Rome 1:32 - Mbeti ti Nzapa - Tënë so amu fini

³² Ala hinga tënë ti fango ngbanga ti Nzapa nzoni: azo so asara aye tongaso, ala lingbi na kuâ. Ataa so kue, ala ngba ti sara aye ti sioni so si na ndö ni kue, ala yeke yeda na azo so ayeke sara ni.

Rome 1:32 ပူးပေါင်းရင်းမြစ်များ

Abia (Psaumes) 50:18

Tongana mo baa zo ti nzi, mo yeke ga mba ti lo; mo yeke duti ndo oko na azo ti nzingo wali.

Amato 28:4

Azo so azia lege ti *Ndia, ala yeke gonda azo ti sioni; me azo so abata lege ti Ndia, ala yeke kanga lege na azo ti sioni ni.

Osée 7:3

Ala yeke zia ngia na be ti gbia, andaa ala yeke asioni zo; ala yeke zia ngia na be ti amakonzi, andaa ala yeke azo ti mvene.

Nzoni Tënë so Luc asu na mbeti 11:48

So ti fa atene, ala yeda na ye so akotara ti ala asara ni. Akotara ti ala afâ awayanga-Nzapa si ti ala, ala yeke leke adu ti kuâ ti awayanga-Nzapa pendere!

Awatokua 22:20

Na ndembe so a fâ Étienne, zo so atene na azo peko ti ye so lo hinga na ndö ti mo, mbi nga, mbi yeke lani daa. Mbi yeda na fango lo ni si mbi laa mbi bata bongo ti azo so afâ lo.’

Awatokua 8:1

Saul ayeda na tënë ti fango Étienne. Na lango ni so, azo ato nda ti sara ngangu mingi na azo ti *Eglize so ayeke na Jérusalem. Azo ti Jésus kue akangbi na ndö ti sese ti Judée na ti Samarii, gi *awatokua laa angba na Jérusalem.

Rome 1:18

Ngonzo ti Nzapa alondo na yayu si lo fa ni na azo ndali ti siokpari ti ala nga ndali ti asioni ye so kue ala sara. Na lege ti asioni ye so ala yeke sara, ala kanga lege na taa-tënë.

Rome 1:21

Ataa so ala hinga Nzapa, ala gonda lo pepe, ala mu singila na lo pepe so alingbi na Nzapa. Me gbungo-li ti ala aga kirikiri, ala hinga ndo pepe si ala yeke duti na ya ti vukongo ndo.

Rome 6:21

Aye so ando ala yeke sara so, nzoni ye ti nyen laa ala wara daa? Fadeso aye ni asara ala kamene, ngbanga ti so ye ti peko ni ayeke gi kuâ!

Rome 6:23

Biani, futa ti siokpari ayeke kuâ; me nzoni ye so Nzapa ayeke mu na zo senge senge ayeke fini so angba lakue lakue, na lege ti gango so e ga oko na Jésus Christ, *Kota Gbia ti e.

2 Tesalonike 2:12

Tongaso, ala so kue ama na be na taa-tënë pepe si be ti ala ayeke nzere na sarango sioni ye, fade Nzapa ayeke fâ ngbanga na li ti ala.