Rome 10:2 - Mbeti ti Nzapa - Tënë so amu fini

² Biani, ye so mbi hinga si mbi yeke tene tënë ni ayeke so, azuife ayeke na nzara mingi ti sarango kua ti Nzapa, me ala hinga taa lege ti kua ni pepe.

Rome 10:2 ပူးပေါင်းရင်းမြစ်များ

2 Agbia 10:16

Yehu atene na Yonadab: “Ga na tere ti mbi, fade mo yeke baa nzara ti *KOTA GBIA so ayeke gbi na be ti mbi.” Yehu amu lo na tere ti lo na ya ti pusu ti mbarata ti lo si ala gue legeoko na tambula ni.

Abia (Psaumes) 14:4

KOTA GBIA atene: “Azo so kue ayeke sara sioni so, ala hinga ye oko pepe? Ala yeke te azo ti mbi na mbana tongana ti so ala yeke te kobe ti ala, ala ke ti hunda ye na mbi.”

Amato 19:2

Tongana zo agbu li ti lo pepe, so ayeke nzoni pepe. Zo so ayeke sara ye na loro na loro, gbaa lo yeke sara ye ti kirikiri.

Ésaïe 27:1

Na lango ni so, *KOTA GBIA ayeke mu kota yongoro zeme so yanga ni aza mingi si akpengba ti ga na tere ti Leviatan, ngbo so ayeke kpe kpengo; Leviatan, ngbo so ayeke na mayere mingi. Lo yeke fâ sioni nyama so ayeke na ya ti kota ngu-ingo so.

Jean 16:2

Fade azo ayeke tumba ala na ya ti ada ti sambelango Nzapa. Na ndö ni, ngbonga ni ayeke ga so fade ambeni zo ayeke fâ ala si azo ni ayeke tene na be ti ala atene, kua ti Nzapa laa ala yeke sara so.

Awatokua 21:20

So ala ma tënë ti lo awe, ala gonda Nzapa. Na pekoni, ala tene na Paul: “Ita, mo baa, azuife saki na saki ama na be si ala mu be ti ala kue ti bata *Ndia ti Moïse.

Awatokua 21:28

Ala dekongo: “Azo ti Israel, ala ga hio si-oo! Lo laa, koli so ayeke fa ye na azo na ndo kue si fango ye ti lo ni ake azo ti Israel, ake *Ndia ti Moïse nga na kota da ti Nzapa so! Fadeso lo mu azo ti amara nde, lo li na ala na ya ti kota da ti Nzapa si lo sara titene da ni aga *sioni!”

Awatokua 22:22

Azo ni ama Paul ngbii asi na ndembe so lo tene tënë so; me na pekoni, ala to nda ti dekongo ngangu, atene: “Zi mara ti zo tongaso na ndö ti dunia so! Lo lingbi ti ngba na fini pepe!”

Awatokua 22:3

“Mbi yeke zuife, a du mbi na Tarse, na sese ti Silisii, me mbi kono ge na Jérusalem na gbe ti wafango-ye Gamaliel. Mbi manda ti bata lege ti ndia ti akotara ti e mbirimbiri si nzara ti mbi kue ayeke ti sara kua ti Nzapa tongana ti so ala kue ayeke sara ni laso.

Rome 10:1

A-ita, tënë so agbu be ti mbi si mbi yeke sambela Nzapa ndali ti azuife, ayeke titene ala soo kuâ.

Rome 10:3

Lege so Nzapa aleke titene zo amu si lo ga mbirimbiri na le ti lo, azuife ahinga ni pepe, ala leke lege ti ala wani ti ga mbirimbiri. Tongaso ala ke lege so Nzapa aleke titene zo amu si lo ga mbirimbiri.

2 Korente 4:4

azo so ake ti ma na be. Sioni nzapa ti sese so akanga lege ti hingango ndo ti ala titene ala baa zango ti Nzoni Tënë pepe. Andaa Nzoni Tënë ni ayeke fa gonda ti Christ, lo so lo yeke limo ti Nzapa.

2 Korente 4:6

Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.

2 Korente 8:3

Mbi wani mbi baa na le ti mbi, ala mu ye so alingbi na kate ti ala si ala kiri amu ye ni ahon ti so alingbi na kate ti ala. Na be ti ala wani,

Galasii 1:14

Na lege ti vorongo Nzapa ti azuife, amba ti mbi azuife so ngu ti mbi na ala ayeke oko, mbi hon ala kue. Mbi yeke na nzara mingi ti sara ye alingbi na aye ti akotara ti e.

Galasii 4:15

Ando tere ti ala anzere ahon ndoni! Ti fadeso, nyen laa asi na ala, nyen? Biani, mbi lingbi ti tene tënë ti nzoni ye so ala sara, mbi tene: ala ye fade ti sara ye kue ndali ti mbi, tongana ayeke fade titene ala zi amboma ti le ti ala ti mu na mbi, ka ala sara ni!

Filipe 1:9

Mbi yeke sambela titene ndoye so ala yeke na ni akiri ague gi na nduzu na nduzu, tongaso si le ti ala azi si ala hinga nga ye mbirimbiri;

Filipe 3:6

Na lege ti sarango kua ti Nzapa, mbi mu ando be ti mbi kue daa si mbi sara pasi na azo ti *Eglize mingi. Na lege ti batango ndia ti ga mbirimbiri na legeni, zo ayeke wara mbeni tënë ti bi na li ti mbi pepe.

Kolose 4:13

Biani, mbi yeke tene nzoni tënë ti lo, mbi tene: lo yeke sara kua ngangu ndali ti ala, ndali ti azo ti Laodise na ti Hierapolis.