Rome 1:31 - Mbeti ti Nzapa - Tënë so amu fini

³¹ li ti ala ayeke daa pepe, ala yeke azo so asara ye alingbi na zendo ti ala pepe, ala yeke na be ti zo pepe, ala yeke baa mawa ti amba ti ala pepe.

Rome 1:31 ပူးပေါင်းရင်းမြစ်များ

Amato 18:2

Mango ya ti ye anzere na zo ti buba pepe; me lo ye ti fa na le ti azo kue gi atënë ti be ti lo.

Ésaïe 27:11

Tongana amaboko ti keke ahole, a yeke fâ ni si awali ayeke ga ti ro ni ti sara na wâ. Biani, azo so ahinga ndo pepe. Ndani laa lo so lo sara ala abaa mawa ti ala pepe, lo so lo sara ala azi tënë na li ti ala pepe.

Ésaïe 33:8

Ndö ti alege ade dengo, zo oko ayeke hon na ndö ti akete lege pepe. A buba tënë ti ya ti *mbuki awe, azo so ayeke na tere ti tënë ti mbuki ni, a bi ala yongoro awe, zo oko ti ne mba ti lo ayeke daa pepe.

Jérémie 4:22

KOTA GBIA atene: “Biani, li ti azo ti mbi ayeke daa pepe, ala hinga mbi pepe. Ala yeke amolenge so li ti ala ayeke daa pepe; ala hinga ye oko pepe. Ala yapu na sarango sioni ye; me ala hinga ti sara nzoni ye pepe.”

Matthieu 15:16

Jésus ahunda ala, atene: “Ala nga, ala de ti hinga ndo pepe?

Marc 7:18

Lo tene na ala: “Ala nga, ala yeke na ndara ti ma ya ti tënë so pepe? Ala hinga pepe? Ye so alondo na gigi si ali na ya ti zo, alingbi ti sara si lo ga *sioni pepe,

Rome 3:11

Zo ti hingango ndo ayeke daa pepe, zo ti gingo lege ti Nzapa ayeke daa pepe.

2 Timothée 3:3

Ala yeke na be ti zo pepe, ala yeke sara mawa ti amba ti ala pepe, ala yeke tene sioni tënë na iri ti amba ti ala, ala yeke kanga nzara ti tere ti ala pepe, ala yeke sara pasi na amba ti ala, ala ye ti sara nzoni ye pepe.