Rome 1:3 - Mbeti ti Nzapa - Tënë so amu fini

³ Nzoni Tënë ni ayeke tënë ti Molenge ti lo: na lege ti dungo ti zo, a du lo na ya ti *hale ti David.

Rome 1:3 ပူးပေါင်းရင်းမြစ်များ

Tongo nda ti aye 3:15

Mbi yeke zia kangbi na popo ti mo na wali, na popo ti *ahale ti mo, na ala ti wali. Fade ahale ti wali ayeke zia ka na li ti mo si mo, mo yeke zia ka na ngbonda ti gere ti ala.”

Abia (Psaumes) 2:7

“Mbi ye ti fa peko ti mbela ti KOTA GBIA: lo tene na mbi, lo tene: ‘Mo yeke molenge ti mbi; laso mbi ga babâ ti mo awe.

Jérémie 33:26

Tongaso, mbi lingbi ti ke ahale ti Jacob na ti David, zo ti kua ti mbi? Mbi lingbi ti ke ti soro na popo ti ahale ti ala azo so ayeke le-gbia na ndö ti ahale ti Abraham, ti Isaac na ti Jacob? “Oko pepe! Fade mbi yeke sara titene ala kiri na kozo ndo ti ala, ngbanga ti so mbi baa mawa ti ala.”

Amos 9:11

“Gbata ti David ayeke tongana mbeni da so atuku na sese awe. Na lango ni so, fade mbi yeke kiri ti yo ni na nduzu, mbi yeke kanga adu ti da ni, mbi yeke kiri ti leke da ni kue; mbi yeke sara si akiri aluti na nduzu tongana ti kozo.

Matthieu 1:1

So ayeke mbeti ti iri ti akotara ti Jésus Christ, lo so lo yeke *hale ti David; David ayeke hale ti Abraham.

Matthieu 1:16

Jacob adu Joseph, koli ti Marie, mama ti Jésus, lo so a iri lo *Mesii.

Matthieu 1:6

Obed adu Yese, Yese adu gbia David. David na wali ti Urii adu Salomon;

Matthieu 12:23

Li ti azo ni kue akpe si ala tene: “So Molenge ti David laa pepe?”

Matthieu 15:22

Mbeni wali ti kodro ti Kanaan aga si lo dekongo, lo tene: “*Kota Gbia, Molenge ti David, baa mawa ti mbi! Molenge ti mbi ti wali ayeke na sioni yingo na ya ti lo si asara lo pasi mingi.”

Matthieu 26:63

Me Jésus azi yanga oko pepe. Kota wayango-sandaga atene na lo: “Mbi hunda na mo ti deba yanga ti mo, na iri ti Nzapa so ayeke na fini, mo tene na e: Mo yeke *Mesii, Molenge ti Nzapa?”

Matthieu 27:43

Lo zia be ti lo na Nzapa si lo tene: ‘Mbi yeke Molenge ti Nzapa.’ Nzapa ni aga azi lo fadeso, e baa!”

Matthieu 3:17

Mbeni go alondo na yayu si atene: “So ayeke Molenge ti mbi so mbi ye lo mingi, be ti mbi anzere na lo mingi.”

Matthieu 9:27

So Jésus alondo na ndo so ti hon, awaziba use amu peko ti lo; ala yeke dekongo, atene: “Molenge ti David, baa mawa ti e!”

Nzoni Tënë so Luc asu na mbeti 1:35

Ange ni akiri tënë na lo, atene: “Fade Yingo-Vuru ayeke ga na ndö ti mo si ngangu ti Nzapa, lo so lo yeke na yayu kâ na ndö ti aye kue ayeke duti na ndö ti mo tongana gbe ti de. Ndani laa molenge so mo yeke du lo ayeke ga zo so ayeke nde si ayeke nzoni kue; azo ayeke iri lo Molenge ti Nzapa.

Nzoni Tënë so Luc asu na mbeti 1:69

Lo soro mbeni ngangu zo ti songo e na kuâ; lo soro lo na popo ti *ahale ti David, zo ti kua ti lo.

Jean 1:14

Tënë ni aga zo si lo duti na popo ti e, nzoni be na taa-tënë ti lo ahon ndoni. E baa gonda ti lo, gonda so Babâ amu na oko Molenge ti lo.

Jean 1:34

Mbi Jean, mbi baa ye so, nilaa mbi tene na azo kue, mbi tene: koli so ayeke Molenge ti Nzapa.”

Jean 1:49

Natanael atene na lo: “Wafango-ye, mo yeke Molenge ti Nzapa! Mo yeke gbia ti Israel!”

Jean 10:30

Mbi na Babâ, e yeke oko.”

Jean 10:36

Me ti mbi, Babâ ti mbi azia mbi nde si lo tokua mbi na ndö ti dunia so. Ngbanga ti nyen laa ala tene: ‘Mo yeke zonga Nzapa!’ Ngbanga ti so mbi tene: ‘Mbi yeke Molenge ti Nzapa’ so?

Jean 20:28

Thomas akiri tënë na lo, atene: “*Kota Gbia ti mbi na Nzapa ti mbi!”

Jean 20:31

Me ti ambeni ye ti kpene so a su tënë ni na mbeti so, a su ni titene ala ma na be so, Jésus ayeke *Mesii, Molenge ti Nzapa. Tongana ala ma na be, fade ala yeke duti na fini na lege ti lo.

Jean 5:25

Biani, mbi tene na ala taa-tënë: mbeni ngbonga ayeke ga si ngbonga ni alingbi awe so akuâ ayeke ma go ti Molenge ti Nzapa si ala so ama go ni ayeke kiri ti duti na fini.

Jean 7:42

Mbeti ti Nzapa atene: ‘Fade Mesii ni ayeke *hale ti David. Lo yeke londo ande na Betlehem, kodro ti David si lo yeke ga.’”

Awatokua 2:30

Lo yeke lani wayanga-Nzapa si lo hinga ye so Nzapa adeba yanga ti sara na lo: fade mbeni *hale ti lo ayeke duti na ndö ti mbata ti gbia na peko ti lo.

Awatokua 3:13

Nzapa ti Abraham, ti Isaac na ti Jacob, Nzapa ti akotara ti e, amu gonda na Jésus, zo ti kua ti lo. Me ala azo ti Israel, ala zia lo na maboko ti akota zo, ala ke lo na dawa ti Pilate, ataa so Pilate aye ti zi lo.

Awatokua 8:36

So ala ngba na lege ti gue, ala si na ndo so ngu ayeke daa. Mbaiwa ni atene: “Baa, ngu laa; nyen laa akanga lege na mbi ti wara bateme?” [

Awatokua 9:20

Gi hio na pekoni, lo gue na ya ti ada ti sambelango Nzapa si lo to nda ti fa tënë atene, Jésus ayeke Molenge ti Nzapa.

Rome 1:9

Nzapa so mbi mu be ti mbi kue ti sara kua ti lo na lege so mbi yeke fa Nzoni Tënë ti Molenge ti lo, lo hinga so mbi yeke tene taa-tënë: mbi yeke zia ala lakue

Rome 4:1

Tongaso, fade e yeke tene nyen ndali ti kotara ti e Abraham na lege ti dutingo ti lo ti zo? Nyen laa lo wara, nyen?

Rome 9:3

Ti be ti mbi, mbi ye fade titene Nzapa adeba mbi si mbi wani, mbi kangbi na Christ ndali ti a-ita ti mbi so ayeke azo ti mara ti mbi.

Rome 9:5

ala yeke *ahale ti akotara, Christ asigigi na ya ti ala na lege ti dutingo ti lo ti zo, lo yeke Nzapa so ayeke na ndö ti aye kue. Ayeke nzoni azo agonda lo kpu na kpu! Amen.

1 Korente 1:9

Nzapa ayeke sara ye alingbi na tënë ti yanga ti lo: lo laa lo iri e titene e duti na beoko na Molenge ti lo Jésus Christ, Kota Gbia ti e.

1 Korente 10:18

Ala baa azo ti Israel: ala so ayeke te anyama so a ya na *sandaga na Nzapa na ndö ti gbalaka, ala yeke na beoko na Nzapa.

Galasii 4:4

Me so ndembe ni alingbi na le ti Nzapa awe, lo tokua Molenge ti lo; wali laa adu lo, lo duti na gbe ti *Ndia ti azuife

1 Tesalonike 1:10

Fadeso ala yeke ku Jésus, Molenge ti lo so ayeke londo na yayu ti ga. Nzapa azingo Molenge ti lo ni na kuâ, lo so lo yeke zi e na gbe ti ngonzo ti Nzapa so ayeke ga.

1 Timothée 2:5

Biani, Nzapa ayeke gi oko; walekengo-songo na popo ti azo na Nzapa ayeke gi oko: Jésus Christ,

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

2 Timothée 2:8

Mo dabe ti mo na Jésus Christ so ayeke *hale ti David. Lo zingo na kuâ tongana ti so ala yeke ma na ya ti Nzoni Tënë so mbi yeke fa.

1 Jean 1:3

Ye so e baa si e ma tënë ni, e yeke tene tënë ni na ala titene ala nga, ala yeke na beoko na e. Beoko so e yeke na ni na Babâ nga na Molenge ti lo Jésus Christ laa.

1 Jean 3:23

Ndia ti lo ayeke so: e ma na be na iri ti Molenge ti lo Jésus Christ si e ye nga tere na popo ti e alingbi na yanga so Christ amu na e.

1 Jean 3:8

Zo so ayeke sara siokpari, lo yeke zo ti Zabolo, ngbanga ti so Zabolo ayeke sara siokpari, ngbene ye na tongo nda ni. Molenge ti Nzapa aga mbirimbiri ti buba aye so Zabolo ayeke sara.

1 Jean 4:15

Zo so atene na yanga ti lo atene, Jésus ayeke Molenge ti Nzapa, lo na Nzapa angba ti duti oko biani.

1 Jean 5:1

Zo so kue ama na be so Jésus ayeke Christ, lo yeke molenge ti Nzapa; zo so kue aye Nzapa Babâ, lo ye nga amolenge ti lo.

1 Jean 5:20

E hinga so, Molenge ti Nzapa aga awe, lo mu na e lege ti hingango ndo si e hinga taa Nzapa. E na taa Nzapa, e ga oko na lege ti Molenge ti lo Jésus Christ. Lo laa lo yeke taa Nzapa, lo yeke fini so angba lakue lakue.

1 Jean 5:5

Zo wa laa ahon ndö ti dunia so na ngangu? Gi zo so ama na be so Jésus ayeke Molenge ti Nzapa.

2 Jean 1:7

Azo ti mvene asi singo, ala mu ndö ti dunia kue; ala yeke tene na azo atene, Jésus Christ amu ando tere ti zo pepe. Lege so ala yeke hinga na zo ti mvene, Wato ti Christ laa.

Aye so Nzapa afa 2:18

“Su mbeti so, mo tokua na *ange so ayeke na li ti *Eglize ti gbata ti Tiatire: “Molenge ti Nzapa, lo so le ti lo ti bango na ndo aza tongana menga ti wâ si agere ti lo akpa bengba wen so a kpaka ni si aza zango, lo tene: