Rome 10:20 - Mbeti ti Nzapa - Tënë so amu fini

²⁰ Ésaïe atene tënë ni na mbeto pepe, lo tene: “Azo so agi mbi pepe, ala laa awara mbi; azo so ahunda ye na mbi pepe, ala laa mbi fa tere ti mbi na ala.”

Rome 10:20 ပူးပေါင်းရင်းမြစ်များ

Amato 28:1

Zo ti sioni ayeke kpe, ataa zo oko atumba peko ti lo pepe; me zo ti mbirimbiri ayeke tongana bamara so ayeke na mbeto oko pepe.

Ésaïe 49:6

Lo tene na mbi: “Titene mo ga gi zo ti kua ti mbi ti yo azo ti mara ti Jacob na nduzu, ti mu tanga ti azo ti Israel so angba na fini ti ga na ala, so alingbi pepe. Mbi yeke sara titene mo ga lumiere ti amara kue, tongaso si mbi yeke soo azo na kuâ ngbii asi na nda ti sese kue.”

Ésaïe 52:15

Me fadeso, li ti azo ti mara mingi akpe ndali ti lo, tënë ahunzi na yanga ti agbia. Biani, ye so a tene ando tënë ni na ala pepe, ni laa ala yeke baa ni; ye so ala ma ando tënë ni pepe, ni laa ala yeke baa ni.”

Ésaïe 58:1

*KOTA GBIA atene: “Mo dekongo na kota go, mo ngba gi daa! Sara si azo ama go ti mo tongana tatalita! Fa na azo ti mbi kengo ndia ti ala, fa na amolenge ti Jacob siokpari ti ala.

Matthieu 20:16

Ti hunzi na ni, Jésus atene: ‘Fade azo ti ndani ayeke ga azo ti li ni si azo ti li ni ayeke ga azo ti ndani.’ ”

Nzoni Tënë so Luc asu na mbeti 14:23

Tongaso makonzi ni atene na zo ti kua ni: ‘Gue na ndö ti alege nga na tere ti agbagba, mo mu azo na ngangu mo ga na ala, tongaso si ya ti da ti mbi asi singo.’

Rome 10:3

Lege so Nzapa aleke titene zo amu si lo ga mbirimbiri na le ti lo, azuife ahinga ni pepe, ala leke lege ti ala wani ti ga mbirimbiri. Tongaso ala ke lege so Nzapa aleke titene zo amu si lo ga mbirimbiri.

Rome 9:30

Tongaso, fade e yeke tene nyen? Fadeso azo ti amara nde aga mbirimbiri na le ti Nzapa awe ndali ti so ala ma na be. Andaa titene ala ga mbirimbiri, ala gi ando lege ni pepe.

Rome 9:31

Me azo ti Israel so ayeke gi ando ti ga mbirimbiri na le ti Nzapa na lege ti *Ndia, ala girisa lege ti ye so Ndia afa tënë ni so awe.

1 Jean 4:19

Ti e, e yeke na ndoye, ngbanga ti so Nzapa aye e kozoni.