na ya ti kodro so mbi yeke mu na ala si ala yeke fâ ale ti kobe ti ala, fade ala yeke mu akozo gba ti le ti kobe ni, ala ga na ni na wayango-sandaga.

Rome 11:17

Azo ti Israel ayeke tongana keke ti olive ti yaka so a fâ ambeni maboko ni. Ti mo, mo yeke tongana maboko ti keke ti olive ti ngonda; a mu mo si a gerefe mo na popo ti amaboko so angba na ndö ti keke ti yaka ni. Fadeso mo lingbi nga ti baa nzoni legeoko na amaboko ti keke ti yaka ni ndali ti ngu so alondo na ya ti gunda ni.

Rome 8:23

Gi aye ti dunia oko pepe si ayeke dema: e so e wara Yingo tongana kozo nzoni ye so Nzapa amu na e, e nga, e yeke dema na ya ti be ti e ti ku titene Nzapa asara si e ga amolenge ti lo, so ti tene lo zi e na gbe ti ngbaa, e na tere ti e kue.

1 Korente 7:14

Biani, koli so ama na be pepe aga nduru na Nzapa na lege ti wali ti lo si wali so ama na be pepe aga nduru na Nzapa na lege ti koli ti lo. Tongana ye ni ayeke tongaso pepe, ka amolenge ti ala ayeke yongoro na Nzapa; andaa amolenge ni ayeke nduru na lo.

Ndia ti fani use ni 18:4

Fade ala, azo ti Israel, ala yeke mu nga na awayango-sandaga ni akozo le ti kobe ti ala: *ble, fini vin na mafuta; ala yeke mu nga na awayango-sandaga ni akozo kua ti tere ti ataba ti ala.

Ndia ti fani use ni 26:10

Ndani laa fadeso, mbi ga na KOTA GBIA akozo li ti kobe ti yaka so mbi lu na sese so lo mu na mbi.” Zo ni ayeke zia sakpa ti akobe so lo ga na ni so na dawa ti KOTA GBIA. Na pekoni, lo yeke kuku, lo kpo li ti lo na sese ti voro KOTA GBIA Nzapa ti ala, azo ti Israel.

Jacques 1:18

Tongana ti so be ti lo wani aye, lo mu na e fini na lege ti tënë ti lo so ayeke taa-tënë, tongaso si e ga tongana akozo zo ti lo na popo ti aye so kue lo sara.

Aye so Nzapa afa 14:4

Azo ni so abuba tere ti ala pepe na lege ti bongbingo na awali. Ala yeke mu peko ti Molenge ti Taba na ndo so kue lo yeke gue daa. Nzapa asoo ala na popo ti amba ti ala, azo si ala ga tongana akozo nzoni ye so a mu na lo nga na Molenge ti Taba.