Rome 10:16 - Mbeti ti Nzapa - Tënë so amu fini

¹⁶ Me azo kue laa ayeda na Nzoni Tënë ni pepe, nilaa Ésaïe atene: “Kota Gbia, zo wa laa ayeda na tënë so e fa?”

Rome 10:16 ပူးပေါင်းရင်းမြစ်များ

Ésaïe 50:10

Mbeni zo ti kpengo mbeto ti *KOTA GBIA ayeke na popo ti ala? Alingbi lo ma yanga ti zo ti kua ti lo. Tongana mbeni zo ayeke tambula na ya ti vukongo ndo si lumiere oko ayeke daa pepe, alingbi lo zia be ti lo na ndö ti KOTA GBIA wani, lo luti na ndö ti Nzapa ti lo.

Ésaïe 53:1

Zo wa laa ayeda na tënë so e ma? Zo wa laa ahinga ngangu ti maboko ti KOTA GBIA?

Matthieu 13:14

Tongaso, tënë ti yanga ti Nzapa so Ésaïe atene ando na ndö ti ala so aga taa-tënë; lo tene: ‘Fade ala yeke ma ndo, me ala yeke ma ya ti atënë ni oko pepe; ala yeke baa ndo, me ala yeke baa ye oko pepe.

Jean 10:26

Me ala ma na be pepe, ngbanga ti so ala yeke na popo ti ataba ti mbi pepe.

Awatokua 28:24

Ambeni ayeda na tënë ni, me ambeni ake ti ma na be.

Rome 1:5

Na lege ti lo, Nzapa asara nzoni be na mbi si mbi ga watokua ndali ti iri ti Christ, ti sara si azo ti dunia kue ama na be na Jésus Christ si ala sara ye alingbi na tënë ti lo.

Rome 11:17

Azo ti Israel ayeke tongana keke ti olive ti yaka so a fâ ambeni maboko ni. Ti mo, mo yeke tongana maboko ti keke ti olive ti ngonda; a mu mo si a gerefe mo na popo ti amaboko so angba na ndö ti keke ti yaka ni. Fadeso mo lingbi nga ti baa nzoni legeoko na amaboko ti keke ti yaka ni ndali ti ngu so alondo na ya ti gunda ni.

Rome 16:26

Fadeso, a fa tënë ni polele na ya ti ambeti ti awayanga-Nzapa. Nzapa so ayeke kpu na kpu, lo mu yanga si a fa tënë so na azo ti amara kue titene ala ma na be si ala ma yanga ti lo.

Rome 2:8

Me azo so ake ti ma yanga ti lo, ala so ake taa-tënë si ye so ayeke sioni ayeke gboto ala, fade ngonzo ti Nzapa ayeke londo tongana wâ na tere ti ala.

Rome 3:3

Nyen? So ambeni zuife ake ti bata tënë ti yanga ti lo so, so laa akanga lege na Nzapa ti bata tënë ti yanga ti lo?

Rome 6:17

E mu singila na Nzapa: ando, ala yeke angbaa ti siokpari, me fadeso, ala yeda na be ti ala kue na taa-tënë so a fa na azo kue si ala, azo ti Rome, ala yeda nga na ni.

Galasii 3:1

Ala azo ti Galasii, so buba ti nyen? Zo wa laa aturne li ti ala, zo wa? Andaa, a fa na ala polele tënë ti kuâ ti Christ na ndö ti keke ti kroa!

Galasii 5:7

Kozoni, ala to nda ti sara ye nzoni mingi! Zo wa laa akanga lege na ala si ake na ala ti sara ye alingbi na taa-tënë, zo wa?

2 Tesalonike 1:8

lo yeke ga ande na ya ti menga ti wâ. Biani, azo so ahinga Nzapa pepe si ala ke Nzoni Tënë ti Kota Gbia ti e Jésus so, lo yeke kiri na peko ti sioni ti ala na ala.

Ahebro 11:8

Na lege ti mabe, Abraham ayeda na iringo so Nzapa airi lo, lo ma yanga ti Nzapa si lo zia kodro ti lo ti gue na mbeni kodro so Nzapa aye ti mu na lo titene aga ti lo. Abraham amu lege ague, ataa so lo hinga ndo so lo yeke gue daa pepe.

Ahebro 4:2

Biani, e nga, e ma Nzoni Tënë tongana ti so akotara ti e ama ni ando so. Me Nzoni Tënë ni asara ye oko na ala pepe, ngbanga ti so azo so ama tënë ni, ala ma na be na ni pepe.

Ahebro 5:9

So lo sara aye so kue lo lingbi fade ti sara awe, Jésus aga zo ti songo azo so kue ayeke ma yanga ti lo si lo yeke sara titene ala duti na fini lakue lakue.

1 Pierre 1:22

So ala yeda ti sara ye alingbi na taa-tënë, ala sukula be ti ala awe ti ye a-ita ti ala na be oko. Ala ye tere na popo ti ala na vurungo be, ala zia lege ni pepe.

1 Pierre 2:8

Mbeti ti Nzapa akiri atene: “Ayeke têne so azo ayeke pika gere ti ala daa, kota têne so ayeke sara titene azo ati.” Ala yeke pika gere ti ala na têne ni, ngbanga ti so ala ke ti yeda na tënë ti Nzapa. Ye so Nzapa aleke ala ando ndali ni laa.

1 Pierre 3:1

Awali, ala nga, ala ma yanga ti akoli ti ala. Tongaso, fade ambeni koli so ake ti ma na be na tënë ti Nzapa alingbi ti ma na be ndali ti sarango ye ti ala. Ataa so ala, awali ni, ala tene tënë ti Nzapa na akoli ti ala pepe,