Rome 10:7 - Mbeti ti Nzapa - Tënë so amu fini

⁷ Mo tene nga pepe, mo tene: ‘Zo wa laa ayeke li ande na gbe ti sese?’ Tongana mo tene tongaso, andaa mo ye ti mu Christ na popo ti akuâ ti sigigi na lo.”

Rome 10:7 ပူးပေါင်းရင်းမြစ်များ

Nzoni Tënë so Luc asu na mbeti 8:31

Asioni yingo ni avoro tere ti ala na Jésus titene lo mu yanga na ala pepe ti gue na ya ti *kota du so alinda mingi so.

Rome 4:25

Lo so a mu lo ndali ti siokpari ti e, Nzapa azingo lo na kuâ ti sara si e ga azo ti mbirimbiri.

Ahebro 13:20

Nzapa so ayeke mu siriri na zo, lo sara si *Kota Gbia ti e Jésus so lo yeke kota wabatango-taba, alondo na popo ti akuâ asigigi. Ndali ti mene ti lo so lo mu na *sandaga, e na Nzapa, e sara *mbuki so ayeke ngba lakue lakue.

1 Pierre 3:18

Biani, Christ wani akui fani oko biani biani ndali ti siokpari ti azo; lo so lo yeke mbirimbiri, lo kui ndali ti azo ti kirikiri titene lo gue na ala na le ti Nzapa. Azo afâ gi tere ti lo ti zo, me Nzapa akiri na lo na fini na lege ti Yingo-Vuru.

1 Pierre 3:22

Lo gue na yayu, lo duti na tere ti Nzapa na mbage ti maboko ti lo ti koli si *a-ange, ayingo so ayeke na komandema na ala so ayeke na ngangu ayeke na gbe ti lo.

Aye so Nzapa afa 1:18

lo so lo yeke na fini. Mbi kui ando, me mo baa, mbi yeke na fini kpu na kpu. Mbi yeke na ngangu na ndö ti kuâ nga na ndö ti ndo ti akuâ.