Rome 1:30 - Mbeti ti Nzapa - Tënë so amu fini

³⁰ ala yeke tene sioni tënë na iri ti amba ti ala; ala yeke awato ti Nzapa, ala yeke azo ti sioni yanga, ala baa tere ti ala kota ahon azo kue, ala yeke pika kate ti ala mingi, ala yeke gi gi akode ti sarango sioni, ala yeke sara ngangu li na babâ na mama ti ala,

Rome 1:30 ပူးပေါင်းရင်းမြစ်များ

1 Agbia 20:11

Gbia ti Israel akiri tënë, atene: “Ala dabe ti Ben-Hadad na *mato so: ‘Zo so ade ti so benda na ya ti bira pepe, lo lingbi ti pika kate ti lo pepe!’ ”

2 Mbai 19:2

Zo ti bango nda ti aye Yehu, molenge ti Hanani, aga awara gbia Yosafat na lege si atene na lo: “Mo mu maboko na sioni zo tongaso ngbanga ti nyen? Azo so be ti ala ake *KOTA GBIA so, mo ye ala ngbanga ti nyen? Ndali ti ye so mo sara so, KOTA GBIA ayeke sara ngonzo na tere ti mo.

2 Mbai 25:19

Yoas akiri atene: “Taa-tënë, mo fâ azo ti Edom awe; mo yeke pika kate ti mo si mo yeke gonda tere ti mo. Me ayeke nzoni titene mo ngba na ndo ti mo fadeso! Ngbanga ti nyen si mo ye ti to nda ti bira so ayeke ga ande kpale na ndö ti mo, titene a fâ mo si a fâ nga aturugu ti Juda so?”

Abia (Psaumes) 10:3

Zo ti sioni ni apika kate ti lo ndali ti aye so nzara ni ayeke na be ti lo; so lo wara aye ni awe, lo zonga KOTA GBIA, lo he lo na ngia.

Abia (Psaumes) 106:39

Na lege ti sarango ye tongaso, ala wani aga *sioni, sarango ye ti ala ni ayeke tongana sarango ye ti ndumba.

Abia (Psaumes) 49:6

Na ngoi so ye aga ngangu na mbi, na ngoi so azo so sarango ye ti ala ayeke mbirimbiri pepe angoro mbi ti sara sioni na mbi, mbi yeke sara mbeto ngbanga ti nyen?

Abia (Psaumes) 5:5

Mo yeke Nzapa so sioni ye anzere na mo pepe; ndo ti azo ti sioni ayeke na tere ti mo kâ pepe.

Abia (Psaumes) 52:1

Bia so ayeke ndali ti makonzi-bia; bia ti fango ye na zo; bia ti David.

Abia (Psaumes) 81:15

ka mbi kinda gi hio tongaso awato ti ala, ka mbi pika azo ti sarango ngangu na ala so awe!

Abia (Psaumes) 94:4

Ala yeke diko atënë ti baba, ala yeke tene atënë ti zonga, ala yeke pika kate ti ala, azo ti sarango sioni so kue so.

Abia (Psaumes) 97:7

Azo so kue ayeke voro ayanda, ayeke nzoni kamene agbu le ti ala! Azo so ayeke pika kate ti ala ndali ti abuba yanda ni, ayeke nzoni kamene agbu le ti ala! Ala anzapa kue, ala kuku na gbe ti KOTA GBIA!

Abia (Psaumes) 99:8

KOTA GBIA Nzapa ti e, mo wani, mo yeke kiri ando tënë na ala; mo yeke Nzapa so mo yeke zi siokpari na li ti ala, me mo yeke kiri nga na ala peko ti sioni ti ala.

Amato 24:8

Zo so ayeke gbu li ti lo lakue ti sara sioni ye, a yeke iri lo “zo ti mayere”.

Amato 25:23

Tongana ti so pupu ti Banga ayeke ga na ngu-Nzapa, tenengo sioni tënë na hondengo ni na tere ti zo asara si ngonzo ti lo alondo.

Amato 30:17

Zo so ahe babâ ti lo si lo ke ti ma yanga ti mama ti lo, fade *akpakpo ti tere ti ngu ayeke koro le ti lo si *angoalo ayeke te lo.

Amato 8:36

Me zo so asara sioni ti ke mbi, lo wani, lo zia ka na tere ti lo; azo so kue be ti ala ake mbi, ala ye kuâ.”

Zo ti bongbingo azo 7:29

Gi ye oko so mbi baa ayeke so: Nzapa asara azo kue na legeni; me ala wani laa aga na gba ti akpale na ndö ti ala.

Ezekiel 14:5

Tongaso, fade tënë ti mbi ayeke ndu be ti azo ti Israel, ala so kue ague yongoro na mbi ndali ti ayanda ti ala so.

Ezekiel 22:7

Na ndo ti mo, azo ayeke ne babâ na mama ti ala pepe, ala yeke sara ngangu na awande, ala yeke sara ngangu na awali-mua nga na anyindu.

Wungo ti azo 10:35

Na ndembe so sanduku ti mbuki ni ayeke hon, Moïse ayeke tene: “KOTA GBIA, londo! Tongaso si awato ti mo ayeke kangbi kirikiri si azo so ake mo ayeke kpe na dawa ti mo!”

Matthieu 15:4

Nzapa atene: ‘Mo ne babâ na mama ti mo.’ Lo kiri lo tene: ‘Zo so atene sioni tënë na tere ti babâ ti lo wala mama ti lo, lo lingbi na kuâ.’

Matthieu 16:21

Ti londo na ndembe ni so, Jésus ato nda ti tene tënë polele na adisiple ti lo, atene: “Alingbi mbi gue na Jérusalem ti baa pasi mingi na maboko ti *akangba na akota wayango-sandaga na awafango-ndia. Ala yeke fâ mbi, me na lango ota ni, mbi yeke zingo na kuâ.”

Nzoni Tënë so Luc asu na mbeti 21:16

Ababâ ti ala, amama ti ala, a-ita ti ala, asongo ti ala na amba ti ala so ala na ala aye tere ayeke ka ala; a yeke fâ ambeni zo mingi na popo ti ala.

Jean 7:7

Azo ti dunia alingbi ti ke ala pepe; me azo ni ake mbi, ngbanga ti so mbi tene tënë na ndö ti ala, mbi tene: aye so ala ayeke sara ayeke sioni.

Awatokua 5:36

Na ya ti alango so ahon, Tedas so lo tene, ni yeke mbeni kota zo, aga; azo nduru na ngbangbo osio amu peko ti lo. Me na peko ti so a fâ lo awe, azo so kue amu peko ti lo akangbi kirikiri si bongbi ti lo ni ali ngu.

Rome 2:17

Ti mo so mo tene mo yeke zuife so, mo zia be ti mo na ndö ti *Ndia si mo yeke pika kate ti mo ndali ti Nzapa ti mo.

Rome 2:23

Mo yeke pika kate ti mo ndali ti Ndia, me ngbanga ti nyen si sarango ye ti mo alingbi na tënë ti Ndia pepe? Ngbanga ti nyen si mo yeke ne Nzapa pepe?

Rome 3:27

Ye titene zo agonda tere ti lo ngbanga ni ayeke daa? Oko pepe! Lo yeke gonda tere ti lo ngbanga ti nyen? Ngbanga ti so lo sara ye alingbi na Ndia? Oko pepe! Me ngbanga ti so lo ma na be.

2 Korente 10:15

Kua so ambeni zo nde asara, e yeke gonda tere ti e ahon ndoni ndali ni pepe. Me ye so e zia be ti e daa ti ku ayeke so: tongana mabe ti ala akono, e yeke sara ande kota kua mingi na popo ti ala; me e yeke sara kua ni angba gi na ndo so Nzapa afa na e.

2 Korente 12:20

Mbeto asara mbi titene tongana mbi si na ala kâ, mbi baa dutingo ti ala ayeke nde na ti so be ti mbi aye si ala nga, ala baa dutingo ti mbi ayeke nde na ti so be ti ala aye. Mbeto asara mbi titene aye tongaso aduti na popo ti ala: papa, kota be, ngonzo, kangbingo tere, zongango zo na asioni tënë, fonongo na iri ti zo, baba, sarango aye ti wusuwusu.

Ndia ti fani use ni 27:16

‘Deba aga na ndö ti zo so abaa babâ na mama ti lo tongana ambumbuse zo!’ Fade azo kue ayeke kiri tënë, atene: ‘Amen!’

Ndia ti fani use ni 7:10

Me ti azo so ake lo, gi hio tongaso, lo yeke futa ala alingbi na ye so ala sara; lo yeke sara si ala kui. Zo so ake lo, lo yeke ku kungo pepe ti sara ye na lo; lo yeke futa zo ni gi hio tongaso.

2 Tesalonike 2:4

Zo ti sioni so ayeke londo ti tiri bira na aye so kue azo ayeke baa ni tongana anzapa, na aye so kue azo ayeke voro ni. Lo yeke gue ande ngbii ti duti na ya ti kota da ti Nzapa si lo yeke tene, ni wani laa ni yeke Nzapa.

2 Timothée 3:2

Azo ayeke ga azo ti kion, nzara ti nginza ayeke hon ndö ti ala, ala yeke pika kate ti ala si ala yeke gonda tere ti ala; ala yeke zonga Nzapa si ala yeke sara ngangu li na ababâ na amama ti ala. Ala yeke hinga anzoni ye so a sara na ala pepe si ala yeke kpe ye ti Nzapa oko pepe.

Tite 3:3

E nga, e yeke ando azo so li ti e ayeke daa pepe, azo ti ngangu li, azo so agirisa lege. Ando, e mu be ti e kue ti sara aye so anzere na be ti e si nzara ti aye nde nde ahon ndö ti e; e yeke azo ti sioni si e yeke sara kota be na tere ti amba ti e. Azo ayeke ke e; e nga, e yeke ke tere na popo ti e.

Jacques 3:5

Legeoko nga, menga ayeke mbeni kete kete mbage ti tere ti zo, me menga ni ayeke gonda tere ti lo ndali ti so, lo lingbi ti sara akota ye mingi. Ala baa, gi senge kete kete menga ti wâ alingbi ti gbi kota gbako!

Jacques 4:16

Me fadeso, ala yeke pika kate ti ala si ala yeke gonda tere ti ala. Mara ti pikango kate tongaso ayeke nzoni pepe.

2 Pierre 2:18

Ala yeke diko gba ti tënë, me ayeke gi asenge senge tënë, ala yeke handa azo so asigigi gi fafadeso na popo ti azo so agirisa lege awe. Awafango-ye ti mvene ayeke mu asioni nzara ti sarango ye ti kamene so ayeke na be ti ala ti gbu azo ni na ya ti gbanda ti ala.

Jude 1:16

Be ti azo ni anzere laoko pepe, demango tere ti ala ahon ndoni; ala ye ti sara ye alingbi gi na asioni nzara ti be ti ala; ala yeke tene gi atënë ti baba si ala yeke diko apendere tënë ti handa na azo ngbanga ti warango ye.