Rome 10:5 - Mbeti ti Nzapa - Tënë so amu fini

⁵ Na ndö ti tënë ti gango mbirimbiri na lege ti sarango ye so Ndia afa, Moïse asu na mbeti, atene: “Zo so asara ye alingbi na atënë ti ndia, fade lo yeke na fini ndali ni.”

Rome 10:5 ပူးပေါင်းရင်းမြစ်များ

Néhémie 9:29

Mo mu wango na ala titene ala kiri na gbe ti *Ndia ti mo; me na lege ti kuru baba ti ala, ala ma atënë ti ndia ti mo pepe. Ala sara siokpari ti ke andia ti mo, ataa so andia ni ayeke mu fini na azo so asara ye alingbi na ni. Akotara ti e angba ti sara ngangu li, ala tomboka na tere ti mo, ala ke ti ma yanga ti mo.

Ésaïe 55:3

Ala dingi mê ti ala, ala ma mbi, ala ga na mbi. Ala ma mbi si fade ala yeke duti na fini. *KOTA GBIA atene: “Mbi na ala, e yeke sara *mbuki so ayeke ngba lakue lakue; mbi yeke mu na ala anzoni ye so mbi mu zendo ni na David.

Ezekiel 20:11

Mbi mu na ala andia ti mbi, mbi sara si ala hinga lege ti sarango ye so mbi fa; zo so asara ye alingbi na ni, lo yeke duti na fini.

Ezekiel 20:13

Me na benyama, azo ti Israel atomboka na tere ti mbi; ala sara ye alingbi na andia ti mbi pepe nga na lege ti asarango ye so mbi fa na ala. Andaa aye ni ayeke sara titene zo aduti na fini tongana lo sara ye alingbi na ni. Ala sara si lango ti wungo tere aga sioni ahon ndoni. Tongaso mbi tene: Mbi yeke kiri ti tuku ngonzo ti mbi ti wâ na ndö ti ala na benyama si mbi yeke fâ ala ti hunzi ala.

Ezekiel 20:21

Me amolenge ti ala ni atomboka na tere ti mbi. Ala sara ye alingbi na andia ti mbi pepe, ala sara ye pepe na lege ti asarango ye so mbi fa; ala sara ye alingbi na ni pepe. Andaa zo ayeke duti na fini tongana lo sara ye alingbi na aye ni so. Ala sara si lango ti wungo tere aga sioni. Tongaso mbi tene: Na benyama, fade mbi yeke tuku ngonzo ti mbi ti wâ na ndö ti ala ngbii be ti mbi ade si.

Awayango-sandaga 18:5

“Ala bata andia ti mbi na atënë ti ndia ti mbi; zo so asara ye alingbi na ni, fade lo yeke duti na fini ndali ni. Mbi laa mbi yeke KOTA GBIA.

Rome 7:10

si mbi kui ti mbi: tënë ti Ndia so ayeke fade ye ti mungo fini na zo, akiri aga ye so ayeke gue na mbi na kuâ.

Galasii 3:12

Andaa Ndia ayeke luti na ndö ti mabe pepe. Me Mbeti ti Nzapa atene: “Zo so asara ye alingbi na atënë ti Ndia, fade lo yeke na fini ndali ni.”

Ndia ti fani use ni 4:1

Moïse atene: Ala azo ti Israel, fadeso ala ma aye so ndia afa nga na atënë ti ndia so mbi yeke fa na ala titene ala sara ye alingbi na ni. Tongaso, fade ala yeke duti na fini si ala yeke gue ti mu sese so *KOTA GBIA, Nzapa ti akotara ti ala amu na ala.

Filipe 3:9

si mbi na lo, e ga oko. Batango ndia ti ga mbirimbiri, so laa amu lege na mbi ti ga oko na Christ pepe, me mbi ga oko na Christ na lege ti mabe. Nzapa laa ayeke mu na zo lege ti gango mbirimbiri tongana zo ni ama na be.