Rome 1:29 - Mbeti ti Nzapa - Tënë so amu fini

²⁹ Asioni ye nde nde asi singo na be ti ala: ye so ayeke mbirimbiri pepe, sioni be, nzara ti warango ye mingi; ala yeke azo ti sioni be, kota be ahon ndö ti ala, ala yeke azo ti fango zo, azo ti papa, azo ti mvene, azo ti mbana, azo ti dungo mvene na iri ti amba ti ala,

Rome 1:29 ပူးပေါင်းရင်းမြစ်များ

Abia (Psaumes) 41:7

Tongana mbeni oko ti ala aga ti baa mbi, lo yeke na asioni tënë na be ti lo na tere ti mbi; asioni tënë so azo ayeke tene na tere ti mbi, lo yeke bata ni na be ti lo. Gi so lo sigigi awe, lo yeke vunga ni na ndo kue.

Amato 16:28

Zo ti handango ndo ayeke sara si papa alondo; zo so ayeke du mvene na li ti azo, lo yeke bi kangbi na popo ti akamarade.

Amato 26:20

Tongana keke ti wâ ahunzi, wâ ayeke mingo; tongana zo ti dungo mvene ayeke daa mbeni pepe, papa ayeke kai.

Matthieu 5:32

Ti mbi, mbi tene na ala: koli so atumba wali ti lo, ataa so wali ni agi mbeni koli nde pepe, andaa lo laa lo pusu wali ni ti gi koli. Koli so amu wali so mbeni koli atumba lo, andaa lo gi wali ti zo awe.”

Rome 3:10

Mbeti ti Nzapa atene: “Zo ti mbirimbiri ayeke daa pepe, ataa oko ayeke daa pepe.

2 Korente 12:20

Mbeto asara mbi titene tongana mbi si na ala kâ, mbi baa dutingo ti ala ayeke nde na ti so be ti mbi aye si ala nga, ala baa dutingo ti mbi ayeke nde na ti so be ti ala aye. Mbeto asara mbi titene aye tongaso aduti na popo ti ala: papa, kota be, ngonzo, kangbingo tere, zongango zo na asioni tënë, fonongo na iri ti zo, baba, sarango aye ti wusuwusu.

1 Timothée 3:11

Alingbi awali ni nga ayeke azo so ane tere ti ala, ala yeke tene sioni tënë na iri ti zo pepe, ala yeke sara ye ahon ndoni pepe, me na legeni; azo alingbi ti zia be na ndö ti ala na ya ti aye kue.

Tite 3:3

E nga, e yeke ando azo so li ti e ayeke daa pepe, azo ti ngangu li, azo so agirisa lege. Ando, e mu be ti e kue ti sara aye so anzere na be ti e si nzara ti aye nde nde ahon ndö ti e; e yeke azo ti sioni si e yeke sara kota be na tere ti amba ti e. Azo ayeke ke e; e nga, e yeke ke tere na popo ti e.