Rome 1:7 - Mbeti ti Nzapa - Tënë so amu fini

⁷ Mbi tokua mbeti so na ala so kue ayeke na Rome, ala so Nzapa aye ala mingi si lo iri ala ti ga azo ti lo. Ayeke nzoni Nzapa Babâ ti e na Kota Gbia Jésus Christ asara nzoni be na ala si amu na ala siriri.

Rome 1:7 ပူးပေါင်းရင်းမြစ်များ

Abia (Psaumes) 60:5

Mo sara si aye ti ngangu mingi asi na azo ti mo; mo mu na e vin so aso, ayeke sule zo si e nyon.

B. ti abia 5:1

Ita ti mbi ti wali, mo so mo yeke ga wali ti mbi so, mbi yeke li na yaka ti mbi, mbi yeke ko *mire ti mbi nga na yombo ti mbi, mbi yeke te da ti wotoro ti mbi, mbi yeke su mafuta ti wotoro ti mbi; mbi yeke nyon vin ti mbi, na ngu ti me ti mbi. A-ita, ala te ye, ala nyon ye, ala sule ndali ti yengo tere.

Wungo ti azo 6:25

Ayeke nzoni KOTA GBIA abaa mo na nzoni le, lo sara nzoni be na mo!

Matthieu 5:16

Legeoko nga, alingbi lumiere ti ala aza na dawa ti azo kue. Tongaso, fade azo ni ayeke baa anzoni sarango ye ti ala si ala yeke gonda Babâ ti ala, azo ti mbi, so ayeke na yayu.

Jean 20:17

Jésus atene na lo: “Zia ti gbu mbi, ngbanga ti so mbi de ti gue na Babâ pepe. Me mo gue, mo baa a-ita ti mbi, mo tene na ala, mo tene: ‘Mbi yeke gue na Babâ ti mbi so ayeke nga Babâ ti ala; lo yeke Nzapa ti mbi na Nzapa ti ala nga.’ ”

Awatokua 15:23

Ala mu na ala mbeti so na ya ni ala tene: “E, awatokua na akangba so e yeke a-ita ti ala, e bara ala a-ita ti e, azo ti Christ, so ayeke azo ti amara nde si ala yeke na Antioshe, na sese ti Sirii na ti Silisii.

Awatokua 9:13

Ananias akiri tënë, atene: “Kota Gbia, azo mingi atene tënë ti koli so na mbi. Ala tene na mbi tënë ti aye ti sioni so kue lo sara na azo ti mo na Jérusalem.

Rome 1:6

Ala azo ti Rome so Jésus Christ airi ala, ala nga, ala yeke na popo ti azo ni.

Rome 5:1

So e ga mbirimbiri na lege ti mabe awe, e yeke na siriri na Nzapa na lege ti Jésus Christ, *Kota Gbia ti e.

Rome 5:5

Ye so e zia be ti e ti ku ni, e yeke ku ni gbaa pepe, ngbanga ti so Nzapa azia ndoye ti lo na be ti e na lege ti Yingo-Vuru so lo mu na e.

Rome 8:28

E hinga so, ye kue abongbi ti sara nzoni na azo so aye Nzapa, azo so lo iri ala na lege so be ti lo aye.

Rome 8:39

ataa angangu ti nduzu, ataa angangu ti gbe ti sese, ataa mbeni ye oko so Nzapa asara, mbeni ye oko alingbi ti kangbi e pepe na ndoye so Nzapa afa na e na lege ti Jésus Christ, *Kota Gbia ti e.

Rome 9:25

Tënë so Nzapa atene na ya ti Mbeti ti Osée laa, lo tene: “Azo so ayeke ando azo ti mbi pepe, fade mbi yeke iri ala azo ti mbi; mara so mbi ye ni ando pepe, fade mbi yeke iri ni mara so mbi ye mingi.

1 Korente 1:24

Me na le ti azo so Nzapa airi ala, ataa ala yeke azuife wala agreke, Christ laa ayeke ngangu nga na ndara ti Nzapa.

1 Korente 16:23

Ayeke nzoni Kota Gbia Jésus asara nzoni be na ala!

Galasii 6:18

A-ita, ayeke nzoni *Kota Gbia ti e Jésus Christ asara nzoni be na ala! Amen.

Efeze 1:2

Ayeke nzoni Nzapa Babâ ti e na *Kota Gbia Jésus Christ asara nzoni be na ala si amu na ala siriri.

Efeze 6:23

Ayeke nzoni Nzapa Babâ, na *Kota Gbia Jésus Christ amu na a-ita siriri, ndoye na mabe!

Ndia ti fani use ni 33:12

Ndali ti mara ti Benjamin, Moïse atene: “KOTA GBIA aye mara ti Benjamin mingi. So lo yeke na tere ti KOTA GBIA, mbeni ye ti sara lo ayeke daa pepe. Nzapa ti lo ayeke bata lo lakue, lo duti na popo ti akete hoto ti lo.”

Filipe 1:2

Ayeke nzoni Nzapa Babâ ti e, lo na *Kota Gbia Jésus Christ asara nzoni be na ala si amu na ala siriri!

Filipe 4:13

Mbi lingbi ti sara aye so kue, ngbanga ti so Christ laa amu na mbi ngangu.

Filipe 4:20

E gonda Nzapa Babâ ti e kpu na kpu! Amen.

Filipe 4:23

Ayeke nzoni *Kota Gbia Jésus Christ asara nzoni be na ala kue!

Kolose 1:2

si e tokua mbeti so na a-ita, azo ti Nzapa so ayeke na gbata ti Kolose, ala so ama na be na Christ si ala ga oko na lo. Ayeke nzoni Nzapa Babâ ti e asara nzoni be na ala si amu na ala siriri.

Kolose 3:12

Nzapa asoro ala, ala ga azo ti lo si lo ye ala. Tongaso, alingbi ala baa mawa ti azo, ala sara nzoni be na azo, ala baa tere ti ala tongana akota zo pepe, ala sara ngangu na azo pepe, ala kanga be ti ala ti ku.

Kolose 3:15

Ayeke nzoni siriri so alondo na Christ afa lege na ala na ya ti atënë ti be ti ala! Ndali ti siriri so laa Nzapa airi ala kue ti ga tere oko. Ala mu singila na Nzapa.

1 Tesalonike 1:1

Mbi Paul, mbi na Silas na Timothée laa e tokua mbeti so na azo ti *Eglize so ayeke na gbata ti Tesalonike. Ala yeke azo ti Nzapa Babâ na ti *Kota Gbia Jésus Christ. Ayeke nzoni Nzapa asara nzoni be na ala si lo mu na ala siriri!

1 Tesalonike 1:3

Na le ti Nzapa Babâ ti e, e yeke dabe ti e lakue na kua so ala yeke sara na lege ti mabe; e yeke dabe ti e na ndoye so ayeke sara titene ala sara kua ngangu nga na be ti ala so ala zia ti ku *Kota Gbia ti e Jésus Christ.

1 Tesalonike 1:4

A-ita, e hinga so Nzapa aye ala mingi si lo soro ala.

1 Tesalonike 4:7

Biani, Nzapa airi e ti duti na ya ti ye ti potopoto pepe, me lo iri e ti ga azo so ayeke nde si ayeke nzoni kue.

1 Tesalonike 5:28

Ayeke nzoni Kota Gbia ti e Jésus Christ asara nzoni be na ala!

2 Tesalonike 1:2

Ayeke nzoni Nzapa Babâ na Kota Gbia Jésus Christ asara nzoni be na ala si amu na ala siriri.

2 Tesalonike 3:16

Ayeke nzoni *Kota Gbia wani, so siriri alondo na lo, amu na ala siriri lakue na ya ti aye kue! Ayeke nzoni Kota Gbia aduti na ala kue!

2 Tesalonike 3:18

Ayeke nzoni Kota Gbia ti e Jésus Christ asara nzoni be na ala kue!

1 Timothée 1:2

Mbi tokua mbeti so na mo Timothée so mo yeke taa molenge ti mbi na lege ti mabe. Ayeke nzoni Nzapa Babâ na *Kota Gbia ti e Jésus Christ asara nzoni be na mo, abaa mawa ti mo si amu na mo siriri!

1 Timothée 6:2

Angbaa so awa ti ala ama na be, ala yeke a-ita ti ala azo ti Nzapa, me so laa amu lege na angbaa ni ti baa awa ti ala tongana asenge zo pepe. Me alingbi angbaa asara kua nzoni ahon ti kozoni, ngbanga ti so azo so ayeke baa nzoni na peko ti kua ti ala ni ayeke a-ita ti ala so ama na be si Nzapa aye ala mingi. Baa, ye so mo lingbi ti fa na azo si mo mu yanga na ala ti sara ni laa.

2 Timothée 1:2

Mbi tokua mbeti so na mo Timothée, molenge ti mbi so mbi ye mo mingi. Ayeke nzoni Nzapa Babâ na *Kota Gbia ti e Jésus Christ asara nzoni be na mo, abaa mawa ti mo si amu na mo siriri!

2 Timothée 4:22

Ayeke nzoni *Kota Gbia aduti na mo! Ayeke nzoni Nzapa asara nzoni be na ala!

Tite 1:4

Mbi tokua mbeti so na mo Tite so mo yeke taa molenge ti mbi na lege ti oko mabe so e yeke na ni. Ayeke nzoni Nzapa Babâ na Wasongo e, Jésus Christ asara nzoni be na mo si amu na mo siriri!

Philémon 1:25

Ayeke nzoni *Kota Gbia Jésus Christ asara nzoni be na ala!

Philémon 1:3

Ayeke nzoni Nzapa Babâ na *Kota Gbia Jésus Christ asara nzoni be na ala si amu na ala siriri!

Jacques 1:1

Mbi Jacques, zo ti kua ti Nzapa na ti *Kota Gbia Jésus Christ; mbi tokua mbeti so na amara baleoko na use ti azuife so akangbi na ya ti akodro nde nde. Mbi bara ala kue.

1 Pierre 1:15

Nzapa so airi ala, lo yeke nde si lo yeke nzoni kue. Tongaso, ala nga, ala ga azo so ayeke nde si ayeke nzoni kue na ya ti sarango aye ti ala kue.

1 Jean 3:1

Ala baa yengo so Babâ aye na e! Lo ye e ahon ndoni, ndani laa, a yeke iri e amolenge ti Nzapa. Biani, e yeke amolenge ti lo! Me azo ti dunia so ahinga e pepe, ngbanga ti so ala hinga Nzapa pepe.

2 Jean 1:3

Ayeke nzoni Nzapa Babâ na Molenge ti lo Jésus Christ asara nzoni be na e, ala baa mawa ti e si ala mu na e siriri titene taa-tënë na ndoye aduti na popo ti e!

Aye so Nzapa afa 2:1

“Su mbeti so, mo tokua na *ange so ayeke na li ti *Eglize ti gbata ti Efeze: “Baa, lo so lo gbu atongoro mbarambara na maboko ti lo ti koli si ayeke tambula na popo ti agere ti lamba mbarambara so a sara ni na lôro, atene:

Aye so Nzapa afa 2:12

“Su mbeti so, mo tokua na *ange so ayeke na li ti *Eglize ti gbata ti Pergame: “Lo so lo yeke na yongoro zeme so yanga ni aza mingi mbage na mbage, atene:

Aye so Nzapa afa 2:18

“Su mbeti so, mo tokua na *ange so ayeke na li ti *Eglize ti gbata ti Tiatire: “Molenge ti Nzapa, lo so le ti lo ti bango na ndo aza tongana menga ti wâ si agere ti lo akpa bengba wen so a kpaka ni si aza zango, lo tene:

Aye so Nzapa afa 2:29

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize!”

Aye so Nzapa afa 2:8

“Su mbeti so, mo tokua na *ange so ayeke na li ti *Eglize ti gbata ti Simirne: “Baa, lo so lo yeke kozo ni si lo yeke ndangba ni, lo so akui si lo kiri na fini, atene:

Aye so Nzapa afa 22:21

Ayeke nzoni Kota Gbia Jésus asara nzoni be na azo kue!

Aye so Nzapa afa 3:14

“Su mbeti so, mo tokua na *ange so ayeke na li ti *Eglize ti gbata ti Laodise: “Lo so iri ti lo ayeke Amen, lo so lo yeke taa zo ti fango peko ti tënë na legeni mbirimbiri si lo yeke na tongo nda ti ye so kue Nzapa asara, lo tene:

Aye so Nzapa afa 3:22

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize!”

Aye so Nzapa afa 3:7

“Su mbeti so, mo tokua na *ange so ayeke na li ti *Eglize ti gbata ti Filadelfii: “Lo so lo yeke nde si lo yeke nzoni kue, lo so lo yeke tene gi taa-tënë, lo so lo yeke na kerere ti David na maboko ti lo, lo laa lo yeke tene tënë so. Tongana lo zi yanga ti da, mbeni zo alingbi ti kanga ni pepe; tongana lo kanga ni, mbeni zo alingbi ti zi ni pepe.